انا مش عارفة ليش زعلانة واحد وطلق ومعاه اطفال ومستواه المادي اقل واستخرتي وما اراد الله ان كان من نصيبك سيرجع وان كان لا فقولي الحمدلله اللهم اجرني من مصيبتي هذه واخلفني خيرا منها

نصيحه من اخت


لا تاخذون كلام الخطاب على محمل الجد الين توصلون مرحله التحليل


ياما شفت من هالمواقف يكلمونك بحماس كأن الدخله بكرة و بعدين تنقطع فجأة حتى ليتهم يتصلون يقولون مافيه نصيب


وصارت بعد شوفه حريم و بعد شوفه رجال بعد !!!!


و كلامي أقوله عن تجربه شخصيه انخطبت كثييير و انسحب علي لدرجه ما قمت أعد وجاني تبلد ما عاد اتحمس


مخلين البنات سلعه يتفرجون و يروحون ولا يحجزون كم وحدة بالتلفون و يروحون لوحدة و الباقي سبير


يا أختي وسعي صدرك وما فاتك الا الشر


وشوفه الأهل لابد منها يمكن ما يعجبونك أو ما بينكم توافق


وترا مو كل الأهل يقولون خلاص هذا نصيب ولدنا بعضهم يستقعدون للوحدة


ولو تجيب عيال طولها قالوا هذي ما رضينا عنها وبعضهم مايرتاحون الا بطلاقها أو زواج ولدهم عليها


ريحي وهدي أعصابك وربي كاتب لك الخير فلا تحزنين

طيب برد مرة ثانيه لأن ما لقيت التعديل


ركزي معي و أنا اختك


جتني فترة أقول لو يطيرون الحريم ما عاد دخلت عليهم أنا زهقت وطفشت و اصلا رايهم ما يهمني الخ الخ الخ


صارت سالفة خلتني أغير قناعتي


وحدة مقربه مني خطبها الأبو عشان سمعه اهلها و قال لحريمه روحوا منظر و الراي للولد انتم مجرد واجهه


وشاف البنت و اعجب فيها بقوة و وافق حلو .... لا مب حلو


والله العظيم انهم من ايام الخطبه وهم يستهبلون عليها و بعد الزواج كانوا يقلبون ولدهم و يبينون عيوب زوجته


غير الاستقعاد لها في المناسبات هي بالطقاق قدرت تخليه ما يسمع كلام اهله فيها وصار يتقبلها


بس هم لحد كتابه هالسطور وهم منغاظين منها ومن حبه لها رغم عدم اعجابهم فيها


اسمعيني يختي لا تتنازلين عن شي مهم قبل الزواج لأن بعد التجربة بتتغير أشياء كثيرة في قناعاتك


وربي قادر يرزقك مواصفات زي ما تحبين ادعي وكثفي الدعاء


اتمنى تقبلين وجهه نظري

قولي الحمدلله اول شيء بيعيشك أقل من المستوى الي انتي متعوده عليه لا وكمان رافض شرط الوظيفه وفوقها تربين بزارينه صدقيني الوحده يا دوب تتحمل عيالها ما بالك لعيال غيرها استغفري كثير وادعي أن يرزقك بالشاب الصالح الطيب

يوشا خانم كفت و وف