هل يحق لي الانفصال ام انا مبالغه ؟

السلام عليكم كيفكم بنات وحريم حوا


بدخل بالموضوع علطول اولا انا امر بوضع الله اعلم فيه وابي استشاراتكم نصائحكم الله يسعد كل من ترد علي يارب


قبل الزواج كنت متشفقه عالخطبه والزواج بكبره ولما خطبني زوجي اصريت ع اهلي اني اخذه وحكولي انهم مختلفين عنا تماما بس كان اهتمامي الصلاه يصلي قالو ايه
وبدت اخطي واجر تنازل وراء تنازل لا زواج ولا مهر مثل باقي الناس وتقريبا كان كل شيء علينا وكان عذري اهم شيء التوفيق حتى شهر العسل كان هديه من الوالد


ومرت ايام الخطبه (الملكه) ماكان متشوق لي نهائيا وحسيت انه مغصوب علي وسكت خوفا من اهلي ورده فعلهم وبذاك اليوم مستحيل انساه طول عمري اعترف لي بحبه لوحده من اقاربه وانه مو قادر ينساها ومقهور انها رافضته انصعقت وبلعتها وسكت ..


وجاء الزواج ومرت ايامه وحملت ورفض يغير شقتي كانت من اسوء الشقق كانها مقبره واضطر الوالد يسكني بااحد عمايره ورفض زوجي دفع الاجارات وقال ابوي عشان خاطرك مابي الا سعادتك ومشت الحياه


اهله غثوني بشكل مو طبيعي من التدخلات وفرض رايهم مايبي يصرف علي ولا يطلعني نهائيا ودخلت اهلي بهالمشكله وصار يصرف الان وكانه مجبور علي


وامه شغاله ع راسه باانتقادي بشكل مستمر لما صار يكره شوفتي وتمدح حرمه اخوه حسبي الله ونعم الوكيل
واكتشفت بعدها انه يعاني من اضطرابات نفسيه مثل ضرب نفسه واصريت انه يعالج لاكن مايستمر
وصرت اتحمل واحاول اعدل وضعي واصبر واكافح بس الحين احس مالي من الصبر قطره ودي اموت ولا انفصل ابي انهي هالحياه باي شكل من الاشكال اعدم ثقتي بنفسي اعدم نفسيتي وفوق ذا كله بدايه حياتي شغال طراره عند عماني يعني خربها من كل جهه وسيارته خذوها اهله واضطريت اشتري له سياره


مدري ليه سويت بنفسي كل هذا وكل شوي يجرحني بالانتقاد وتصرفاته القبيحه مع العلم ان لي سنتين اهو بغرفه وانا بغرفه ودايم اقول اصبر عشان عيالي لان مراح احد راح يتحملهم ولا بيرحمهم


شورو علي يامسلمين وش اسوي بعد حكمه الله بحياتي اخاف اتطلق واتبهذل زود وانا مو حمل هم اكثر