ياحياتي :(

والله زعلت عليك.

شوفي ياقلبي اول شي خذيها حبه حبه تعلمي الكبسه لانها راس العمود عندنا ومعاها سلطه خضراء وسلطة زبادي والسلطه الحاره

بعدين المكرونه الحمراء وبعدها المكرونه بالبشامل .

بعدين ادخلي على الحلا خذي ثلاث انواع سكله بسبوسه شيز كيك وحلى القهوه بعد ماتضبطينهم .

ادخلي على المعجنات بانواعها اذا ضبطت معك العجينه ولا ارسليلي برسلك طريقتي فيها
بعدين بعد ضبط هالاشياء خذي كل يوم اكله مالحه وحلى جديد وحاولي تطبقينه بحذافيره.
نجي للاشياء المهمه بالطبخ الزنجبيل الاخضر / الثوم / البصل / الشبت / البقدونس الكزبره/
والبهارات الكاري واسناد / وهيل وقرفه وليمون اسود / وكزبره ناشفه
هذي الاساسيات ممكن تضيفين اشاء اخرى حسب الطبخه .
وعندك اليوتيوب فيه العجب تعلمي منه افضل اليوتيوب على الكتب لانه يوضحلك مراحل كل شي كانه عندك
غير الكتب صور ومافيها حياة
وبالتوفيق وان شاء الله تصبحي اكبر شيف يارب .

المشكله وين عندك بالمذاق ولا الطبخه كلها حطي كل طبخه وش الشي اللي مايضبط فيها

ابدي بالرز لين يضبط واختاري نوعيه زينه مثل كوهينور واختاري بهار زين  والماجي الابيض هذا اهم شي عندي......
احمسي بصل مع الملح لين يذبل وحطي الدحاج او اللحم احمسيه شوي مع البصل  ثم حطي طماط او ملعقتين صلصه اذا كان يحب الرز احمر بدون طماط  وخليه يتسبك ثم كبي مويه حاره عليه وخليه يطبخ وبالهوقت اغسلي الرز بدون نقع على حسب نوعية رزك واذا استوى اللدجاج شيليه حطيه بصينيه وذوقي الملح وحطي ملعقه ماجي ابيض وكبي الرز  وقيسي المويه حركيه اذا صار ثقيل يعني المويه زينه واذا يتحرك بسرعه شيلي من المويه وخليه يتنشف وحطي علب فلفل وسوي كشنه بصل وحطيه فوقه... الله يوفقك  ودي اساعدك بس بالجوال صعبه

الله يفرج همك يا قلبي
ويصلح زوجك و يسخره لك يا رب