هنادي ج :

ام شعر منكوش عزيزتي مشان طريقة مخلل الخيار الطريقة يلي ذكرتها سجود فيها غلي للخيار وهالشي راح يخليه اطرى وهو طيب يكون مقرمش موطري لذلك اذا بدك حطي الخيار بقطرميز صفيهم عالواقف زي الحرس جنب بعض ادحشيهم بالزور يعني حاولي ماتخلي فراغات مشان تبقى الخيارة شادة نفسها وماتطرى وهيك بتبقى قرشتها وكانها طازجة المهم بعد ما بتصفيهم جنب بعض وفوق بعض لحد ماينملى القطرميز عالاخر ذوبي ملح صخري بالماء " في عيار بيستعملوا البيضة اذا فاشت فيه بس مافي داعي عزيزتي بيكفي انك تذوقي الملح ولازم يكون مالح بس مو كتير يعني تشعري انه الماء مالح بس مو بشكل ماتقدري تذوقيه وبعد ماتذوبي الملح منيح منيح بتحطي ثلاث ارباع القطرميز ماء مملح والربع خل تفاح انا بكثر من الخل لانه مفيد وبحب طعمه اهم نقطة انك تغلقي القطرميز بالزور يعني يكون الغطاء يادوب عم تقدري تغلقيه من كتر ماانتي داحشة الخيار هههههههه عرفتي شو هي داحشة يارب تكوني عرفتي لاني مالقيت مرادف الها بلهجتكم هيك بعد حوالي ثلاث او اربع ايام وهو طبعا خارج البراد بتلاقي اللون تغير وصار مخلل ساعتها بدخله للبراد مشان اطول عمره واذا مالك مستعجلة عليه حطيه بالبراد من اولها انا بشق كل خيارة من اخرها وبحط فيها بنصل السكين دبس الفليلفلة وبحط بالقطرميز سنين ثوم وعرق كرفس بس هدول مو ضروري وفقط اضافة واذا عجبتك الطريقة انا بخدمتك حاسة حالي مربطة ايدي بدون صور لاني مالي قادرة انزل صور واوضحلك الفكرة لانه كله مصور عندي

ام شعر منكوش عزيزتي مشان طريقة مخلل الخيار الطريقة يلي ذكرتها سجود فيها غلي للخيار وهالشي راح...