نسمات الحرية :

السلام عليكم يا بنات دخولي سريع بس بدي احكيلكم فلم الرعب يلي عشته اليوم الصبح ...كنت عم بصحي زوجي وبنتي على موعد المدرسة ...وفجاة بيدق جوال زوجي ...واذ ....الاتصال من اهل زوجي ...وقالو بيوصلو الرياض بعد ساعة جايين من سوريا ...انا من هول المفاجأة ماصدقت وصار شكلي معقول اكتر من 36 ساعة ع الطريق ما قدرو يخبرونا الا قبل وصولهم بساعة ؟؟؟؟؟؟ طبعا الحمدلله بفضل الله ثم فضل الهمهومات البيت نظيف ومرتب وماعندي غير ترتيب سريري وسرير بنتي بس المقلب اني مو مجهزة حالي بالاكل المهم وصلو الجماعة وعملت فطور من الموجود ... وحتى ارتاحو شوي ورتبو اغراضهم صحي ابني من النوم وهات يا صياح وبكا والله خلاني متل المربوطة بايدي ومو عارفة اتحرك ولا قادرة اشوف ضيوفي والحق على طلباتهم وفوقها لازم الحق الطبخ لان زوجي ممكن يتنازل عن اي شي الا عن الطبخ في حال وجود ضيوف بالذات من اهله لازم لازم اطبخ ولايمكن يجيب جاهز وعيونكم تشوفني يا بنات وانا شايلة ابني وعم بركض بين الطبخ والترتيب وتامين راحة الضيوف والله ايدي ورجلي مو حاسة فيهم والطامة الكبرى ان ابتداء من يوم الاربعاء رح نبدأ باستقبال باقي افراد العائلة القادمين من برا الرياض حتى يسلمو على اهل زوجي يعني بحسبة بسيطة رح يكون عندي بالبيت ما لايقل عن 9 اشخاص غيرنا نحن وكلهم بدي الحق لهم طبخ ونفخ وضيافات وطلبات ..وهاد الشي انا متعودة عليه من اول زواجي ...بس مع وجود ابني الله يخليه صارت المهمة انتحارية بنت ابدا ما كانت هيك ...بالعكس تنبسط كتير بوجود الناس وارتاح من نقها بس اخوها غير ...وانا موقادرة انام من كتر ماعم بفكر وبحسب للايام الجاية ومو عارفة شو اعمل انتظرت الكل حتى نامو وجيت افضفض لكم شوي أبلة هدوء ....تمنيت ما انقطع ولا يوم عن الملف بس غصب عني رح انقطع ويارب لفترة قصيرة وبرجع كل البنات ...دعواتكم ربي يسهلها وما يصير معي انهيار عصبي بالايام الجاية لاني مع قلة النوم وبكاء ابني المتواصل حاسة حالي على حافة الانهيار

السلام عليكم يا بنات دخولي سريع بس بدي احكيلكم فلم الرعب يلي عشته اليوم الصبح ...كنت عم بصحي...