السلام عليكم ورحمه الله وبركاته
فكره روعه يعطيك العافيه
انا بنوته بس انا الي اشتري لنفسي اغراضي
زين جانا الحافز ولو ربي يسلمه من النقصان من تحيثاتهم الي ماله داعي
ربي يرزقني الوظيفه وكل محتاجه
فيه للاخوات كم فكره حلوه
واذكر مره خالتي قالت عن جاتها قبل لاتروح تكون مكتبه الي تبيه بورقه
وتعرف كم سعرها وكل غرض معها سعره وتطلع مشريه الي تبيه وتكون فلوسه ع انه قليله بس تكفيها
ولاحظت الشخص اذ كان المال قدام عينه بيبذره ويماطل بداخره
ففرض الي من هالنوع اما يفتح حساب توفير او يعطي المبلغ لشخصثقه ولايخله يعطيه من المبلغ
الا اذ تجمع وصار قيمه الشي الي ناوين تشترونه
وحلوه قبل ماتروحين للسوق تكتبين الي تبينه بورقه وتاخذين ع قده المال ولاتزيدين الا شي يصير ولا تكون معك البطاقه لنك بتصرفين زياد ع احتاجك ويمكن بعد تطلعين من السوق او السوبر وانتي ماخذتي الي تبينه

حلوه فكره الضروف الي قالو عنها البنات وبعد حلوه لو تدخلين جمعيه مع زميلاتك او احد قريب
واكثرو من الاستغفار وقيام الليل والدعاء سهام الليل لاتخطي والصدقه لانه تجلب البركه وو
وربي يوفقنا لكل خير ويبارك لنا في مالنا
استغفر الله العظيم من كل ذنب عظيم

راتب الشغاله 700وودي استغنى عنها لو موظروفي الصحيه

آجار الشقه 1500يدفعها كل 6شهور واذا نقص شي منها يستلف من اخوانه ويكملها

العيال كل يوم لهم طلب العاب واشرطة سوني 2كبار و2صغار

مصروف البيت 1500 وبرضه ماتكفي ,,,
ياليت تساعدوني في ترتيب الميزانيه جزاكم الله بكل خير

انا عندي حلول احلى
اهم شي تخطيط الوجبات الاسبوعية تخليك تجيبي بس تشتري اللي بالفعل محتاجة من خضار

كل يوم اربعاء اشيك ع النت مواقع بندة الدانوب و بن داوود واشوف الاشياء اللي احتاجها او بتخلص وعليها عروض اشتريها بس لا اكثر لا اقل
يوم الجمعة انزل بندة اجيب العروض
واجيب مقاضي حق طبخة ثلاث ايام مع نوعين عصير و فاكهة

والاثنين مثلا انزل الدانوب بن داوود واجيب مقاضي مقاضي ثلاث ايام ونوع فاكهه
عشان التنويع وعدم الحرمان
صحن صدور الدجاج اعمل منه طبختين ادق الصدور بالمطرقة الخاصة لها بكذا يزبد حجمها وغالبا ادخل بالطبخة الخضار اخليها اكثر
حنا اربعة اشخاص
مثلاحنا الرز رسمي ع الغدا انوع مرة ابيض مرة اصفر
السبت دجاج فيتوشيني مع رز العشا شكشوكة
الاحد سمك فيليه بالطماطم مع رز االعشا سلطة يونانية
الاثنين دجاج صيني مع رز العشا شوربة عدس مع فطيرة جبن باف باستري

المنظفات مااستخدم غير
فيري
ديتول للمطبخ كل يوم اخفف شي ببخاخ وانظف كل شي
جينتو للحمامات والبيت عامة
عندي حساسية مااحب باقي المواد تثير حساسية صدري
واحس انها بس زيادة مصاريف اي دهون بالخل وبيكربونات الصوديوم تفي بالغرض
المناديل وباقي الاشياء من عالم التوفير والباشوات

بالنسبة للمطاعم درت كل المطاعم مااحب احرم نفسي لكن بذكاء

اغلب المطاعم تسوي عروض غدا
مطعم بيتزا هت غدا حتى الاسباع الشخص ب 35 ريال
مطعم فرايديز الشخص ب 35 ريال وجبة كاملة سلطة و صحن رئيسي ومشروب
يعني انت وزوجك واطفالك تحت 5 سنوات ب 70 ريال
مرة كل اسبوعين

يابنات انا اعمل حركات مو بخل لكن حلو لما توفري
البوبوكورن بالكراميل اولادي يحبونه لما نخرج للملاهي اعملة بالبيت واخذه معي ناكله هناك
الذرة نفس الطريقة
لما نخرج كل واحد له قارورة ماء من البيت اوفر بره الموية بريال تكون بريالين وبالكرتون لما تشتريه تكون بنص ريال فاخذها من البيت

عودت اطفالي لما نخرج بس يطلبوا شي واحد يشتروه
يعني انا طلعت اليوم الملاهي مااخذت شي من البيت خلاص يشترون دونات او ايسكريم لان هذي اشياء ماقدر اسويها بالبيت
وبعدين طلعنا ملاهي ماناكل عشا م بره
الاسبوع اللي بعده نروح مطعم نتعشى

في مواقع تقدم عروض مرة حلوة وجربت كثير منها
مثل موقع كوبون وموقع دير ان ديل يقدم عروض مطاعم وصالونات توصل 70%
تخفيض
مرة حلوة بس لازم يكون عندك فيزا انترنت اوعادية عشان الشراء

في شي اغلبكم ماتعرفونه ملاهي الحكير بكل مكان صح

اذا رحتم الشركة مو الملاهي عندهم عرض بس بالشركة موجود

بطاقات شحن مشحونه ب 600 ريال تدفعي بس 250 ريال
وبطقات شحن ب 4500 ريال صح موغلط اربعة الالاف وخمسية ريال تدفعي بس 1500 ريال
ممكن تتقاطي انت واخواتك على 500 وتاخذي سحن ب 1500 ريال

صح توفير خاصة مع الاجازة
بس مو كل المدن اتاكدوا قبل تشترون
اتصلوا على الرقم المجاني اللي خلف البطاقة واستفسروا

في عروض شركة زين الشحن
تشحني اي مكالمات خميس وجمعة ترجعلك دبل كلمتي ب 20 ترجع السبت ب 40 ريال تستهلكيها حتى الاربعاء بشرط مايكون فيه شحن برصيدك
الواتس بدل البلاك بيري مع اني مااحب استخدمه احب البيبي لكن للي تحب توفر السكاي بي

جود بلس ثابت ونت ومكالمات جوال مفتوحة للاتصالات و 800 دقيقة لموبايلي وزين بالشهر تخفض الفواتير بشكل رهيب

المستشفى الحكومي بس الله يعيك على الانتظار لكن توفير رهيب
نزلت فواتير العلاج عندي للنص خاصة الادوية تخيلوا المضاد الحيوي كنت اشترية ب 80 ريال الان مجاني وقيسي عليه
سويت عملية لابني كانت بالخاص تكلف 7000 ريال عملتها مجاني
شهريا اطلع بمبلغ حلو ولكن ماجمعت ولاشي منه عشان كله يروح لعلاج التخاطب لابني كل شهر 2000 ريال
هذا الهدف اللي خلاني اوفر واسعى للتوفير عشان اقدر ادخله للعلاج لانه للاسف المراكز الحكومية مو بالمستوى المطلوب

ادعو لي ربي يسهل تعييني
وربي يحلل عقدة لسان ولدي ويشفي بنتي

على راحتك حبي استفت نفسك