هوشتي مع خواتي

السلام عليكم ورحمة الله وبركاته

مالي بالقدمات....لاني مواصله مانمت وزعلانه وقلقااانه. وشكلي برتكب جريمه
لا موازين الدنيا انقلبت
البارحه اجتمعت بخواتي عند امي الله يحفظها
وسوالف وضحك ووناسه
لحد ما جاء طاري خالتي
وينقلبون خواتي كلهم علي
خالتي الله يسلمكم..دايم هي وامي مناقر بس يرجعون لبعض وينسون الزعل
قبل سنه قابلتها عند امي...ومن حظي الزفت انها تتناقر مع امي على موضوع الاراضي والعقار وهذا ملك زوجي والثانيه تقول ملك زوجي انا ..والله ناخذها بدق الخشوم..ومن هالكلام
قالت خالتي...وابوكم المسكين وش عنده.ما يقدر يسوي شي.وجلست تتلفظ على ابوي حبيبي..اللي رجالهم مايسووون ظفره لا بالكرم ولا بالطيب..واخلاقه زينه مع الجميع..
عاد انا من بعد تلفظها على ابوي زعلت وهجرتها وماعاد دخلت بيتها..مع ان خالتي تسوى عيوني بس خربتها بكلامها عن ابوي

خواتي الشاطرات..مركباتني الغلط
يقولون مالك دخل..بين الخوات..يتزاعلن ويتسامحن ماتدخلين
تجين وتستسمحين من خالتنا وتبوسين راسها
قلت وش اقول...اقولها سامحيني ي خاله عشان تلفظتي على ابوي...وش اقول
وتخانقت انا وياهن..الا بالقوه انا غلطانه...ولازم اطلب السماح
وربي انهرت وبكيت.بسبب امي وخالتي
.واخواتي بكل وقاحه يقولن..تجهزي الليله بنروح ومعنا عشاء كبير وبناخذك معنا..لعل وعسا ترضا خالتنا
ي صعب الاهانه...ما اقدر اسويها ..ما اقدر
بقفل بابي وماني فاتحه لا احد..وماني رايحه معهم
والله لو اروح لا ارتكب جريمممه فيهم
لا وبعد عشاء بذاك القيمه وي ليت تستاهل خالتنا
ولا يثمر بعينها..وتعتذر عن الفاظها واستحقارها بحق ابوي

بنات ..ابوي لو اخلاقه شينه وزفت ....والله ما ازعل...عسل على قلبي انه ينشتم وينسب
بس ابوي طيب طيييب والله العظيم طيب وقلبه نظيف ..ويحب اهل امي وهم مايستاهلون

ماني رايحه.معهن..واللي يصير يصير

وش رايكن ؟
يمكن لكن ي بنات حواء نظره بالموضوع...
وصدقوني راح اخذ بشور الاغلبيه