هيآ مررّه وتوووبه .. مآبحبّوآ توووبه ! .. x(

السلام عليكم ورحمة الله وبركاته
كيفكن حبيباتي حوائيات الجميلات اللي دايم استفيد منهم ..
ياعساكن بخير وصحة وعافيه < وقسسسم الصحة شي جميل مايحس به الا اللي .. شسمه .. تهئ 
طبعا اكيد ملاحظين اني اعاني من مرض خطير وبما إني أجلس ع الصبحيات فاضيه لا شغله ولا مشغله قلت خلني أشكي لكم همي شوي < بتتكفخ اليوم 
وقسم لو تشوفون يديني ترحمووني .. تهئ
بس انا استاااهل .. اللي ادور الكشخه والتزيين اللي يشوفني يقول عندي رجل اتزين له مالت علي < من الحرة قمت تخورها شوي بس ماعليه تحملوني ع ما أطيب تدرون ليس على المريض حرج خخخ
ادري طولتها ومصختها بس لا تحسبون ماعندي سالفه ترى سالفتي زينه وقسم .. يمقن تستفيدون منها في يوم من الايام < خلصينا !!
سالفتي الله يطول بأعماركم .. هذاك اليوم انعزم ع زواج واحد من معارفنا ويبدا التخطيط ع الكشخه واللبس والاستعداد < فيها فقر زواجاات
الموهم وتنقز فكرة الحنا براسي .. يافكره القراده 
طيب الزواج بكره ومايمديني ! قمت دقيت ع وحده من الجيران تنقش حنا اذا تقدر تنقش لي اليوم قالت عادي حبيبتي تقدرين تنقشين حنا سودا وتصبغ على طول .. والله فكره وسيدا يابنت طيري وتحني أسود عشان مافي وقت مع اني شايفه وحده من البنات من قبل نفخت يدينها بس ما اتعظ استاهل
بنات .. لما رحت لها اسألها .. الحنا السودا يسبب انتفاخات وحروق ؟ قالت لااا ابد ولا شي !!! < حسبنا الله ونعم الوكيل تهئ
تحنيت وطلعت يديني جنااااااان ورحت العرس والكل انهبل علي وما اكلتها الا بعد اسبوع لما جا يروح الله لا يوريكم وش صار بيديني ! ورمت يدي مكان النقش بس يعني النقش ارتفع عن سطح الجلد < يمديكم ع التعبير الجغرافي  XD
تعالو شوفو الالتهااب والحماااار والانتفاااخ كييييف والحكه بتاااااكل يديني وربي وكل من شافني قال سلامات محترقه !!! ><"
ماظل زيوت في بيتنا ما حطيتها لكن مااافي فايده ابببد ..
امي الله يحفظها ويطول بعمرها اقترحت علي احط عليها حنا .. وفعلا قلت ماني خسرانه شي لأن ماظل شي ماحطيته ولا في فايده ..
قلت وداوها باللتي كانت هي الداء هع < حكيمه يا جوجو :$
بناااااات !!
اقسم بالله حطيته ونمت .. صحيت من النوم سحححححر ادور وين اانقش ما اشوفه !! 
كل الانتفاخ والحمره واللتهاب والحكه والنقش بكبره اختففففى ومن اول مررره .. بجد الحنا اختراع عجييييب سبحان الله !
للأمانه باقي لسا لون اسمر شوي من لون بش تي مكان الحرق بس متأمله انه يروح مع الاستمرار .. 
طبعا اكتب لكم الحين والحنا ملطخ ع يديني للمره الثانيه .. < من قلب الحدث XD
وراح اوافيكم بالأنباء المستجده فور حدوثها ان شاء الله < ودكم تقولون لا يكثر أدري هع
.
. 
الزبده يا بنات ..
انتبهواااا من الحنا السودا شوفوني انا شفت صاحبتي وما اتعظت طحت بغلطتها وكليتها ترى مره يحرق الجلد وضار ع الجسم لأنه صبغات ومواد كيماويه ماهو طبيعي .. اقسم بالله اول ما نقشته ع يديني جاني الم قوي فيها بالعظم وما ادري وش الرابط سبحان الله ! 

نزلت الموضوع للفائده والتحذير ونزلت لكم العلاج في حالة تعرضتوا لنفس حالتي .. وما أبي منكم الا الدعاء لوالديني بالصحة وطول العمر ولي بالتوفيق والزوج الصاالح .. وسلامتكم :-)