وأخيراً قابلتها .... كنت بانجن وقت عرفت إنها في مكة .....

السلام عليكم ورحمة الله وبركاته ...

كيف حالكم ؟؟إن شاء الله بخير ...

السالفة إني ............


قابلتها ... رحت أركض ... الكل يناظرني ... وش فيها هالبنت ...ما دروا عني والا كان اعذروني ...


جاتني رسالة على الجوال إنها في طريقها لمكة ... ما صدقت ..توقعت إن السافة مزحة ... اتصلت عليها ...وأكدت الخبر ... كنت بطير من الفرحة ..حمدت ربي وسجدت له شكر ...لأني ما توقعت أقابلها أبد ...وكنت أدعي في صلاتي أني أشوفها والحمد لله شفتها وإنهبلت... :icon28:



سكنت قريب مني ...مسافة عشر دقايق ...كنت أناظر الحمام :( كل يوم أتمنى أكوووون حمامة من شان أشوفها وأحرسها ...ويكون بإمكاني أروح معاها وين ما تروح ...


تواعدنا نتقابل في الحرم بعد صلاة العشاء ...نقعد شوي ونسولف مع بعض ...صليت العشاء في الحرم ...بعد ما خلصت الصلاة ....


اتصلت علي وقالت أنا عند باب الملك فهد ...وأنا كنت عند باب السلام ....جيتها طايرة ...أمشي بسرعة .. كانت معاي الشغالة ...تضحك علي تقول انتظري شوي ...وانا ولا ني يمها .... :32:


طبعاً كنت على إتصال معاها وأنا أمشي.... وصلت عند الباب وطلعت أخذتها بيدها وجلسنا في مكان مرتفع ماأحد يشوفنا ... :35:


كشفت وجهي وكشفت وجهها وجسلنا نناظر بعضنا ... كل وحدة فينا تناظر للثانية ...أشوف شعرك ..أشوف وجهك ...شديت طرحتها وشدت طرحتي ...وكلٍ يناظر الثاني والمسيكينة الشغالة ما تدري وش القصة ...


نظرتها تقول فيهم شيء ...:icon32: ( بعدين فهمتها القصة )


جلسنا نسولف ونضحك :a_smil17: ..وتهبلنا شوي كالعاده ما بيني وبينها حواجز ....


رجعت للحرم ورجعت للبيت ... وإلى الآن ما ني مصدقة إني قابلتها أحسه حلم ..


اللي أتكلم عنها معانا هنا في المنتدى ...تعرفت عليها عن طريق هالمنتدى الرااائع ...


أقولكم من هي ؟؟؟؟؟ :13: :heart:





.,’~ْ الفجر الواعد ْ~.,’ :27:


الله يحفظها ... قولوا آآآآآآآآآمين ....