قبل كل شي اذكرووو الله وقولي ربي يرزق كل محرومه بالساعه هذي المباركه كل ماتتمنى ويسهل عليكم ويرحمكم بولاده سهله ميسره يارب
الحمدلله يارب بعديأس شديد وحزن ان باقي لي يوم واخلص التاسع:44:
بيوم 20 /5/1431
دخلت اقرا مواضيع الولاده وقصصهم وكانت اخر ولاده قريتها للعضوه متمكيجه بعز الظهر بعدها حزززززنت كثير اني ماولدت
نمت العصر بعد ماقريت القصه وصحيت ورحت بيت اختي بقمة الحزن والتعب:09:
وجلست اختي قبالي تسولف ونتقهوى ومسويه دارسين مدري ليش وانا قلت بجرب واشرب يمكن اولد وشربت كوبين
ومليون تمره مع اني اكره التمر
وبعد ماتعشت اختي وانا ماني طايقه الاكل:09:
الا حسيت بشي بينفجر داخلي...!!
وقفت الا مسبـــــح قوووووووي انفجر سبحان الله اول مره اشوف كذا
موية الطفل مع ان مافيني طلق ولا شي
وكان المويه مو صافيه فيها اشياء خضرا استغربت لأني قد شفت موية بناتي قبل ماكانت كذا
اهلي خافو من هووول المنظر
اتصلو في زوجي وجاء شالني انا وعباتي شيــــل الى السياره
وانا اهدي الوضع واطمنهم ان مافيني طلق لاتخافووون
الكلام هذا كان 9 ونص العشاء
وصلت المستشفى وشالوني على طول بالسرير وانا اقول شفيهم مو لدرجه هذي...ولما قاسو الرحم انصدموووو انه 2 ســـــم:mad:
والطفل متبرز ببطني ويارب ماياكل شي وهذا اللي مخلي المويه خضراا
قالو خلاص شوي راح يجيك الطلق وصعدوني غرفة التهيئه للولاده
وكل شوي كشف
كشـــــــــف
كشـــــــــــــف الى الساعه11 حسيت بتفائل الرحم 5 سم
والم ابتدء لكن الحمدلله مو ذاك الالم اللي قد جربته ببناتي
ومازال الكشف الى ان وصل 8 سم بدا الجنووون هنااااا وطيران على غرفة الولاده
وبديت ادعي وادعي والله اني دعيت لغيري اكثر من نفسي وخاصه فيه عضوه هنا كانت كاتبه موضوع ادعو لي اكون معكم مناي بطفل وربي دعيت لها ولخواتي المحرومات من كل قلبي
يارب استجب يارب استجب يارب استجب
وسبحان م سخر لي قابله الله لا يوفقها ولا يحللها ولا يبيحها فلبينيه وقاسيه علي مره
كانت تضرب فخذي اذا صرخت
وتدف رجلي بقوه على حافة السرير
وتكلمني بكل قسوه لدرجه اني قلت انا الحين تحت رحمة الله ثم هي لازم اتلايط وااموت نفسي بنفسي
المهم حسيت بعدها بطلعة الرااااس
والله والله والله يابنات ان طلعة الراس كانت جدآ حلوه الم لكن سريع ومن صار الرحم 8 سم وانا احس الالم بدا يخف مو مثل قبل وكنت اقول هذا بفضل دعائي طول الوقت ربي سهل علي وارحمني
وشفت بنتي سحبووووهااااا ومعها الحبل السري اول مره اشوفه وانا بقمة التعب لاني ماتعشيت ولا عندي قوة دفع وتحت رحمة الحقيره اللي ذبحتني قهر :09:
شالو بنتي سدحوها بسرير الطفل وعليها الاكسجين وطلعو من الغرفه وجابو جوالي جنبي وراااحو....!!!
20110424
نـــــــــــــص ساعه وانا لحالي بالغرفه ومحد مسترني من برودة المستشفى
وانا انادي سستر سستر بليز كمان هير انا بمووووت برد ستروني وتجي الحقيره اسألها الف مره المشيمه طاحت ولا باقي ؟؟؟ وماترد اخر شي نظرة استحقار وراحت ربي لايبارك فيها
جاني بعدها دكتور جراح سعودي قبل لا يدخل امرهم يستروني على الاقل غطا على وجهي وسيقاني
وقلت له ربي يستر عليك دنيا اخره
شفت بنتي شالوهاااا وراحو يروشونها وماسمع الا صياحهاااا:icon33::icon33:
ولفووووها وانا بعد الخياطه راح الدكتور وجات الخايسه الممرضه تقول يالله مدام انزلي من السرير اقول لها قربي الكرسي تقول لا
واترجاها وتقربه ويوم قربت انزل للأرض بعدته وامد يدي لها تمسكها وترمي يدي بعيد الله ياخذها وانا احس بهبوووط بقلبي مو قادره اتنفس وجوووووووع مو طبيعي
وبالموت ركبت الكرسي وحطو بنتي بحضني وهذا اول ماحطيتها بحضني تخرع متنفخه من الطلق لبا رحوهااا وخشمها المنتفخ
20110424003
صعدت فوق انا وبنتي وانا اتوجع من الالم باقي مثل الطلق الى ان عطوني مهدئ وارتحت واترجاهم ابي فطووور ابي شي اشربه مويه اي شي
الى ان صبرت نفسي لساعه 8 عشان الفطور بالاخير شوفو فطورهم ربي يسامحهم
20110424007
كل شي ماحبه جابوه لي لكن وتحملت اكل كم زيتونه والحمدلله ربي رحمني بالحلوى اكلتهااااااااااااا كلهااااا
ونمــــــــــــــــــــــــت
وكل شوي اصحى ارضع بنتي واكمل نومتي معهاااا
20110424005
20110424011
الى ان صحيت على زوجي جايب لي هديته واكل محترم فديت روحه
20110424014
وهذا لما جلست اشكي لها اللي صار هههه زعلانه مدري وش عليه
20110424009
والحمدلله طلعت ثاني يوم انا وبنتي بالسلامه وهذا هي بعمر 5 ايام ربي يخليها لي قرة عين لي ولابوها ويصلحها دين ودنيا ويزين خشمهااا خخخخ.. وباقي ماسميتها ..وانا ادعو لي ربي يسهل علي نفاسي لآن محد حووولي ابد :(
20110429002
مستشفى الولاده الحكوومي للي سألوني
nonoo28 @nonoo28
محررة برونزية
يلزم عليك تسجيل الدخول أولًا لكتابة تعليق.
مبررررررررروك نوني الف مبررررررروك وحمدا لله على سلامتك وسلامة القمر
ماشاء الله عليها تدخل القلب الله يحفظها لكم
ماشاء الله عليها تدخل القلب الله يحفظها لكم
الصفحة الأخيرة
نصيحه احذفي صور بنتك ماشاءالله تبارك الله
والعين حق اختي