وااطيحتي طيحااه

بسم الله الرحمن الرحيم
السلام عليكم ورحمة الله وبركاته





من زمان ماكتبت موضوع ...المهم صار لي موقف اليووم يفشششل بمعنى الكلمه <<ماتحب المقدماات
المهمم..اليوم بما أنه اجازه قلنا خلينا نروح السوق نتقضى كم لبسة <<يقالك الحين شرينا السوق خخ
والله ورحنا .. وامي واختي كانوا في زاوية بعيدة وادوور عليهم مالقيتهم <<البنت ضايعه
والتفت يمين يسار يسار يمين مافيه أحد ..وألمح من بعييد ثووب كنه ثوب اخوي والله ومشيت لمه يوم قربت ولفيت من بين ذول النسوان والبزارين وصلت الحمد لله بسلام وتأكدت انه اخوي <<لا أشوه ماهيب ضايعه..ليه الربع الخالي مثلاً..
المهم سألته وقلبي بيقمز من مكانه وييينكم وين أمي يا منيب قايله..طبعا الأخ طير حواجبه وش فيها ذي معصبه
قال طيب أعصابك وش فيك معصبه لايكون ضعتي؟؟!!..أنا :لاماضعت اقول قال ايش قال ضعت ليه شايفني ديكه <<خخ مسويه بريئه
المهم وأسأله أخخلص وين أمي وأختي ذيك وينهم فيه؟؟
قال شوفيهم وراي عند ذيك الزاويه وبعدين راح هو يشتري له جوال مادري ايش
وأنا مسويه عصبيه مادري عصبيه من جد ..وأرووح بكل قوتي وأمشي بثقه بين النسواان والخلاقين وشوي حسيت رجلي نشبت في شي وأنا رجولي الثانيه تمشي باقي<<بالله ترجموها
واااا طرااااااااااخ على وجهي والنقاب تبهذل وألقط وجهي أدور في أمي
ووحده عجوز كانت جنبي تقول بسم الله عليتس يابنيتي عسى ماتكسرتي..وه استغفر الله عاد دوروا وجهي حزتها ماتلقونه
رحت بس أكمل مشواري والا أشوف بنت تناظر فيني كانها فيها ضحكه بس حوّلت عنها بعيد وكملت أدور عليهم <<مشواار التدوير<<احلفي
والقاهم وأقول لاختي وأمي السالفه عاد أمي حطمتني بالتهزيء بس طبعا بشويش عشان محد يسمع
وأختي قالت استري على نفسك بس ..<<مسويه حكيمه ع غفله هههع
انا عاد نشرت السالفه بالعائله واختي الحكيمه تناظر فيني كأنها تقول الحمد لله ع العقل...

المهم يااليت ع كذا بس إلا شي ثاني يوم وصلنا طال عمركم ..وقفنا عند البيت وفتحت الباب ونزلت والسيارة تمشي<<<لحد يضحك خخخخخ
واا شوي الا أخوي يصرخ اركبي اركبي يابنت<<ماوقفها زين..
المشكله اني على الأرض والسياره تمشي وماحسيت الا بدووف وجهي ع الارض مرة أخرى<<قيم أوفر هع
والمشكلة الثانيه انه كان واحد من جراننا طالع ومادري شافني ولا لا <<يارب ماشافني آميين
المهم واتلايط وادخل والكل بالسياره يضحك علي وأنا خلاااص <<برررررراااااا ههع

يلا عاد الله الله بالردود الي ترد الرووح <<تسمع فيها

:):):)دمتم أنتم ومواقفكم:):):)

:26::26::26: