يالله ماعلينا
ركزو معي بهـ السالفه ترى ماراح أعيد ولحد يقاطعني
.gif)
ماعليكم من الخبل هذا ولد جيراننا الله يستر عليه
المهم خلني أسولف عاد
وربي تموت من الضحك
والله ما زليت عليكم بكلمه أني أنصرعت إلا شي
أخوي معاي اللي أكبر مني
يقولي أسكت أثثثثثثقل يا ولد
وأنا ميت ضحك
السالفه ومافيها أن:
أبوي تعب علينا الفجر ووديناه المستشفى
المهم قالو لازم نسوي تحاليل له
عاد أبوم الله يطول بعمره مو شايب مهتري لا الحمد لله على كل حال متعافي وعنده نشاط الله يديمها له
المهم دخلنا على الهنديه الممرضه
تعرفون الإبره اللي تنطق بالأصبع الوسطي أو اللي جنبه
مالت السكري
هذي مو عندهم
طلعت الممرضه أبره عاديه بس طويله
طقت أبوي مع أصبعه لين بغت تطق العظم
بس بسرعه
أبوي مع هالطقه فزززززز على حيله وقال لها (عمااا)
جان يشلع الممرضه طررراق على الجبهه بس شطف
أنا هني أنصرعت مت ورب الكعبه أنسدحت على الطوفه وميت ضحك
عاد تخيلو المستشفى الفجر ومليان مرضى وأنا بينهم منصرع ضحك
المهم خلوني أكمل لكم السالفه
الممرضه تطالع أبوي وهي معصبه وتصارخ ليش وما ليش
أبوي كان مزهب الطراق الثاني لكن طول الوقت أخوي ماسك إيدين ابوي وطايح على كتفه ميت ضحك
تخيلو الموقف أبوي والممرضه يتهاوشون وأنا وأخوي ميتين ضحك واحد متعلق بأبوي ويضحك وأنا تعلقت بستارة السرير لين بغت تطيح
وقتها وربي رجليني ماقدرت تشيلني من الضحك
يوم هدينا الوضع وهدى أبوي والممرضه جت وحده ثانيه
على فكره أبوي مو من النوع اللي مايعرف شي
لا كان عباله راح تطق أصبعه بالإبره التقليديه المعروفه اللي لها زر وهي تطق الأصبع
المهم
يوم جت الفلبينيه عشان تكمل التحاليل أبوي كان حاط الترمومتر بفمه وعاضه ويخز الهنديه بنضرة حاقد
والله تذكرت هالأختصار
.bmp)
(وربي وقتها تمنيت أني مصوره لكن ماقدرت أمسك نفسي لأني طلعت بين خلق الله أضحك وهم يطالعوني (المرضى
ولا استحيت لأن ماكان فيه وقت للحيا
المهم
خلصنا التحاليل قالو لازم أشعه للصدر ومدري شنو
أنا مشيت قدام ابوي وأخوي
أخوي ماسك إيد أبوي ويمشي فيه وماسك نفسه من الضحك
وأنا كل ما ألتفت عليه شاف عيوني غرقانه بالدموع من الضحك
يقوم ويضحك معي
المهم رحنا لقسم الاشعه
ونطرنا الدور
عاد هناك اللي يشتغل فلبيني قزم
المهم
أبوي وقف عند باب دخول الأشعه
جان يطلع الفلبيني يصيح وينادي (سعد سعد)وهو كان شوي ويحضن ابوي من قربه
((أبوي صاح عليه يقوله ((وجعت(ن) تمصع تسلوتك
هني الفلبيني أنحاش وأنا أنصرعت بمكاني لكن هالمره مامسكت نفسي
ضحكت بأعلى صوتي والكل يطالع
وكنت قاعد على كراسي الأنتظار وهو قدامي والمكان لي تتنسم تسمع صدى نسمك
أجل شلون لو تضحك بصوت عالي
ههههههههههههههههههههههههههههههههههه
يوم صاح انا طحت من الكرسي وماسك بطني من الضحك وأصيح مقدر مقدر وربي مقدر
وربي حست ان فيه شي أنفجر ببطني
المهم
((الفلبيني أنحاش داخل الغرفه وأبوي يطالعنا ويقوله ((أمحق ورع
لأن صوته عالي وصوت رجال لكن موباين على جسمه
هذي السالفه اللي حبيت أذكرها لكم
عساها تكون حلوهـ مثل ما أنا احس انها حلوه
يالله الحين أقلطو على عشاكم وترى بكره فيه ديوانيه بعد العشآء عندي
ولا تنسون الردود
منقول
تلاوات خاشعة في غاية الروعة
http://www.tvquran.com/
والله انك عسل يانووور انتي ومواضيعك
يسلمو عالنقل