واخيرا اقولكم لا تساقط للشعر بعد الان باذن الله

اول شي يا بنات قبل ما تقراو الموضوع قولو ما شاء الله تبارك الله
تراني اخاف من العين والله اللي شوفته مو شويه والعين حق والواحد ممكن ينحسد من اقرب الناس له وهو ما يقصد لذلك لا تزعلو مني
لاني اعاني من تساقط شعري اكثر من سنتين ما خليت علاج من دكاتره ما خليت زيوت وانبولات شعر حبوب كبد الحوت وخلطات وحلبه ومحلب حاجات كثير ما اذكرها
والله يا بنات كان شعري يضرب فيه المثل في الكثافه والنعومه واللون الجذاب ويوم رحة زواج رجعت وشعري يتساقط بشكل فظيع مع اني حصنت نفسي وقرات الاذكار بس العين حق سبحان الله
المهم حبيباتي بعد البحث والتجارب ذهبت الى صيدليه قبل شهرين واخبرته عن حالة شعري
فقال لي انا اعطيكي علاج رائع وهو حبوب فيتامين عباره عن حديد وزنك وهي خاصه بالشعر
وسالته بالله وحلف انها مفيده جدا
اخذتها واستخدمتها وما شاء الله يا بنات بعد اسبوعين حسيت بفرق كبير في التساقط والحمد لله
واستمريت عليها وعلى فكره يا بنات اي فيتامين تستخدميه على الاقل ثلاثة شهور عشان النتيجه تكون افضل
واستعملت خلطه ثانيه صراحه رائعه وتشوفي النتيجه من اول مره وتتركها على شعرك نصف ساعه او اكثر زي ما تحبي وتغطيه بكيس بلاستيك او منشفه دافئه والخلطه هي
2ملعقه مايونيز
2ملعقه عسل اصلي
2ملعقه زبادي
1بيضه
2ملعقه خردل
2ملعقه زيت الجرجير
2ملعقه زيت الكثيراء
2ملعقه زيت الزيتون
2ملعقه زيت الثوم
وعلى فكره يا بنات هذي الكميه حطيت منها انا وبنتي عمرها 7سنوات شعرها للكتف وشعرها مجعد شويه والله يا بنات ما شاء الله بعد الخلطه تحسن كثير وخف التجعيد وصار انعم من اول مره
فعلا ما جربت خلطه واعطني نتيجه زي هذي الخلطه وممكن تستبدلي اي زيوت عندك بس زيت الجرجير رائع لا تستبدلوه وممكن تزودو زيت الخس
ولي عليها الان شهر استعملها مره في الاسبوع واحيانا مرتين والله تعطي للشعر لمعان وحيويه وكثافه والتساقط يخف ويصير طبيعي ما شاء الله جربو واحكمو
واسم الفيتامين هو hair-dalمن الوكيل دله فارما وسعره بي 57ريال من صيدلية النحاس
ويستعمل قرص واحد في اليوم
اتمنى تستفيدو لاني ما كتبت الموضوع الا لما شفت الفايده بنفسي
مع تمنياتي لكم بشعر كثيف وحريررررررررررر
دعواتكم لي بان الله يرزقني بالسكن اللي اتمناه
ويهدي زوجي ويترك التدخين
وجزاكم الله خيرا


وسامحوني لو تاخرت عليكم في الردود لاني ما ادخل دائما نظرا لانشغالي