قبل ما ابدا بالطابق الثاني بغيت اخبركم اني حصلت الصور اللي خذيت منا فكرة صبغ مجلس الرجال بس للاسف ماعرفت احملهم يكتب لي نوع غيرمسموح به وحاولت اغير النوع بعد ما نفع

الطابق الثاني

وشوفوا تدرج الصورعلى جدار السلم



ونبدأ بالممر :
طبعا المساحة صغير وما كان فية صاله بس ممر صغير ونشوف حركات الممر



هذا الركن من بصمات عالم حواء وتراني ناويه احط تحت المرايه كرسي شاليزيه (الطويل اللي بدون تكيه بس ماحصلت طلبي بعد ) وهي حركة جميله بس للاسف ما ظبطت معي لان الشكل قوس وكان في صعوبه في قص الزجاج على شكل بلوك بشكل قوس فتخليت عن الفكرة وعملتها مرايه كامله وبغيت احط لكم الصورة اللي المفروض يكون الشكل عليها تراهااحلى بوايد بس للاسف يكتبلي نوع غيرمسموح به








وهذا البانتري المصغر مالنا



حجره الضيوف

بسيطه صبغها وشبل اصفر هادئ والستائر والسجاد والفرش ماروني



صورة اقرب للصبغ



ديكور سادة ناعم مع ظل ودرجات الاصفر



ستارة مارونيه ناعمة تحت الجبس تظهر تناسق الاصفر مع الماروني



لمسات فنيه مارونية بعد



الحمام اصفر مع بيج بس ايش طالع روعة



ولاحظوا تشكيلة وترتيب السراميك

ماشاء الله تبارك الله يا ام قيس الله يهنيك فيه وتشوفين احلى ايامك فيه عندى ملاحظه صغيره على الركن التراثى بانك لو وضعت فى الزاويه قاعده من الخيزران وتضعين فيها زرع اخضر مثل النخله متفرع على الجانبين صغير مو كبير لان زاويتك صغيره وانا ما اقصد النخله ذاتها اقصد الزرع المتفرع على شكل نخله اتمنى تكونى فهمتى قصدى لانى حسيت ان دوار الشمس شوى متناقض مع التراثى او تضعين طاوله صغيره خشبيه قديمه وتضعين فوقها قماش من الخيش بشكل فوضوى وتضعين فوقها سراجين قديمه واحد اصغر من الثانى ... وفى انتظارالباقى من ابداعاتك

الله يجعله منزل ايمان ..وطااعة يا رب

غاليتي ..والمطبخ ؟؟

غرفة فراشاتي الحلوات رغد وغادة


والحين وصلنا لغرفة البنات غرفة النعومة والرقة والجمال ( ورد وفراشات وقلوب بين البنفسج والوردي )



ومثل ما تشوفوا صبغ الغرفة لونين اسفل بنفسجي فاتح والاعلى وردي بعد فاتح ويفصل بينهما شريط متموج من الاستنسل واشكال وورود وفراشات وقلوب



احد الجهات الاربعه كانت من احد اروع مساهمات عضوات المنتدى وصبغ مميز مع بعض الاضافات بالديكور وطلعت بهذا الشكل الجميل



الستارة وردي مع ابيض بس طبعا ما سلمت من لمساتي ووزعت في الشيفون وورود وفراشات ورديه صغيرة



وفي اعلى ديكور الستارة فراشه كبيرة



الاثاث تطريح ما عدا السراير جاهزة والخزائن تفصيل داخل الجدار لاستغلال المساحة



وطبعا للغرفة ممر صغير يروح للحمام حطينا فيه خزينه ثالثة نفس الشكل ترى الاغراض ما تخلص

لوح سبورة للكتابة تفصيل على شكل قصر



ونفس الشكل تسريحة مصغرة رفوف مع مرايه



طاولة صغيرة للبنات طبعا هذه جاهزة



وما بين الخزانتين اللي بالجدار حطينا السرائر وفوق كل سرير ستارة بيضاء مزينه بالورود الوردية والبنفسجية مع ليت نوم فوقها والتحكم فيه جنب السرير



وبين السريرين حطين طاولة جانبية ذات استخدامين فيهاادراج تخدم السريرين وفي نفس الوقت هي جلسة وطلعت روعة




وفرش الغرفة موكيت وردي فاتح ولا تقولوا لى ليش ما خليتيه ماربل او سراميك لاني ما اشجعهم في غرف النوم لانهم متعبين مع برودة الشتاء وفي الصيف مكيفات والله انا اول وحده قبل البنات تعورني مفاصلي من برودتهم..ووزعت على الموكيت سجاد صغير باشكال الفراشات والورود








ولمسات فنية ناعمة مثل فراشتي رغد ووردة عمري غادة



وعلاقات ثياب اميراتي تيجان





ومفرش الطاوله عملته بروحي من الشيفون الابيض وضفتله الفراشات والورود



حمام البنات وردي وشوفوا تشكيلة السراميك





وخلصت غرفة الفراشات وادعوا الله يخليهم لي ولا يحرمني منهم ولامن حبيبي ابوهم ويوفقنا ربي ونربيهم تربية صالحه وادعوا لنا ولهم بالهدايه ....

وتصبحون على خير .......

حبيبتي سما الرياض شكرا على الملاحظة وانشاء الله اعمل بها ..

حبيبتي همسات القلوب يعني مساعدة شيف وعلى طول للمطبخ ...يالله ما عليه التصويت رسى على الطابق الثاني اول والحين خلصت منه غرفتين باقي الغرفة الرئيسيه وبلكونتها وبعدين ننزل لملحق المطبخ والحديقه انشاء الله