واخييييييييييرا ولدت ولله الحمد وهذي قصتي

السلام عليكم ورحمة الله وبركاته


واخيرا وبعد تعب وطفش ولدت يوم الاثنين الماضي بعد ملل ومعاناه
طبعا اللي تابع مواضيعي وردودي عارفين اني الخميس لقيت العلامه اللي هيا السداده
ولاحظت سبب نزولها اني كنت في السوق بين المغرب والعشا وابغى الحق كم محل عشان ملكة اخويا وطبعا الفترة مره قصيره ابغى الحق الاغراض قبل الاذان فصرت امشي مشي سريع وقوي يعني اخبط رجلي في الارض بقوه عكس المشي الدلع اللي كنت امشيه مع زوجي مع ان الفترة مره قصيره بس اثرت المهم الجمعه رحت للدكتوره في المواساه قالتلي مفتوح واحد سم قلتلها كم قدامي قالت ممكن 48 ساعه وقلتلها مو ممكن تكون ولاده ههههههههههههه مره مستعجله قالتلي ممكن نسويلك تخطيط لو تبغي عشان تطمني لمن كنت ابغى اسوي تخطيط قال تدفعوا 200 انا عصبت وقلت ماابغى يعني احنا مسوين متابعه حمل ليش مايدخل مع المتابعه بالذات اني مو حاسه بامغاص ولا طلق بس باسويه كده استهبال المهم كنسلت الفكره واشتريت زيت خروع وانا راجعه
واتعشيت وشربت شاي الرشاقه عشان انظف بطني لاني كنت اكله كذا وجبه دسمه ورا بعض وابغى اشرب الخروع على معده نظيفه المهم اشتريت الخروع ويوم السبت بالليل شربت تقريبا القاروره كلها او ثلاث ارباعها على كاسه عصير برتقال فريش وسويت شي ثاني بس استحي اقوله ههههههههههه
المهم
مافي مغص ولاشي وكمان شربت زنجبيل مع كمون مع يانسون بس اليانسون حقي مخلوط بشمر وزعتر لان وحده قالتلي اسوي كل الاشياء في يوم واحد عشان اولد وكنت مجهزه خلطه الحليب مع القرفه وزيت السمسم والعسل والقرنفل بس قلت بلاش اشربها الا لو حسيت بالم
المهم قالولي نامي السبت حتصحي الاحد ولاده صحيت الاحد مافي شي مغض في اسفل بطني يجي ويروح يختفيبس ماعرفت ان الم الطلق عباره عن مغض كنت متوقعته رفس او دف فب الظهر او على اسفل اتفاجات انه عباره عن امغاص زي الدوره وهذا الشي ماما قالتلي عليه بس اتوقعت في فرق طلع مافي فرق الا انه متواصل
المهم الاحد كنت مره طفشانه ونفسيتي مره تعبانه بس اضارب مع زوجي وكانت ماما تقولي امشي وجا زوجي على اساس نمشي واضاربت معاه وقلتله ماابغى امشي معاك وبس ابكي المهم طلعت الملحق مشيت شويه مشي قوي نفس مشي السوق كنت اوسع خطواتي وادق رجلي في الارض بقوه
بس لانه مشي دائري حوالين الطاوله حسيت انه اهبل استنيت ماما نامت ونزلت امشي في الصاله عندنا سيب مره طويل صرت اروح واجي بقوه مره وانا اقرا الاوراد اللي مسكت في راسي من كتاب الافاده في ورد ماجاء في الولاده
وعالساعه تلاته ونص بدا المغص تعبت وقلت خلاص كفايه خليني اريح جلست اتفرج فيلم كوميدي واكلت ايسكريم هههههههههههه
وكان في فيلم جاي مره حلو كنت مخططه اتفرجه بس مالحقت ههههههههههههههههه
المهم كان يجيني مغص وانا باتفرج بس ماحسيته منتظم بس كان بيزيد
رحت صحيت ماما قلتلها قومي صلي قالت طيب بعدين قلتلها مره تعبانه فيا مغص من اول مو راضي يروح
طبعا انا طفشتها من اسبوع وانا اقلها فيا مغص وكل يوم اقلها شكلي ولاده عشان كده مااتاثرت كثير
بس قلتلها لازم اروح المستشفى حاروح مع بابا قالتلي لا كلمي زوجك قلتلها ماابغى اروح معاه مضاربين ههههههههههههه
المهم كلمته وانزعج وقالي بلا دلع كانت الساعه 6 ورجعت اضاربت معاه وقلتله خلاص ماابغى منك شي المهم صار كلام كثير بس عالساعه 7 كنا داخلين مستشفى الولاده
وكان مغص قوي بصراحه ودخلت للدكتوره قالتلي 2 سم انا مره استغربت بس كنت من جد تعبانه والمغص مو خفيف كان قوي وكان فيا دموع وحيلي مهدود المهم طبعا كان في توصيه عليا ودخلوني غرفه التخطيط وجات اخت زوجي بعد نص ساعه تقريبا وشافت التخطيط قالتلي حنطلعك لمن تجي مامتك قلتلها فيييييييييييين؟؟؟
قالتلي خلاص غرفه التوليد الرحم مافتح بس الطلق حار خلاص ولاده وانا كنت مكلمه ماما تجي اني ولاده
وبدا الخوف والرعب وحسيت اني بطلت ماابغى اولد وحسيت اني مره غبيه لاني سويت كل دي البلاوي عشان اولد وياريتني اتحملت كان دحين نايمه مرتاحه في البيت بس خوفي كان متماسك ماسويت هباله المهم طلعوني جناح التوليد وحطوني في غرفه ملاحظه وماما جاتني عليها وقلتلها تجيب معاها العسل والتمر صح نسيت اقلكم ترى وانا بامشي الاحد بالليل كنت باكل تمر اكلت 7 حبات اثناء المشي
المهم في غرفه الملاحظه قالتلي اخت زوجي حاولي تمشي وصرت امشي وفي يدي الكتاب واقرا وماما تقرالي ولمن تجيني الطلقه ادف الجدار واتنفس ورا بعض مع محاولات استرخاء بس احيانا كنت مااقدر اخر شي خلاص تعبت وبكيت ونمت قلتلها مااقدر خلاص وجات قاست الدكتوره قالت 4 سم هذا الساعه 10
وحطولي التخطيط على بطني وركبولي محلول وانا اتعقدت من القصص اللي هنا كم وحده حطولها طلق صناعي وهيا ماتدري وصرت بس اقلهم لاتحطولي طلق صناعي ماابغى طلق صناعي وهما يقولوا لا ماحطينا
وخلاص صار الطلق مره عذاب ليا ماراح اتكلم عنه اكثر
عشان البكريات هههههههههههههههههههههه
المهم طلبت بنج حطتلي ابره في المحلول مره دوختني وركبتلي كمامه مره هبله ماتسوي شي وبعدين غيرتها وجابت السودا الكبيره برضها هبله ماسوت شي وانا كنت اقلهم قويها ماتسوي شي
بس الابره نومتني بس كنت احس بالطلقه لمن تجي وامسك نفسي واتنفس
يابنات ترى طريقه التنفس مره مهمه اثناء الطلق وانا في موضوع مره استفدت منه واتعلمت طريقه التنفس وحاحط الرابط لكم
وكنت اثناء مابامشي اكلت 5 تمرات واخدت ملعقتين كبار عسل
المهم كانت جات الدكتوره الساعه 12 قالت لسه 4 سم وفكت المويه حقت الراس هذا قبل البنج والكمامه عالساعه 12 وشويه حسيت اني ابغى اروح الحمام مرررررررررررره في شي لازم اخرجه وقمت ابغى اروح الحمام وماما مو راضيه وراحت نادت النيرس وكلهم يقولو اعملي عالسرير وانا اقلهم لاااااااااااااااا مستحيل لازم اروخ وصرخت صرخه مره قويه اني مااااابغى وقمت افك لنفسي الجهاز والمحلول والنيرس تقولي استني اكشف لك قلتلها لا اروح الحمام بعدين اكشفي لان انتو عارفين الكشف كيف يعور لازم يكون الانسان مايحتاج حمام وقت الكشف وقالت لازم قلتلها طيب كشفت قالت خلاص هذا ولاده 8 سم
مره انفجعت لان قبل شويه كنت 4 سم بس شكلو بعد مافتحتلي المويه خلاص صار بسرعه التفتيح
وكانت ماما توها بدات تصلي الظهر قلتلها خلاص مدام ولاده ولديني ابغى اروح حمام وتقولي استني شويه بس يصير عشره قلتلها مااقدر لازم اروح حمام تقولي سوي هنا اقلها لالالا تقولي هذا بيبي قلتلها خلاص وديني اولد اذا هذا بيبي المهم دخلت يدها وسوت شي الظاهر توسعه وصلته لعشره سم وبسرعه حطتني عالكرسي وطيران عالكشك وياحرام ماما بتصلي وبعدين صارت تدورني ومره انفجعت عليا ومو راضيين يدخولها
في الكشك انا خلاص سلمت نفسي اي شي يقولوا اعمليه اعمله على طول وبدات بالدفع على طول وكنت مره عطشانه بس الدكتوره بللت قطنه وحطتها على شفايفي والدنيا ظلام بالنسبه ليا قافله عيني بس همي ادفع وخلاص ودفعت كم مره بدون صراخ كنت اكتم الصرخه واخليها تخرج من تحت وهذا الشي اللي كل الناس نبهونا عليه انك ماتصرخي عشان ماتستهلكي طاقتك وانا كان كل همي اني اكون واعيه ماابغى اتعب والبيبي ينشفط مني ولا يصير له شي
بس الدفعه الاخيره اللي خرجت معاها الراس صرخت فيها بس جاني صوت ماما اكتميها خرجيها من تحت وعلى طول قفلت فمي ودفعت اقوى وخرج البيبي وصار يبكي وحطوه على بطني وانا متنحه مني مستوعبه شي بس اطالع فيه وفي الدكتورات ومسكته ثانيه وبس مو قادره