واستغنيت عن الشغاله ....:(

اهلين يابنات ...
وعيدكم مبارك جميعا ..
بنات يمكن تذكرون اسئلتي دايم (ليه مانقدر نستغني عن الشغاله؟؟)
وليه العرب كلهم باستثناء الخليج ماعندهم شغالات ؟؟؟؟الا من النوعيه اللي تجي كل يوم وتروح ..
بس اهم شي مافيه بيات ...
كنت احس ان شغالتي كاتمه على نفسي على الرغم ان بيتي كبير ...
وكنت اتضايق من لقافتها ..
واخاف منها تحط شي بالاكل ...او انها تدخل رجل للبيت ...
كنت بوسواس دايم ..وقلق ..
يعني مااخلي عيالي عندها ..اخذهم السوق معي ...
لاني اخاف منها ..
او اذا راح زوجي للدوام ..اخذ بنتي الصغيره معي لغرفتي ..واقفل الباب علينا ...
اخاف منها تدخل احد للبيت ...او تاذي بنتي ..
يعني باختصار ..
طووووووووول الوقت عيني عليها ...
ماامن ...
مو من الشغاله نفسها لاني كذا مع كل اللي جوا لي ..:(
الحين ...
راحت شغالتي من اسبوع ...........
ماتتصورون ...شلون ارتحت نفسيا ...
وحاولت انظم وقتي ........
طبعا المطبخ ....برمضان حدث ولاحرج ...(الله يستر من بعدين )
لكن الله يعافي الللي اخترع غساله المواعين ...
:)
بس يابنات ...
بعد كم يوم من الشغل ...
حسيت ان الضغط قوي!
واني صرت شغاله !
مارتاح ...
طول الوقت انظف وارتب ....
هذا وانا قايله ماراح انظف الحمامات كل يوم ....
:09:
بس والله ...تعبت ..
مع اني كنت ماخذه جميع الاحتياطات ..وشريت جميع الاجهزه المساعده ..
وصارت حاله استنفار عندي ...
شريت المكواه اللي بالبخار (انصحكم فيها توفر نص الوقت او اكثر)
الاجهزه اللي تقطع وتبشر وتفرم و و و و
لكن والله تعبت ...احس اني موملحقه ...
الملابس حاولت قدر المستطاع اني مااخليها بالسله ...
اكويها او حتى ارتبها بدون كوي بالدولاب ..
لكن السله تتعبا كل يوم ..لاني ببساطه اغسل كل يوم!
اكون توني مرتبه الصاله ..
وتجي بنتي الله يحفظها تكب عصير على الارض :(
وانا امسك نفسي لاااصيح .......ز
غرفه العيال طول الوقت زباله !
مع اني ارتبها اكثر من مره بس هم يحوسونها مجرد مااطلع ...
ماادري ...
هل العيب مني ...؟؟؟
حاسه اني خايفه احد يدق علي ويقول لي بجي ..
لاني بنجن...:(
مااحس البيت نظيف رغم كل التنظيف اللي اسويه :eek:




الحين ..




ودي اسالكم ...والسؤال موجه لكل وحده ماعندها شغاله ..............
شلون مرتبه وقتك ؟؟
وهل حاسه انك بدوامه من الشغل ماتنتهي ؟؟؟؟؟


بديت احس ان الحياه بدونهم مستحيله!
لكن بنفس الوقت لمااتذكر قرفهم ...
احاول اني استحمل ...
وليه العالم كله ماعندهم شغالات ؟؟
من غرب وامريكان وعرب غير خليجيين ؟؟

للامانه اقول ..
يوم راحت الشغاله حسيت اني ماكنت ابذل مجهود يذكر (جسماني )
كنت اطبخ وانظف غرفتي....وادرس العيال ..واهتم فيهم .......
اما المجهود الجسماني من دعك وفرك وكنس وتنظيف ....
لا...
لذلك كنت احس بالخمول .......
انتظر ارؤكم ...
لاني خايفه اني اياس .............:09: