والله إني هبلة وغبية.. بس أبي أتعدل وأصير مثلكم!!!

مدري وش أقول بس أحس إني أغبى وحدة في الكون
بقولكم على حكايتي وانتم احكموا..
1- مرة وحدة زميلتي بالدوام قاعدة لحالها وما تكلم أحد.. ولا أنا ولا غيري وإذا كلمناها ترد علينا بطريقة وحدة زعلانة علينا.. قمت أنا وحسيت بالذنب وظنيت إني أنا زعلتها ورحت سألتها: أنا زعلتك بشيء.. أو غلطت عليكي؟ قالتلي ليه تقولين كذا؟
قلتلها: حسيت إنك ما تبين تكلميني.. واتضح في النهاية إنه البنت عندها مشكلة بالبيت مضايقتها وأنا مالي دخل أبدا..
واللي مضايقني في تصرفي إني (ماعندي ثقة بنفسي) على طول رحت وبغيت اعتذرلها وظنيت إني أنا اللي زعلتها!!

2- مرة وحدة صديقتنا كنا قاعدين سوا ونضحك وكنت أنا أقلدها.. قامت الآنسة وزعلت مرة وقاطعتنا!!
ولو تشوفوني ما أنام ليل ولا نهار وحاسة قلبي مقبوض والدنيا ضايقة فيني..
(رغم إن الموقف كان تااااااااااااااااااااافه جدا) بس البنت مغرورة مرة..
حاولت اعتذرلها وبموت إذا ما رضت..
وفي النهاية يوم رضت أنا إلى الآن قلبي يعورني من بلاهتي وغبائي وحبي الشديييييييييييييييد للركض ورا الخلق!!

3- زوجي دايما يزعلني ويعصب علي ويشتمني.. وفي النهاية أنا اعتذرله عشان لا يطول الزعل!

4- إذا بنت صغيرة سنة رابع ابتدائي مثلا كانت شقية وهزأتها.. أحس إني ارتكبت جريمة ولا زم أراضيها بحلاوة وفوقها كلمة (آسفة)!!!

باختصار..................... أحس إني مستعدة أدوس على نفسي وأضحي بأي شي عشان الناس لا تزعل مني.. وهذا الشي اللي متعبني.. ودايما يبكيني ويخليني تافهة في نظر نفسي..!

ودي أصير قوية وما علي من الناس لأني أحس إنهم بدؤوا يستغلون هذا الشي ويثقلون علي ويزعلون على أتفه شي يبوني أراضيهم!

وأنا نفسيتي زفت والله زفت من ها الموضوع
وترى لا تظنون إني بنت منكسرة وأحزن
بالعكس شكلي يقول إني قووووووووووية وجذابة واجتماعية وأحب الناس!
بس للأسف هذي نقطة ضعفي
وشلون أصير مثل بقية العالم؟؟؟؟