والله العظيم احتاج مساعدتكم حياتي الزوجيه على حافه الهاويه !!!

بسم الله الرحمن الرحيم

انا اضع قصتي بين ايديكم ووضعتها بالعامه لاني ابي الجميع يساعدني
بنات وشباب ابي اسمع راي الجيمع

اتمنى ان تقراو قصتي للاخير لاني فعلا محتاجه رايكم فيها
لاني اشعر وان حياتي الزوجيه على حافه الهاويه
انا فتاه تزوجت وانا في الصف الثاني ثانوي من شخص لم اعرفه
فقط زواج والسلام .. بعد الزواج حصل الحب والتفاهم كنت اشعر
بان هذا هو الشخص الذي تتمناه كل فتاه لن اقول كنت اتمنى شخص
كهذا لاني لم اكن افكر بالزواج .. يعني زواجي حدث فجاه قبل حتى
اعيش احلام ماقبل الزواج
تزوجنا وبعد كم شهر بدت ظروفه الماديه تسيء
ساعدته وكان واجب علي مساعدته ... اعطيته كل شي
طبعا لم اكن املك سوى الذهب الذي شراه لي والدي للزواج وكان اكثر مما تتصورون
والذهب الذي اشتراه لي زوجي قبل الزواج وهذه عاداتنا
ساعدته بكل ماملك .. كل مااكان محتاج كنت ابيع ونسد حاجاتنا
في تلك الظروف كان يعطيني الراتب بيدي كاملا لاني كنت اتصرف بحكمه واوزعه بطريقه
رائعه .. يعني كنت حسنة التصرف .. والله العظيم اني كنت اصرف العشره ريالات علشان
ماتخلص الفلووس بسرعه .. عشت حياه سيئه جدا ولم يشعر بهذا الشي أي شخص حتى
اهلي .. كنت دائما اظهر باني الانسانه المبسوطه المرتاحه ولكني والله كان العكس فقد
كنت انام جائعه ولكني كنت اتحمل رغم صغر سني وقتها
كنت اعمل دفتر بالديوون التي على زوجي ورقه ورقه واسددها حتى انتهى ذلك الدين
عانيت وصبرت واحتسب ذلك عند الله
زوجي موظف حكومي لايعمل عمل اضافي يعتمد على راتب الحكومه فقط
احتجنا مبلغ من المال لترميم المنزل استلف مره ثانيه واصبحت الظروف ليست سيئه مره
ولكن الحمدلله ازين من الحياه السابقه
هذا حالي الان بعد 14 سنه زواج
مشكلتي ان زوجي رجل مايتغير ....في الاول كنت اتحمل بسبب ظروفه الماديه ولكن الان الوضع تغير
اسمحولي ان اتكلم عن نفسي قليلا والله لاكتب الحقيقه ويشهد الله على ذلك
انا امرأه احب الرومنسيه .. احب الحياه .. مليئه بالنشاط والحيويه .. احب التجديد احب التغيير
اريد ان اعيش مع رجل بنفس هذه المواصفات . أي شخص يراني لايصدق ان عندي الان ولد
بالمتوسطه يعني عمره 14 سنه
في كل مره اقول انني ام يتهمونني بالكذب .. بالعربي مملوحه وكشخه وكل شي فيني
بعكس زوجي انسان جامد لايتغير
يابنات عمره بحياته ماطلب مني اشتري ملابس للنوم علشانه أي شي يجي راضي فيه
نزلت السووق واشتريت احلى الملابس للنوم فعلا اثارت هالملابس ولكنه لايهتم
كل يوم كنت بشكل وميك اب شكل .. صحيح انه يعجبه هالشي ولكني اريده هو يطلب هالشي
ابي هوووو يقول تعالي انزلي واشتري لي هذا وهذا
ابي انسان ياخذني فندق ليله انا وهو فقط
ابي انسان رومنسي
يابنات اشعر اني حياتي اصبحت ثلج برووود مو طبيعي
احس اني اصبحت اكرهه
لاتضحكون علي يمكن اني لم اعرف ان اوصل لكم كل شي بداخلي
ولكني اموت قهر
سيارته موديل 90 ولافكر يغيرها من 12 سنه
طلبته يسوي سكسوكه بعد التعب والقرف وافق وهو مستحي
السفر الى أي مدينه داخل السعوديه تعتبر مجازفه يعني كاننا نبي نسافر فرنسا
مافكر يغير حياته مافكر يشوف شغله ثانيه بالاضافه الى عمله الحكومي
نوم واكل وتلفزيون ونت بسسسسسس
والله يابنات اني مره قلت بسوي كل يوم الغذا والعشا كبسه بشوف يقول شي
ولكن لاحياه لمن تنادي اهم شي ياكل ويشبع وهذا هو المهم اسبوع وانا اعشيه كبسه
واغديه كبسه ولكن لاحياه لمن تنادي

لو اقول لكم ان معاه جكيت للبرد شراه اول زواجنا والى الان معاه ولاغيره
تصدقون اني قبل اسبوع طلبت منه 300 ريال وهذا مبلغ مو كثير قال طيب
ولااعطاني وزمان يوم هو يبي الدين يخلص كان كل الراتب في يديني
صار يقول ايه بس علشان ماعصب وفي داخله يلعب علي !!!
اذا زعلت يطنشني اسبوع .. ثلاث ايام .. لين يحتاجني للنوم ويجي يصالحني
اصبحت افهم كل شي فيه حتى لو مايتكلم .. واصبحت اكره كل تصرفاته
اذا ناقشته بهالمواضيع مااطلع معاه بنتيجه يردد نفس الكلام الي كان يردده
من زماااان .. ظروفي وظروفي وظروفي .. انا ماطلبته شي مستحيل
انا ابي حياه حلوووه
وربي ماعندي الان ولاقطعه ذهب ولافكرت اطلبه
اصلن لو طلبته ماراح يعطيني ماعطاني 300 يبي يشتري لي ذهذ
مو مشكله الذهب اصلن انا مابيه
ابي زووجي يتغير
ابيه رومنسه
بنات انا انسااااانه كشخه جذابه البس كل شي القصير البرمودا
يعني مو ناقصني شي
الي ذابحني ان العمر يمشي وانا مكانك سرررررررررررر
اه يالقهرررررر
تصدقوون اني احيانا كثيررره ادعي على ابووي لانه زوجني هالانسااان
واحسد أي بنت تزوجت رجل يقدر الحياه رجل متجدد بطبعه وبافكاره
ياناااس يااعاالم انا ماطالب بشي مستحيل ولاعمري طلبت منه اسافر للخارج
ابيه يتغير
والله العظيم في خاطر كلام كثيرررررر بس مدري شلون اكتبه
لعلمكم لو نبي نروح نتعشى بمطعم ذي يبي لها تخطيط ومراجعات
ومعرروض نكتبه علشان تصدر الموافقه
ابيه ياخذني يوم بروحي انا وياااه سهره عشاء أي شي
ابي احس اني عايشه الحياه مو كلها جنس واكل
لااااا في الحياه اشياء اجمل بس وين الي يفهم
تكفووون يابناات ساعدوني راح اتقبل منكم كل شي
ان شاء الله تسبوووني بس ساعدووووني
وش اسوووي مع هالجماااااد وشلوون اخليه يتغيرررررر

والله العظيم اني اكتب وفيني العبرررررررره
الى متى هذا الحااااال
لو انحرفت ترا ذنبي برقبته
ارجوووكم ساااعدووني

بنااات قد كنت انهيت السالفه ولكن حدث ماهو جديد
قبل شوي طلبني للفراش فرفضت لانه وبكل وقاحه لم يسال عني
ولم يكلف خاطره ليه انا متضايقه وزعلانه والان بعد اسبوع جاي يطلبني
الفراش طبعا انا رفضت فقال كلمه كالصاعقه اتت على مسامعي ( انتي مجرد اسم امراءه ) فقط
والله العظيم انها وصلت فيني ان اذهب الى اهلي ولاارجع ولكني فكرت باطفالي وابن الذي لم يتجاوز
السنتين ولااحفيكم انني افكر بالذهاااب
دار بيننا حوار ساخن عبرت له عما بداخلي ولكنني اقف في كل لحظه وانا متاكده ان لافائده من الكلام معه
والله العظيم انه مازال يردد نفس العبارات

علموووني هل انا غلطانه وهو صح او هو الغلطان وانا على صواب
تعبببببتتتتت وكرهته وكرهت حياتي معااه
بنات أي سؤالي تبون تعرفونه على شان تككوووونوا بالصوره انا مستعده اجاوب عليه

اختكم الم السنين