السلام عليكم
اول مرره اكتب موضوع في هالقسم <<احلفييي
المهم حبيت اقولكم على قصه والصراحه انا من سمعت هالقصه
وانا متأثره مرره
مرره كنت اسمع الراديو اذاعه القران الكريم
وكان فيه محاضره يعني قصص عن الازواج والمشاكل والخلافات
بس صرااحه كانت قمه في الروعه هالمحاضره
بس حبيت اعطيكم قصه من اللي سمعتها وهي عن الاستغفار
يقول ان كان فيه زوجين في يوم من الايام صارت بينهم مشكله كبيره
والزوج بطبعه عصبي وحاااار في وقت الغضب ويثور بسرعه
اعتلت الاصوات واشتد الكلام بينه وبين زوجته
ومابغى يتهور في شي يندم عليه بعدين قام طلع من البيت
وراح على طول للمسجد وهو كان مرره معصب وبعدشوي يقول ان الزوج حس باحساس غريب
يبي يرجع للبيت يقول كان فيه شي يشده ويرده للبيت
يقول رجعت للبيت والاقي زوجتي قدامي وومبتسمه وتقول انت رجعت والله العظيم
انك من طلعت وانا استغفر وادعي ربي انك ترجع وتنتهي المشكله على خير
سبحااان الله وقفت عند كلمه استغفرت ودعيت الله ان تنتهي المشكله على خير
البعض مننا في هاللحظاات وخصوصا وقت الغضب خلاص ينشل تفكيرها
وماتعرف تتصرف واحيانا تتهور وتتخذ تصرف تندم عليه بعدين
وكله من لحظات الغضب
يعني لو سبحان الله كل وحده مننا صارت عندها مشكله اي مشكله سواء في حياتها الزوجيه
او ايا كانت نوع المشكله
وراحت على طول توضت صلت لها كم ركعه ودعت ربها انه يلهمها ويدلها ع الطريق الصحيح
واخذت تستغفر وتذكر ربها صدقووني راح تتسهل جميع امورها
وهذي بالذات انا مجربتها صرت خلاص ماعاد اشكي للناس صرت اشكي لربي وحده ..
انا حبيت انكم تستفيدون من القصه وتشاركونا ببعض القصص من هالنوع
والله يوفق الجميع ...
:26::26:
في صمتـــي مهابــه @fy_smty_mhabh
محررة برونزية
يلزم عليك تسجيل الدخول أولًا لكتابة تعليق.
الله يجزاك خير على التذكير،اللهم اغفر لي وللمؤمنين والمؤمنات الاحياء منهم والاموات ......
الصفحة الأخيرة
قصة رائعه ..