والله تعبت نفسيتي والسبب كذب زوجي... ابي حل

السلام عليكم ورحمة الله


انا متزوجه من سنه ونص تقربياً

اول ماتزوجت كان يكلمني زوجي دايم عن العمل وعن زملائه وعن اي شي يصير وبصراحه كان يقول اشياء في البدايه تتصدق بس لما اجي احللها واربطها باشياء ثانيه قالها لي القى تناقض كبير

قلت يمكن للحين ماعرفته زين ولا فهمت عليه صح

كان يطلع من البيت ويتعذر باشياء واصدقة وبعد فتره اكتشف انه كذاب وماطلع للغرض اللي قاله لي واكثر الاوقات هو اللي يكشف نفسه بدون مايدري

يكذب عالطالعه والنازله ... عاللي يسوى واللي مايسوى

كثرت طلعاته من البيت بأعذار كذابه ويجلس برا بالساعات ولما اسأله بقول كنت جالس مع جارنا عند باب الحوش :eek: وانا شايفته طالع بالسياره

ماصرت اصدقه في شي...حتى لو كان الكلام اللي يقوله لي صدق

صرت اشك فيه في كل شي حتى في كلامه ومشاعره تجاهي احس انها كذب بكذب

غير كذا انه مهمل في صلاته وإذا صار نايم بالقوه وبعد مايكرهني في نفسي ويشوف انها واصله معي يقوم واحياننا مايقوم بالمره ودايم زعلانه عليه ومتنكده بسبب كذبه وصلاته

وانا من الناس اللي إذا زعلت اكتم في نفسي ولا عاد اكلمه ويسألني ليش زعلانه ولا ارد عليه بس اني على نياتي يضحك علي بكم كلمه وارضى بسرعه


والله نفسيتي تعبت

تكفون اللي عندها حل تلحفني فيه لاني والله العظيم اني قررت امس اروح لأهلي وقلتله يحجزلي بس بعدها هونت وماعاد قلتله شي

لاني مابي امي تتضايق لاعرفت اني مو مرتاحه ولاني قادره اشتكي لاحد من اقاربي وقلت ما معي إلا الله ثم خواتي في هالمنتدى