ALHAIRH

ALHAIRH @alhairh

محررة برونزية

والله لادعي لها الله يحقق لها كل ماتتمناه في الدنيا والاخره الي بتوقف معي &&&

الملتقى العام

السلام عليكم ورحمة الله وبركاته
مادري وش اكتب اخواتي ومنين ابدي المهم اني رجعت من بيت اهلي ودموعي على خدي وضايقه فيني الدنيا وماكان ودي ارجع بس غصبببببب والسبب يابنات اختي وحبيبتي الله يشفيها تعبانه نفسياااااا مرررررره وبس تصيح
السالفه انها من اسبوعيين جو عند اهلي ناس ومن بعدها وهي تعبانه وتبكي كل شوي مانحس فيها الا وهي حاطه

ايدينها على وجهها وتتحرك ورا وقدام وتبكي اول مره قلت يمكن عشان ابوي ذيك الفتره مر بازمه صحييه وهي متاثره لانها متعلقه في اهلي مرررررره وتخاف عليهم وحساسه كثير ماهتميت ولافكرت كثير في الموضوع قلت ازمة وتعدي
والحمد لله والشكر ابوي تحسنت حالته اليوم جيت عندهم لقيت وجهها مصفررر وحالتها مهي زينه حاسه ان فيها شئ

جونا ناس راحت ترررركض لغرفتها قالت منيب نازله قولو ماحد نايمه او صرفوهم باي شئ هي غييييير كذا اجتماعيييه بدرجه كبيره وتحب الجمعات والناس الي جونا من اكثر الناس الي تحرص على جلستهم استغربت !!!وقلت يمكن تبي تنام مانامت البارح زين ونزلت عند الناس شوي الا وتجي دخلت سلمت وقامت فجاءة لحقتها قالت جتني دوووخه وبغيت

اطيح وحسيت اني في حلم جبت للحريم قهوة وتمر وعطيت اختي غسلهم تسبحت فيه ولاعاد رجعت عندنا يوم راحو نزلت عندنا ونسولف عادي قامت امي نامت واختي الكبيره راحت لبيتها واختي الي اكبر منها راحت تغير ملابسها واخواني في مجلس الرجال وانا قمت اغير لولدي الصغير رجعت لقيتها طلعت لغرفتها ولحقتها واسولف لها لقيت غرفتها كلها اشرطه قران البقره وحقت المس والعين والسحر وماء زمزم وزعفرا ن مااستغربت كثير لانها ماشاء الله

عليها ميب راعيه اغاني وخرابيط بس سالتها قلت تحسين بشئ قالت اييه تعبانه من اسبوعين احس وانا قاعده معكم او في اي جلسه واضحك شئ يمسكني بقوووووووة من ضهري وانكتم وادوخ واتعب واطلع لغرفتي وحكت لي انها تسمع احد يصفق بقوة على وجهها بايدينه اذا جت تنام او احد يبكي او شئ يطيح عندها في الغرفه قلت ترى تتخيلين انا بعض الاحيان

يصير لي كذا وهي تسولف شغلت انا المسجل الا وتحط ايدينها على وجهها وتتحرك ورا وقدام مثل الي يرتلون القران
وتبكي وطفت المسجل مع انها تقول لحالها انها تسمعه ضاقت بي الدنيا وضميتها لصدري وقعدت ابكي ونزلت تحت لقيت اخواني يقلون زوجك ينادي قلت بروح وباخذ اختي معي تغيير جو قالو وش فيها بكيت وانا اكلمهم هم ماهم

بداريين بمرضها لانها دايم بغرفتها حتى امي الله يحفظها ماعندها علم داريه انها تعبانه بس تقول من السهر وقلة التغذيه وهي ماتحسس احد بشئ بس انا انكرت شكلها وتصرفاتها لاكن بكرة ان شاء الله بتصل عليها وعلى ابوي وبعلمهم بحالتها وبنوديها لمشايخ يقرون عليها المهم قلت لها يالله بتروحيين معي قالت لالالالا ماني رايحه ابوي تعبان وبعطيه علاجاته قلت اخوواتي بيعطونه قالت لالالا وعصبت فما قدرت اكلمها غطيت وجهي ورحت ماابيها

تتاثر زياده ورجعت دعيت ربي الي عالم بااحوالنا الله يشيفيها وترجع مثل اول واحسن والله يرزقها وكل اخواتي وبنات المسلمين بالازواج الصالحيين الي ينسونهن الدنيا وهمومها
وكتبت الموضوع ودمووعي على الكي بورد ابي وقفتكم اخواتي في الله وابي دعاءكم لعل منكن من لو اقسمت على الله لاابرهاودعوة المسلم لااخيه المسلم في ظهر الغيب مجابه
ادعو لااختي الله يشفيها من كل مرض ومس وعين ومن كل ضيقه وهم وغم ويرزقها واخواتي وبنات المسلمين ويفرج هم كل مسلم ومسلمه ويشفي جميع مرضى المسلميين
لاتنسونها من ساعه الجمعه الله لاينسيكم الشهاده ويحقق لكم كل ماتتمنونه في الدنيا والاخره وويحفظ لكم احبتكم ولا يفجعكم في عزيز وغالي يارب العالمييييييييييييييييين
ماني متعبتكم لاااااازم تدعون في الرد تكفيني دعوة صادقه من قلوب بيضاء طاهره ان شاء الله الله لايحرمني منكم
80
1K

يلزم عليك تسجيل الدخول أولًا لكتابة تعليق.

تسجيل دخول

شجرة طيبة
شجرة طيبة
الله يشفيها من كل مرض ومس وعين ومن كل ضيقه وهم وغم ويرزقها واخواتك وبنات المسلمين ويفرج هم كل مسلم ومسلمه ويشفي جميع مرضى المسلميين
ALHAIRH
ALHAIRH
الله يسعدك ويحقق لك كل ماتتمنيه يارب دنيا واخره ويرزقك من حيث لاتحتسبين اختي شجرة طيبه
(*فديت الغالي*)
الله يشفيها من كل شر بس حاولو تدهن جسمها بزيت مقري فيه قبل تنام تاخذه من احد ثقه
الواثقة
الواثقة
الله يشفيها من كل مرض ومس وعين ومن كل ضيقه وهم وغم ويرزقها واخواتك وبنات المسلمين ويفرج هم كل مسلم ومسلمه ويشفي جميع مرضى المسلميين
الله يشفيها من كل مرض ومس وعين ومن كل ضيقه وهم وغم ويرزقها واخواتك وبنات المسلمين ويفرج هم كل...
روح التوت
روح التوت
اختي اذا حالتها لسة قريب صاير لها
الحقي عليها وخليها تكثف بالرقية وتستشير رقاة وان شاء الله يساعدوها وتمشي ببرنامج معين وتستمر عليه
خذوا من اثر كل من يزوركم وتغستل منه حتى لو من وضوئكم يعني شامل كل من دخل
واذا متاكدين من ناس معينين اعزمزهم وخذوا من اثرهم وتغتسل منه
لاتهملوا حالتها

واسأل الله العظيم رب العرش العظيم ان يشفيها ويكفيها شر الاذى .