والله محتارة ويه هالزوج بيجننننني قريب بنفجر

بسم الله الرحمن الرحيم

اللهم اني فوضت امري اليك

هلا خواتي شخباركم ماادري شسوي اكثر اصير هادئة مااعجبه معصبه مااعجبة ويش اسوي اشق ثيابي يعني :(

زوجي ويه ربعه والله حالة ايي من الشغل مع يوم كامل ماشافني فيه ايجي يقعد شوي ويطلع مع ربعه ساعة ساعتين ثلاث وبعدين ايجي وانا اكيد نايمة لان علييي دوام وهو طول الوقت سهران المهم ايي ويطالع لج التلفزيون لين مايتعب كلش وينام ولله فكنا بعد من الانترنت خربان قبل ايي عليه ومن موقع الى موقع ومن شات الى شات حسبي الله ونعمة الوكيل حاولت انه اذا طلع ايجي من طلعته وبسطته اني ماانام علشان اقعد وياه اتصدقووون :icon33: يطالع التلفزيون ولا كأني موجودة والله تعبت تعبت الله ييسر كل الامور حاولت ماادخل في اموره ماقدرت شلون قاعدة وياه ومااسأله وين رايح ووين جاي اخاف اتجيني سكتة قلبية من كثر الكبت والضغط على نفسي

انا عاذرتنه ايجي من الشغل تعبان ويبي يفضفض ومو كلشي يمكن يقوله لييي وبسطة الشباب غير بس عاد مو جذي تصدقون قلت ليه شرايك تخلي يوم لييي ويوم ليييهم قارنت نفسي بربعه وبنفس المعزة شنو كان جوابه لا لا لا مااقدر ااقلم روحي على شي تبين تحكريني في البيت ماتبيني اطلع ومن هالكلام اللي مايجيب نتيجة

صرت هادئة وسويت ليه بعض من حركات الرومانسية على انه عديم رومانسية تصدقون يقعد ويايي شوي ويطلع يعني ولا كأني سويت شي

اذا عصبت مابجيب نتيجة واذا طنشت اني نفسي بتعب شسوووووي ووويش الحل ويه هالزوج اللي عنده ربعه واهله فوق كل شي

لا حول ولا قوة الا بالله

انا يعني من لي اذا ضاقة بي دنياي اشكي لمن اذا على طول طالع ومااشوفه ويايي

عطوني حل

اطنشه وتعب نفسي بالهموم زيادة؟؟؟

اخليه على راحته وانسى اني من حقي اني ارتاح ؟

اعصب وقلبها فوقها تحتها حياتنا ونعيش في نكد؟

ويش اسوي والله ادعيه ليه في كل صلاه ان الله يهديه

والمشكلة ان احنا تونا عندنا واحد يعني الحياة توها يعني جدد والحياة عدم بينا واذا اكلمه يقول لييي احبش بس ابي افرفش ويه ربعي ومن ذيك السالفة على الانترنت يوم كلمته عن الشات قلل من دشاته على الانترنت ومايدش الا اذا كنت موجودة يعني سوه شي من لا شي

بس طلعاته هذي هي يعني ماتغير شي :icon33:

ادري عورت راسكم وتعبتكم معاي بس والله العظيم تعبانه ماادري شسوي

اسأل الله العظيم الحليم ان يصلح لي زوجي ويثبته على الايمان

ادعو لييييي