قعدي على قلبها
هي كل الي تسويه عشان تبيج تنفصلين عن ولدها

لكن قولي لها دا بعدك

حلم حواء مشكوره يا حياتي على المرور لكن انا صعب عليا انافقها والله ما اقدر اقول غير اللي انا حساه واذا جاملتها بتزيد فيها لانها هتموت و تتدخل في حياتي يعني احيانا تدخل في لبسي وعايزه انها تنزل معايا وانا بجيب لبسي عشان تختار على مزاجها و انا ماحبش البس الا اللي يعجبني وبالنسبه للهدايه عمري ما استنيت هديه من حد بس نفسي احس ان حماتي بتهتم بيا قدام اهلي تعبت والله

عاشقة الرياض مشكوره على الدعوه والطله الحلوه يا قلبي

غزيل الامارات اللهم لك الحمد والشكر خطيبي غير امه خالص عمره مهما حصل ما كدب ولا يحب يتباهى ودايما يقدر الناس لان هو واخوه تربية ابوهم وكان نعم الناس والله لكن اخته تربية امه الله يحفظنا وفعلا امه عندها نقص و مرض بس امه تأثر فيه احيانا كل شويه تبكي بسبب او بدون وابوه قبل وفاته وصاه كتييير على امه و اخته دايما يحس انهم مظلومين وما يعرفش حاجه عن اللي امه بتعملها لان غالبة الرجاله مش بيقدروا يفهموا مكر او كيد النساء (ان كيدهم عظيم)

ساهره1 الحمد لله يا قلبي خطيبي يحبني بس احس ان الايام دي المشاكل زادت بينا واكثرها بسبب امه يعني امه ما بتحبش الا نفسها ولا تحب تصرف الا على اهل بيتها وخايفه خطيبي يطلع من النوع دا
وانا عمري ما اهتمين ان حد جاب اكتر مني الحمد لله انا مقتنعه باللي عندي لكن اللي يضايقني انها بتكدب عشان تقلل مني وهي لازم تهاديني عشان اهلي يحسوا ان حماتي بتهتم بيا

noni103 عملت استخاره كتييير يا قلبي وانا عاوزه اطنشها لاني يوم رديت عليها ببرود اخر ما زهقت قالتلي كأنها بتهزر معايا اتعدلي بدل ما اقلب ابني عليكي تخيلي حماتك تقول كدا وعادي ولا سألت فيها بس لامتى ليه ما يكونش بينا حب وموده بدل التعب دا كله

مد و جزر اذا مكا قلتش لخطيبي لمين اقول انا دمي بيتحرق من كلامها وتصرفاتها يعني تخيلي لما تقولي اللون دا بيسمرك او فستان قراية فتحتك كان مسمرك لكن اللون دا يطلع حلو على بنتي لانها بيضه اااااااااااااااه منها

مراوي 82 اديني قاعده على قلبها بس لامتى هتفضل كدا معتش اقدر اتحملها نفسي ابعد ن وشها ومشكوره يا عمري

الرمال2005 للاسف يا قلبي كلامها معظم الوقت بيأثر فيا و في نفسيتي وبينكد عليا مش عارفه اكمل ولا اعمل ايه

اخر حاجه فقعت بها مرارتي انا و بنت عمي النهارده كلمتني تقولي انا سامعه ان انتي و بنات عمك عاملين مصاحف توزعوها صدقه عن جدك قلتلها اه قالتلي وايه شكلها وعاملين ايه كمان قلتلها كذا و كذا واننا حتى مش هناخد من المصاحف عشان كلها تطلع لله وجدي ياخد على كل مصحف حسنات قالتلي انا عاوزه من المصاحف دي مجموعه ليا انا واخواتي خلاااااااااص كانت مرارتي هتفرقع

اختي اسالي استشاري عن كيفية التعامل مع هذه النفسيات

موقفك الأخير خلاني اتذكر الأفلام المصرية المضحكة
دمكم عسل والله حتى ونتوا بتحكوا مشاكلكم

فينكم يا بنات عني ارجو المساعده