شوكولاته باتشي انا فعلا يا قلبي بحاول اعمل كدا واخلي كل حاجه في السر بيني وبين خطيبي وبالنسبه اني احاول اجامل حماتي هحاول اعمل كدا وعندك حق دايما في مشاكل بين الام و زوجة الابن على بالها ان مرات ابنها عدو وجاي يخطفه
واكيد يا عمري انتي مزومه وكل بنات المنتدى ومادام رقصك حلو علميني
رجل لهذا الزمان شكرا لى ردك والحمد لله خطيبي راجل لانه اذا كانت دلوعة ماما كنت فسخت بدون ما استشير حد وبالنسبه للبيت انا بيتي قرب يخلص ويتشطب وعندنا عادي كل واحد يسكن لحاله لكن بالنسبه للمنطقه انا اهلي كلهم هناك واحب اكون معاهم وشكرا على اقتراحك
الصفحة الأخيرة
أفنـ أم عمر ـان مشكوره يا عمري على المرور انا بحاول اتجنبها لكن ما اقدرش اقاطعها بعدين خطيبي يزعل بس هو دايما يقولي انها كبيره في السن وان حالها اتغير بعد وفاة ابوه وانه يعرف ان كلامها جارح فأحاول اطنش عشانه , غير اني ما اظنش ان هي عاوزاني انا وخطيبي نسيب بعض بس مش عاوزه ان خطيبي يحبني او يسمع كلامي يعني عاوزه ان الكلمه تكون كلمته وانا ماليش رأي مايكونش ليا اي اهتمامات غير بيتي وجوزي يعني حاجات من كدا
الرمال 2005 الله يسهلك امورك يا قلبي زي ما بتهتمي بموضوي واديني بحاول اطنشها لكن انا بضايق من كتر مدحها في بنتها 24 ساعه مش غيره وربنا اللي يعلم لكن بمل من تكرار البنات يعني خطيبي واهله يقربولي من ناحية امي شويه وانا جدتي لامي ماشاء الله قمر يعني ملكة جمال رغم انها كبيره فس السن حماتي تقول ان بنتها تشبه جدتي وانا لأ غير انها كل ما تشوف جدتي تقولها انا بنتي نسخه منك كل اللي يشوفها يقول تشبهلك حتى جدتي بقت تضايق منها, وللاسف هي اللي دايما تتابع اخباري وتسألني فما باليد حيله
girl_love4ever الله يعينك يا عمري على مشكلتك فعلا اللي يشوف بلاوي الناس تهون عليه بلوته كسرتي خاطري بس اكيد ربنا مش هيضيع حقكم وكل واحد افترى عليكم هياخد جزاته
بس انا مااظنش ان حماتي بتكرهني يعني عادي هي عاوزه بنتها احسن واحده و خلاص وماحدش زيها والغريب انها احيانا تشكر لخطيبي فيا وتقوله انها بتحبني اكتر من بنت عمي مش عارفه دا عشان تبين لخطيبي انها طيبه وانا الشريره ولا هي فعلا بتحبني لان بنت عمي مش بتسكتلها على كلامها