واللي يرحم لي والدينكم تدريس اولى ابتدائي

السلام عليكم ..

اول شي احب اعرفكم بوضعي .. انا مغتربه وعندي بنت في اولى ابتدائي ..

ولازم ندرسها منهج اولى في البيت ..

انا مافيني صبر .. ولا اعرف اشرح ولا ادرس !

وبالاخير الضحيه بنتي الله يصبرهاا علي ..

المشكله انها تدرس في مدارسهم يعني مسيكينه تعقدت بين الانجليزي والعربي ماتدري وش تبدي !

تكفوون عجزت عنها بالقراءه والرياضيات تنسسسسى تعببببت مررره معها وشلون اشرح لها وشلون اقسم وقتي معها وكيف ارتب تدريسي للمواد تكفون ابي الحل ..

مشكلتي بعد ان الفصل الاول ماوصلتنا الكتب الا قبل الاختبارات النهائيه (نهايه الفصل الاول) (بما اننا مغتربين كل نهايه فصل يجون مدرسين يختبرونهم ) باسبوعين تقريبا ضغطتها ضغط مسكيينه ..

ودخلنا بالفصل الثاني فلازم ابدى فيه اول باول عشان مايتراكم عليهاا ..

والمشكله مافهمت الفصل الاول زين .. يعني مثلا القرأة تعرف الحروف لكنها ماتعرف تتهجا الا بالحسرره .. وتقرا احيانا بدون التشكيل ..وكتابتها للكلمات ماتعرف لها مره تلخبط بطريقه تشبيكها ..

الرياضيات اعطيتها الاساسيات طريقه الجمع والاعداد .. والطرح ..

اما العلوم فما جيته ابدد




الحل تكفون