وانتصرنــــــــا والناصر الله

السلاااااااااااااااام عليكم خواتي بعالم حواء احوالكم

ابشركم يالربايع استرجعت ايميلي ادري انكم ماتدرون وش السالفه بس بحكيها لكم..؟..

هاك اليوم وانا منطبحتن على بطني <<<<< ياكثر ماتبطح بنت الحلال .. المهم

وانا قدامي الكمبيوتر وداشه الماسنجر واهرج مع بنت عمي وصديقتي ثانيه ؟؟؟؟؟

المراد


مادريت الا تنفتح لي نافذه ومطرش فيها ضحكات ..؟. ههههههههههههههههههههههههههه

انا مرج قلبي نقزت ياربي دخيلك

العلم وشو


وش ذا


ياربي استر على عبادك .؟.؟.

وانا اللي اطرش له مدري لها .. يهــــــــــــــــب ياوجهك

كان اروح عند خويتي ؟؟؟؟؟ قلت يمااااااااااااا لحقي علي ايميلي في بلا قام تطلع لي ضحكات

كان تقول .. يماااااااااااااااا
انا .. يهبي علامك
كان تقول .. مع السلامه هذا هكرز <<<< وبنت الحلال تغلق المحادثه بيني وبينها
وانا اللي يتقلب وجهي وقام العرق يتصبصب من اعلى ظهري الى اسفله

وكشتي قامت انفشت اكثر >>> اثار الخرعه

وشفايفي قلبت بيض

شايفت جني ياشقحه مب هكرز


وانا اللي ادخل على بنت عمي وتقول لي ... شقوح انا طالعه <<< شف كلن فيهم روحي روحي محدن
فزع معي


المراد وتكمل .. شقوح انا طالعه بس وصيه تكلمي بادب بيعطيك ايميلك لا تتكلمين بي همجيه
اوكي بايو ....

وانا اللي يضيق فيني الدنيا ما وعيت عقب نص ساعه الا يغير التوبك حقي من

القصيده اللي انا حاطتها ..

*** عسى من حدني عن وليفي وانا باغيه ... تحده ذنوبه مايجي بارد الجنه ***

الى

تم اختراقه من قبل الصاعقه (نواف)

وانا اللي اطقها بكيه وش اسوي وش العلم ..؟..

ان ناديت اخوي وقلت له ايميلي داخله هكرز ... بيقوم يتوطى في بطني ليش تاخذين الكمبيوتر

وانا

محسوبتكم صارقه الكمبيوتر منه ..

وان حطيت ايدي على خدي الايميل راح وكل خوياتي راحوا معه ..؟.؟.


وان كلمته وتفاهمت معه ... ادري بيقوم اخوي يتوطى في بطني وش هوله تكلمين رجال وبعدها بنحرم من الكمبيوتر

وانا اعرف نفسي ان كلمته بقوم اتهاوش معه وبيتنيذل وماهو مسترجع لي الايميل ..


رحت احوس بالغرفه واقلب كيفي في بعض واعرط في اصابعي ومرات افكر خل يولي الايميل
وخوياتي ندبر ايميلاهم ..؟.

ومرات اقول لا شقى عمري مايضيع مني ..؟..؟.


كان بنت الحلال قلت مالي غير ربي وسجادتي ..؟..؟.


واروح لكم اتوظي واقعد اصلي وحالتي حاله اللي يشوفني وانا شلون ادعي ربي تقول ضايعن لها
ورع

المهم واستخرت <<<<<<<< على هونك شقوح كله ايميل اجل شلون لو عرس

المهم

واروح قدام الشاشه الا ابن الحلال كان يطرش لي كلام وانا ماكنت موجوده ودار بينا هذا الحوار ..؟.


هو... ردوا لا تحلمون الايميل يرجع لك ..
انا .. خير
هو.. مابغيتو
انا .. يابن الحلال اتق الله تكفى رجع ايميلي ولك ريالين وابشر باللي تبي
هو.. واذا مارجعته وش بتسوين ..
انا .. بدوس في بطنك..
هو.. اووف داخل ايميل مصارعه انا ..
انا .. لاحول ولا قوة الا بالله بعرف شتبي بالايميل كله بنات ومطوعات مايونس
هو.. ههههههههههههههه عز الطلب
انا .. رح جعله زقوم بحلجك جعلم ماتحدره وان شاءالله اول ماتفتح الايميل يشب بكمبيوترك حريقه ..
هو..هههههههههههههههههههههههههههههه
انا... ضحكت من سنك بلا علك الساحق الماحق والبلا المتلاحق ..
هو..ههههههههههههههههههه لا تدعين بعطيك ايميلك بس بشرط
انا .. خير
هو.. تعطيني ريالتيني ..
انا .. ابشر
هو.. وبعد عشان قلت ادبك ماتدخلين ايميلك لمدة اسبوع بعدين كيفك
انا ..وان دخلت
هو..يعني .. احلمي يرجع لك
انا .. ياذا النشبه المهم تلايط يالله عطيتك وجهه
هو.. والله انك قليلة ادب مدري ليش برجع لك ايميلك تكسرين الخاطر
انا.. تقلع يالله ولاعاد تدخل الايميل عطيناك فيس واستانست ..
هو..ههههههههههههههههههههههههههههههه اوكي

وعقبهاا طلعت وهو طلع ..؟.

واليوم صار لي ثاني يوم من العقاب مادخلت الايميل بس دخلت نص ساعه وطلعت حسبي عليه
سبعت تحاسيب


بس تصدقون انه هكرز نشمي رجعه بسرعه من غير نزاع هذا فضل داعي يالله لك الحمد والشكر

سخر لي عباده ..؟.

المهم .؟.؟.

طـــــــــــــــــــــــــــــــــــــــــق باي وسي يا في مازوع ثاني