وبعدين مع أشباااااه الرجال .

السلام عليكم .
بنات صراحه صار موقف إرتفع ضغطي ودعيت على هالرجال وأنا ماأعرفه ليييييين قلت بس السالفه ومافيها واحد من عيالي سخن وزكم والتهب حلقه لاياكل ولاينام وبس يبكي وتعرفون تغير الجو هالوقت ولازم مستشفى يعطونه مضاد ومسكن ومزيل للإحتقان المهم زوجي دائما أول مايمرض أحد من العيال يوديه ويصرف علاج ويجي هالمره كان مسير على هالرجال الي دعيت عليه وانا ماأعرفه يقول معه بالدوام توه متعرف عليه وعازمه على القهوه المهم وهو عنده وانا بالبيت وولدي تعبان مره ومولع من الحراره واستفراغ وحاله دقيت عليه الو فلان وينك هاه وش فيه الولد تعبان وديه المستشفى وش رد علي قال بس كذا بسيييييطه مو مشكله شوي وجاي وقفل قلت الحمد لله الحين يجي ونودي الولد المستشفى قمت وجهزت وجهزت ولدي وجلست أستناه يجي وجالسه بعبايتي ومرت ساعتين وشفته طول ماجا رجعت دقيت عليه وانصدمت باقي عند الرجال ويسولف ويتقهوى ولا كأن ولده طايح مريض قلت وينك قال عند رجال ومشغول شوي وأجي وأنا خلاص قفلت معي قلت له جالس تقهوى وولدك مريض تبغ تجي توديه والا أشوف لي أحد يوديني المستشفى وأنت خلك عند الرجال وسكرت طبعا ماعندي أحد يوديه غيره بس من الغبنه قلت كذا ورحت أروش الولد الشكوى لله وش أسوي أخلى ولدي يموت بسم الله عليه جا زوجي بعدين بعد ماخلص وتعشى وبغى ينام جا ومعه كيس جايب من الصيدليه فيفادول شراب وقطره للأنف هذيك الي مويا وملح وعطانياها وقال عطي الولد علاج ونزل ثوبه وراح تروش وحط راسه ونام أنا هنا مصدوووووومه أول مره زوجي يسحب على عياله كذا وماهمه ولده وعاااااادي عنده المهم ماناقشته ولاشي لأني عارفه لو تناقشنا وهو نعسان وأنا معصبه ماراح أطلع بنتيجه الا بيزيد عناده أخذت العلاج وقلت تصبح على خير تامر شي قال سلامتك قلت الله يسلمك وطلعت رحت عطيت ولدي شراب فيفادول ورقيته ونومته ونمت معاه بغرفة عيالي بعدها بيوم تعب الولد زياده رحت له وبعد هوااااااش وغصب وديته وعالجته بتقولون وش دخل الرجال تدعين عليه بعد ماوديته بيومين جلس زوجي رايق ويسولف قهوة العصريه طبعا أنا ماأحب أطول الزعل وأنهي الخلاف بسرعه كذا أحسن المهم يسولف يقول دقيتي علي وانا عند الرجال بغيت أقوم أمشي حلف وطلق اني ماأمشي قلت له يارجل الولد مريض قال ماهو مريض الحريم مهولات للي ماتعرف مهولات يعني يبالغون مع كذب حسبي الله عليه يقول المجلس مليان رجال واستحيت وجلست ويقول الرجال عنده 4 عيال ويحلف انه ماعمره ودى ولا واحد فيهم المستشفى وانك لاتطاوع الحرمه تدعس عليك بالله أدعس عليه لا ودى ولده المستشفى متخللللف ويقول أخذ له فيفادول وخلاص وزوجي اقتنع يقول حنا لو ينشك اصبع واحد على طول ركضه للمستشفى ماله داعي قمت قلت له أول شي هو ماله دخل بعيالك يقول لك لاتوديه المستشفى وش دخله فيك وبعيالك وعياله بذمته مسؤول عنهم بعض الرجال مايخاف الله بنفسه وأهله لو يموتون عنده عادي أهم شي وناسته ونفسه حسبي الله عليه هو لو ينقلع عنا بس بالطقاق هو وعياله بس لايحرش زوجي علينا ويحشر نفسه بأمور ماتخصه هذاك اليوم طالعين دق على زوجي وحنا بالسياره يبغ يسير عليه زوجي يصرفه يمين يسار عيا يفهم آخر شي قال له زوجي ياأخي طالع مع أهلي يااخي يعني خلاص طفشتني تدرون وش قال قال له ماأخبرك خروف مرتك حسبي الله عليه ومره يقول الحرمه المفروض ماتوديها السوق الا مره بالسنه وتحدد لها ميتين ريال وخمس دقايق وتطلع من السوق لاتجلس تلفلف فيها يومك كله مدري وش دخله فينا كأنا شكينا عليه الحال بتقولون وش دراك انه قال كذا زوجي يعلمني عنه زوجي تغير علي من رافقه وتعرف عليه وش يستفيد لا فرق بين زوجين حنا قبل يتعرف عليه زوجي مرتاحين ومبسوطين ومتفاهمين حتى عياله يلاعبهم يحبهم ياخذهم البقاله يجيب لهم حلاوه لا جا بس تعرف على هالرجال قلب حياتي الله لايوفقه ولايسامحه ولايحلله لاحي ولا ميت تغير زوجي بسببه حسبي الله على كل من يهدم البيوت مره رافع ضغطي