..............................................................................زز

up

الله يعافيك اختي
تسلمين يالغلا هاد من ذوقك:26:
نورتي الموضوع:)

الريجيمات المكتوبه فعلا كلها غلط بغلط ..

بس الخل انا مو معك فيه شفت تجارب كثير بحياتي مو معقول كلهم صدفه ..

ومو معقول كل اللي يكتوب عن الخلطات والأشياء اللي تحرق الدهون كلامهم خرافي ..

وبالنسبة لي جريت الخل للتنحيف مع تخفيف الأكل ونحفت اسرع من اني اخفف الأكل بدون خل ..

وكذلك جربت الزنجبيل والكمون والليمون والفلفل الأحمر وكل هالأشياء نحفتني ..

وبالبنسبة للأشياء للخلطات اللي نسويها وتشد الجسم بصراحه جربتها ونفعت معاي .. لأني منزله 13 كيلو وجسمي مشدود مم وين جاني الشد وانا ما العب رياضه واذا مشيت امشي بالاسبوع مرتين واحيانا لأ انسى المشي ..

وجزاك الله خير على المجهود اللي بذلتيه ..

هلا اختي

يا قلبي انا ما جيت في الوصفات الطبيعية مثل الزنجبيل و الكمون و الليمون و الشاي الاخضر بالعكس قلت انها مفيدة و حطيت مثال الشاي الاخضر و فوائده

حتى الخل ما قلت انه مو مفيد و انه ما ينحف بالعكس تماما
انا قلت طريقة استعماله خطأ بانه ينحط على الجلد او انه ينشرب على الريق و انه هذه الطرق جدا مؤذية
يعني الطرق السحرية للنحافة عن طريق الخل هذه هي الخرافة و ليس الخل بحد ذاته

يعني مثال للتوضيح
قرحة المريئ مثلا كيف تصير ؟؟
من احد الاسباب لحدوث قرحة المريئ و الامعاء هي الارتجاع الحامضي الزايد من المعدة
المعدة دايما وسطها حمضي بسبب العصارة الحمضية HCL
وسطها يكون بين 2-3 PH
الحين المريء وصته مو حمضي .
الامعاء وسطها الكلين
و الاثنين لا يحتملون الوسط الحمضي .. اوكي لحد هنا ؟

نيجي للخل .. الخل حمضي جدا .. لما ينشرب على الريق يوميا بكمية كبيرة و مع الايام المريء ما يقدر يتحمل هذه الحموضة الي تيجيه بعد 6-7 ساعات و هو ناشف
كذا تنتج عنه قرحة المريء
و بالنسبة للامعاء نفس الشي ما تقدر تتحمل هذا الوسط
نيجي للمعدة صحيح انه وسطها حمضي
و حمض و حمض اوكي ما في مشكلة ما يتغير شي
لكن ارتفاع الحمض في المعدة من دون اكل هنا تصير المشكلة
مثل اللي يكثرون من اكل الفلفل
او التدخين من غير اكل
او القهوة
او حنى العلكة اللي تثير الحامض اللي يظل يفاعط لحاله في المعدة ما في اكل يجي عليه
فيضل في المعدة يخابط في جدران المعدة
مع الوقت تتكون القرحة

فعشان كذا دايما نقول كلوا الخل مع الاكل و لا تشربوه على الريق و لا لحاله
تجنبا لحصول القرحة

الحين الخل من الممكن ان تكون طريقة عمله في الجسم مثل طريقة الشاي الاخضر
و هي زيادة عملية الايض او الميتابوليزم في الجسم
و هذه العملية ينتج عنها احراق السعرات الحرارية بشكل فعال
و من الممكن انه يقلل من عملية امتصاص الدهون الماكولة بالوجبة من بالامعاء عن طريق اخراج الدهون الى القولون على طول مثل الزينيكال و الشوتوكال
من الممكن ان يكون مساهم في تقليل امتصاص الدهون و زيادة الميتابولزم الناتج عنه زيادة نشاط التمثيل الغذائي
و لا يعتمد عليه بشكل كلي لاحراق الدهون
يعني ما فيه مادة سحرية تروح من المعدة على الدهون و تحرقها و تختفي كذا لحالها
هذه الطريقة موجودة بس في الاحلام

لانه الكيلو غرام الواحد من الدهون عشان يختفي من الجسم يبغاله طريقة وحدة بس
و هي اجبار الجسم على انه ياخذ الطاقة اللازمة لعمل الجسم من الدهون
و تصير بطريقتين طبيعيتين فقط :
الاولى توفير 7700 سعر حراري من مدخول السعرات للجسم سواء الاستهلاك الاسبوعي او الشهري
لاحظي ما بقلك اليومي لانك اقصى شي بيستهلك جسمك 2000 سعر حراري للطاقة
يعني لو ما اكلتي ابدا لمدة 4 ايام من الممكن تنحفي كيلو بهذه الاربع ايام
لكن سرعان ما يوقف النزول لانه الجسم بيدخل بحالة المجاعة
الطريقة الثانية سعرات حرارية زائدة بالرياضة
يعني اذا انتي كل يوم مشيتي نظام 1000 سعر حراري من الممكن انك باسبوع تنزلي كيلو من وزنك
لكن اذا سويتي رياضة صرفتي فيها 500 سعر حراري ممكن كل 3 ايام تنحفي كيلو

و الطريقة الثانية هي الجراحة و ازالة الدهون جراحيا

و الله سبحانه و تعالى اعلم

بالنسبة للخلطات اللي تشد الجسم انا ما اذكر اني كتبت اي شي عنها غير عن الخل
لانه الخل يفسخ الانسجة
ايضا زيادة فيتامين سي يفسخ الانسجة
اما لو حطيتي زيت و الا غيره ما عندي اي فكرة انه يشد الجلد او ما يخليه يتكرمش
بس انتي فكري معاي اذا كان في طبقة تحت الجلد متراكمة لها سنوات و الجلد متعود عليها كذا
فجاة تروح و تختفي .. الجلد وش يسوي بروحه ؟؟؟؟
ما اخذ وقته الطبيعي عشان ينكمش براحته
ليش ممكن احط شي على جلدي يمنع هذا الارتخاء ؟؟؟
في البنت اللي كتبت عشان ترهل جلد الصدر
تحط كريم نيفيا مع المرة
و تقول نفعت
و الي استخدموا كريمات نيفيا للشد فادت
ليش و الله ما ادري
بدور في هذا الموضوع بكرة ان شاء الله
لاني من جد انا ابغا افهم وش سالفته

و مثل ما قلنا في الموضوع على اكثر من رد معترض
هذا موضوع علمي بحت
يوضح كل شي بطريقة علمية طبية
و الهدف منه توضيح المفاهيم الخاطئة بطرق علمية صحيحة
يعني ما جبت شي من راسي و كلامي مكرر في كل المواقع الطبية :)

تسلمين على المرور :26: