الحلقة الخامسة عشر
سحر انحرجت وتلعثمت وبلعت ريقها وامها طلعت من صالة الطعام وفجأه صارت معه لحالهابالصاله
قرب منها فهد : سحر بشرب الشاي مع ابوك فيما تجهزين نفسك بنطلع مشوار قريب
سحر: فهد عارف رايي
فهد: سحر محتاج ابي اكلمك
سحر: اللي عندك قله هنا
فهد: لاابيك تطلعين معي
سحر: فهد لو سمحت عندك شيء قله هنا
فهد: سحر ضميري يأنبني وضايق صددررري حسي فيني << بهاللحظه فهد خنقته العبره وحاول يصد بوجهه عن سحر
فهد: محتاجك بس هالطلعه وبعدها قرري
سحر تضايقت وشفقت عليه وامتلت عينها دموع : خلاص اوك بطلع معك
فهد اللي كان حاس انه بتيبس راسها معه فرح والتفت لها وباس يدها : اوك بلحق اصلي وارجع احبك دبا
سحر كتمت ضحكتها وبنفس الوقت تمسح دمعتها اللي نزلت قرب منها فهد دموع فرح يعني خخخخخ
سحر: ههههههههههههههه
قرب منها وقبل جبينها وطلع للصلاة
سحر طلعت لغرفتها وصلت العصر وظبطت مكياجها ونزلت
سحر: اريج عبايتي وينها؟؟
اريج: ليش بتروحين؟؟
سحر: مشوار قريب وراجعه
اريج: تغمز بعينها : ووين هالمشوار ان شاءالله
سحر: علمي علمك ههههههههههههههه
اريج فرحت وحست بفرحة سحر
دخل ابو وليد بعد الصلاة البيت هو وفهد وعالمجلس وكانت ام وليد مجهزه لهم الشاي
ابو وليد: وش راييك فهد نطلع نتعشى برى سوى الليله
فهد: والله ابيك تعذرني ويوم ثاني احسن
ابو وليد: علراحتك واعتبره بيتك الثاني
فهد: ابشر
دخلت سحر لابسه عبايتها وام وليد فرحت كثير
فهد: اوك عمي اعتذر بمشي تامرني شيء
ابو وليد : تونا بدري
فهد: عندنا مشوار وبرجع لكم سحر وانا معزوم فالليل
ابو وليد: علراحتكم
طلعو فهد وسحر لسيارتهم فهد الدنيا ماسعته من الفر حه وسحر مجروحه بس حبها لفهد وشفقتها عليه وصلتهم لهنا
حط فهد يده على يد سحر: احبك واشتقت لك وكل شيء واااسف يالغاليه حقك علي ابيك ترضين بس مدري وشو اللي يرضيك اسويه
سحر: غير الموضوع مدري وش فيني مصدعه وتعبانه
فهد : اوك مدري مشتهي اوديك مكان رايق نسولف ونجلس مع بعض جلسه حلوه
سحر: عادي أي مكان
فهد: سحر وش راييك نرجع تركيا
سحر: هههههههههههه لااسفه مااقدر اوعدك خاص لتركيا
فهد: طيب وين أي مكان بهالدنيا تبين
سحر: بعدين اقرر بس الحين وين بنروح
فهد: امممم نروح لمول تمشى وبعدها نطلع كوفي وش راييك
سحر: اوك براحتك
وقف فهد عد المول : سحر لحظه لاتنزلين
سحر: طيب
وبسرعه فهد راح جهة باب سحر وفتح لها
فهد: انزلي يااميرتي
سحر: هههههه شكرا لك
فهد: لاشكر علواجب
تمشو فالمول ومرو بمحل مجوهرات
فهد: وش راييك تاخذين لك شيء من هنا
سحر عارفه فهد قصده رضايه لها التفتت له: لاشكرا كل شيء عندي
فهد: طيب ودي اخذ لامي انتي براحتك متى ماحسيتي ا نلك نفس تشترين علميني
سحر لما دخلت وشافت المعروضات ضاقت وتحسفت انها ماوافقت بس ماحبت تتراجع فكلامها
فهد: تعالي ابي شيء علذوقك لاامي
سحر: كانت تختار وتتمنى لو انها تشتري لها
فهد: امي تحب الذوق الشبابي يعني لاتختارين شيء لعمرها
سحر : واااااو فهد هذا روعه
فهد: لوسمحت كم السعر
،،،،،: هذا نازل جديد سعره 45,000
فهد: اهااا التفت لسحر مااعتقد بقدر اخذه يله مره ثانيه اذا توفر معي المبلغ وصار فيه مناسب هجيت اخذه لها
سحر: اللي يريحك بس صراحه رووووعه
فهد: لو تبينه شريته بس انتي اللي رافضه مشى فهد وطلع قدامها واستحت سحر لااخر لحظه تناديه وتغير رايها وطلعت وراه وفهد كان حاس برغبتها فامتلاكه
لفوا لمول محل محل
سحر: تعبت فهد خلنطلع
فهد: وانا اقول كذا بعد
طلعو ودخلو ككوفي قريب وجلسو جلسه رومنسيه
فهد طاير من الفرحه والدنيا ماتشيله وسحر انبسطت وسلت بس بين اللحظه والثانيه تحاول انها تتغلى عليه
الصفحة الأخيرة
في انتظارك يالغلالاني استمتعت بالقصه حيل