وجبة الفطور...و وجبة وحده..ليش؟؟

dana_32 :

لا صادقين الدكاترة وهم بقولولك انه وقت تبلشي فطورك بكير هاد بحفز الجسم ليبلش حرق بكير ووقت ما بلش الحرق عندك بكير رح تحرقي لمدة اطول بمعنى لو صحيتي بكير ونمتي على الساعة 10 رح تحرقي عدد ساعات كبيرة. ولوصحيتي متاخرة وطولتي بالسهرة يمكت تكون نفس عدد الساعات لكن ما رح يكون الحرق بنفس الكمية لانه اصلا الحرق بالليل بخف كتير>هيك طبيعة جسم الانسان. كمان شغلة نسبة الحرق بتكون خفيفة اول النهار وبتعلى من بعد الظهر وبعدين بتخف على ساعات المسا, لما تفطري بكير وتلعبي رياضة بتحفزي الجسم يرفع نسبة الايض لنسبة بتعادل وبتساوي اعلى المستويات الي بتكون من بعد الظهر. هيك بتكون ضربتي عصفورين بحجر واحد: عدد ساعات كتيرة ونسبة حرق عالية. ليش بتجوعي: شي طبيعي انك تجوعي لانك عم تحرقي, اصلا لازم تنبسطي :) قرات بمقال من فترة بموقع الدكتور اوز انه طالما انت بتجوع معناها الايض عندك شغال وعم تحرق دهون. ولما تشربي بس نسكافية طبيعي ما تجوعي لانه عدا عن انها بتسد النفس فهي ما بتحفز الايض ليضل عالي. اما اخر تعليق انه بتعرفي ناس نحفوا على وجبة باليوم: مزبوط القصة قصة سعرات قللي سعرات بتنحفي. بس هدول الناس قللوا سعرات وخربوا الايض وبضمنلك انه بخلال شهور قليلة رح يرجعوا يستردوا كل الي خسروه لانه الايض نزل عندهم لاقل المستويات وبس يرجعوا ياكلوا رح يحرقوا على قد ما ايضهم نزل وبعدها كل شي بيتخزن. لكن الاشخاص الي ايضهم عالي وشغال طول النهار شو ما اكلوا رح يحرقوا لانه جسمهم صار محرقة طبيعية, وهالشي اله فوائده على اعضاء الجسم وعلى الشعر والبشرة وبساعد كتير بمرحلة التثبيت من بعد الوصول للوزن المثالي. رح احكيلك تجربتي انا شغالة على دايت وكملت شهرين ونزلت 10 كيلو. باكل 5 وجبات باليوم تقريبا 90% من الايام, وفي ايام بتتحكم في النفسية وباكل وجبتين. اكلي اكل من البيت لكن بركز على خيارات صحية وعندي يوم مفتوح كل اسبوع وما بحرم حالي من شي, وبمشي ساعة يوميا. صدقيني من بعد الشهر الاول تركت الدايت لمدة اسبوع واكلت فيها وطلعت ومطاعم وجنك فود ووقفت المشي وما نصحت غير 500 غرام وشي طبيعي لانه الجسم رح يزيد سوائل ورح يثبت على وزن معين. من بعد الشهر الثاني صارلي اخدة راحة اسبوعين وباكل من اكل العيلة وموقفة رياضة وجسمي ما زاد غير 200 غرام. لو اني متبعة نظام الوجبة الواحدة كان بضمنلك انه بفترات الراحة كنت رح ازيد كل الي خسرته او بعض منه. وفي نقطة نسيتها لما توزعي اكلك على وجبات طول اليوم, بتصغر المعدة بشكل طبيعي وبتصيري تشبعي بوقت اقل, الخلاصة بتكون تاكلي طول اليوم كميات منطقية ومع ذلك بتنحفي.

لا صادقين الدكاترة وهم بقولولك انه وقت تبلشي فطورك بكير هاد بحفز الجسم ليبلش حرق بكير ووقت ما...

حلاها مبتليها :

ماشاالله عليك والله كلامك درر وفعلا اقنعني وحسيته منطقي ميه بالميه يسعدك ربي ريحتي قلبي بس ماشاالله عليك نزلتي نزول حلو بشهرين انا ثلاث شهور ومانزلت الا 9 كيلو بعد طلعت العيون ممكن توضحيلي اش كان الدايت الي مسويته يعني عطيني مثال عشان امشي عليه بكامل الوجبات وشكرا مره ثانيه عطرتي موضوعي بكلامك الرائع

ماشاالله عليك والله كلامك درر وفعلا اقنعني وحسيته منطقي ميه بالميه يسعدك ربي ريحتي قلبي بس...