وجهة نضر .. الانترنت والجوال ما افسد الدنيا لكنه ........

السلام عليكم
من وجهة نضر ومن كثر ما قريت قصص وسمعت ...
فيه كثير ناس وحريم كبار لمن يتكلمون عن جريمه يقولون مباشره
الجوالات هذي افسدت الدنيا
لا والله بالعكس اشوف ومن تحليلي المنطقي
ان المصايب اللي موجوده بالزمن ذا كانت موجوده زمان لكن ماحد يدري عنها ليش
اولهاانه وسائل التواصل مع العالم الخارجي اقل ومحدوده ( مالك الا صديقاتك بالدوام والمدرسه وبنات الاقارب حتى التلفون الارضي للضروره فقط ) مو مثل الان نكلم ناس ما نعرفهم ونتكلم عن اشياء مكبوته اهلنا ما يعرفونها .... صار النت وسيلة فضفضه ....
الواحد يسكت ... ويتكتم على الموضوع بسبب الخوف وان الزمن زمان يتمثل بالمثاليه اكثر ( مثل بنات زمان تعرضوا للتحرش )
وياما قريت قصص لبنات الان بالثلاثين .... واكبر تعرضوا للتحرش من الاقارب .. لكن ماحد يدري ,,,, ليش ان الوحده تسكت ما تقدر تكلم لعالمها المحدود
ثانيا حاطين في بالنا انه التحرش ما يجي الا من العماله او خروج البنات مع الشباب
زمان كان وصول الاخبار والقصص والجرائم محدود ... بالجرايد والاخبار اذا كانت مصيبه كبيره ...
ووسائل الترفيه محدوده ,,,مجله و مسجل ورادي وكانت مواضيع هادفه ومحترمه ما نقراء قصص مخله بالادب
حتى الالعاب زمان تجمعنا مثل لعبة الورق والطاوله والكورة الان اللعب مع نفسك بالجوال
يعني ب اختصار
زمان كانت موجوده المصايب اللي موجوده الان لكن تحكم تكتمها اشياء منها
الصمت .. السكوت عن شيئ لا يقبله المجتمع
التكتم خوف من الفضيحه وماكان فيه وسائل فضفضه للعالم اللي مانعرفه
.... مو بس بموضوع التحرشش ... حتى مصايب القتل ... الادمان .... الارهاب كان موجود زمان .....
لكن الجوالات والتصوير المباشر من قلب الحدث ...... يخليك تعرف بشي لو كان زمان ما دريت عنه
والان الجوال .. صار يوصل لنا الخبر قبل الاخبار ... ومن هنا يضطرون الاخبار انهم يعطوك الخبر ربما بالتفصيل مع التكتم على بعض الحقائق وتزييفها بحقائق اخرى


الشي الوحيد .... اللي ممكن يمنع و بقوه ... الافلام الاباحية والصور والمقاطع اللي فعلا خلت العالم ما يستحي
اما من ناحية التوجيه فبنات الزمن ذا المفروض يكونو واعيات على الخوف على انفسهم اكثر من زمان ...... لكن صاروا جريئات للاسف وما يخافون شي