وجود العاملة بالبيت

العامله إذا فيه أطفال أو بيت كبير أو فيه ضيوف ضروريه جدا
لما تكون عندك بشكل دائم مابيكون فيه قلق لأنك عرفتي كيف تتعاملي معها وتكون ماشيه على جدول ضروري

ألف لاباس عليك رياا. ماعندي خلفيه علي العامله اذا اضطريت جبت باليوميه. بس كثار ناس مايعيشوا بدونها اختاريها ثقه ومريحه وبعدين مشيها علي روتين معين بتتعبي معاها أسبوع اسبوعين بالكثير وبعدين ترتاحي واما علي التعب النفسي شفت قريباتي ماوردت وجوهم واهتموا بانفسهم وعيالهم الا بعد ماجابوا عامله مقيمه فاستخيري وتوكلي علي ربك

وعليكم السلام
في البيوت الكبيرة وبيوت العائلة ضرورية العاملة وجدا بعد ويبيلهم ٢ خاصه بالويكند
زي بيت اهلي ما شاء الله يجتمعون كل خميس واذا صار فيه مناسبه الخميس يجتمعون الجمعه وأحيانا الخميس والجمعه
يعني الخميس ليل والجمعه غدا ويجلسون لليل فلازم عاملات ورا الأطفال وتنظف البيت قبل وبعد
بس لك مايحتاج نهائيا خاصه اذا بيتك صغير يعني بترتب بساعتين وش تجلس تسوي باقي اليوم ؟
انا ودي الصراحه اصحى واحصل البيت يلمع نظافه وكل شي جاهز يصير عليه بس الطبخ
بس مره ماحبهم ولا بتحمل وجودهم طول الوقت عشان كذا شلت الفكره تماما من بالي
انتي جيبي من الشركات و عطيها تعليمات
جربت شركه رهيبين يبردون القلب
مو كثير يعرفونها جتني اول مره ٢ مو ١ 
المرات الجايه اطلب تجيني ١ وآخر مره طلبت ٢ بعرض اليوم الوطني نسيت بكم بس كانوا بسعر ممتاز ٥ ساعات مو ٤ هم
والله نفضوا لي البيت نفض وخاصه المطبخ
من وقتها وانا انظف اول بأول هذا احسن حل والبيت لسى نظيف الحمدلله ينعفس شوي بس ارجع ارتبه ويرجع تمام 👌
انتي لا تجيبين بالساعه الا الشركات يبردون القلب وجيبي شرق آسيا لا تجيبين من أفريقيا شغلهم مره مو حلو اغلبهم

يعتمد إذا ما عندك اطفال المسؤوليه راح تكون اخف واسهل لكن إذا عندك عاد حكايه ثانيه تقدمين عليها افضل
ويعتمد ع البيت إذا كبير ولا صغير من جهة يبي له وقت وجهد ع سالفة التنظيف والغسيل وإلخ
ياكثر اللي فيهم الخير لو لقت معامله حلوه مو بس كرف عشان يحللون راتبها 😂
فيه كثير متعودين ع وجود العامله حتى لو ما فيه الا اشياء بسيطه تقدر تسويه بنفسها كصاحبة بيت الا انهم ما يتخلون عنها
والمخاوف اللي تصير والقلق لأن الأغلب يضغطون عليها بالشغل والصراخ وناسين إن لها فتره راحه وهكذا
يعني المفروض اللي يبونها مهم يحسسونها بالرفق لأنها تاركه عيالها واهلها ووووإلخ

دام عندك مشكله صحيه جيبها ورتاحي
اللي بالساعات تفرق عن اللي دايمه عندك تعرفينها وتعرفين طباعها
اما انه مايكون عندها ذمه راقبيها اول ماتطلع من المكان روحي شيكي عليه اذا مانظفته تماام خليها ترجع له من جديد تلقينها اللي بعده تنظف بذمه وضمير لانها عارفه انها بترجع له من جديد اذا تنظيف اي كلام