السلام عليكم ورحمة الله وبركاته
اولا حبيت اقولكم الموضوع هذا للأمااااااانة منقول
** بس صراحة بالنسبة لي كلامها عجبني مررره لأنها عرفت كيف نكسر خشوم هاالاغبياء اللي عندنا
ومن جد فطـــــــــــست ضـــحـــــك على كلامها >> المهم اخليكم مع تهزيئها للشباب السعودي
ههههههههههههههههه
لاتعليق
شكل اللي كاتبته وحد منقهرررررررررررة من اخوانها واهلها او زوجها خخخ
اقروها برواااااااقة
ههههههههههههههههههههههههههههههههههههههههههه
ياحليلها
السلام عليكم
كيف الحال؟
بعد ما طفح الكيل وتخطى الموضوع الخطوط الحمرا
تخليت عن حسن الاصغاء وبادرت بالتدخل السريع
ذلك يقتضي ان هذي اول مشاركه مني في القروب
فقد لاحظت الهجوم المدعّم بالصواريخ السكوديه الكاذبه عالبنت السعوديه
المشكله ان اللي تكلم خرفاااااان بلدي :angry2:
وصحيح القَول في مثل هالحالات ~*لايضر السحاب نباح الكلاب*~ احنا غنيّات عن التعريف
واشهر من نار على علم
ان كان على الصعيد الجمالي فغالبية الشعراء كانوا ومازالوا يتغزلون بجمال بنات السعوديه :32:
غير كذا جمالنا ''هبـــــه'' نحمدالله عليه مابدّلنا ولا عدّلنا
وان كان عالدلع فهي 'فـــطـــــره' من الله مو شي اصطنعناه زي غيرنا
وقالوا الزين نجدي والدلع شرقاوي
واضافة الى هذا وذاك حسن التربية والاخلاق مشهود لنا فيها
وللسفيه اللي قال :::ترى الشين عندنا والزين حوالينا
فعلاً صدقت وماكذبت بهالشي لاني والله حلفت واللــــه ماقد شفت سعودي مزيون خُلقاً وخِلقتاً
الاّ اتشلح املح مغبر تقل طالع من مقبرة ولا متهاوش في صندقة دجاج :booo:
وان زانت خشته شانت علومه
غير كذا همج ماشافوا خير ويحبون الهياط ويزعطون على ولا شي
ويتميز الشاب السعودي عامة بـ شين الوجه وشين الاخلاق والجيب المنشق ((ماعنده دراهم))
ونادر مانلقى سعودي يخلو من العيوب التاليه المشهورة:ـ
الغباء العاطفي/الغباء الاقتصادي/الغباء الاصغائي/الغباء الاجتماعي/الغباء البديهي
ونقدر نفسر كل غباء بكم كلمه
الغباء العاطفي: مهب لم الرومانسيه جلف وجاف مايعرف يحب ويسمع بشي اسمه حنان
الغباء الاقتصادي:مايعرف يجمع قروشه هذا اذا كان عنده قروش ويصرف عاللي يسوى واللي
مايسوى لنفسه بس اطلبي منه قرش يقولك ماعندي! ((ماعنده مخ تجاري))ـ
الغباء الاصغائي:يعرف يقرق مع ربعه ويعرف يسمع سوالفهم التافهه لكن وقت ماتجي زوجته
او اخته او امه تسولف معه ورّاها عرض كتافه مو اقولكم غبي غباء عاطفي مايعرف يجامل
ولا يحترم المشاعر
الغباء الاجتماعي:ماعنده لباقه وربّي عدّمه الذوق وفن التعامل مع الناس عربجي همجي كانه
اول مره يتعامل مع بشر
الغباء البديهي:يعني ماعنده سرعة بديهه في تدارك المواقف الصعبه اللي تحتاج تصرف سريع
وصحيح
يعني لو جبنا سعودي وحطيناه في 'مأزق' اول شي بيسويه بيعصب ويصارخ ماراح يتكرم يفكر
اشلون يتصرف
بالمختصر لو فتح المجال لنا بالتخلي عن الزوج السعودي كان والله ثلاث ارباع بنات السعودية
متزوجين اجانب اصحاب الرتب المرموقه جميلين من الداخل قبل الخارج
لكن شنقول الدوله خايفه تدجّون اكثر من دجّتكم وتصيرون بدون وظايف وبدون حريم سنعات
يضفّونكم والوكاد انهم خايفين من حالات الانتحار نتيجة الاضطرابات النفسيه يامضطربيـــــــــــــن
واذا انتم بتحولون عالمناطق المجاوره الله يبشّركم بالخير :booo:
لان الارتباط قديما كان حلم كل بنت سعودية بس بعد مابانت الحقائق صار كابوسها لانها تدري
بتتزوج وحش
وبدال مايجي فارس احلامها اللي يعيّشها حياة سعيده ويغمرها بالحب والحنان يجي قاتل احلامها
الزوج السعودي :3_2_21v:
قاتل الانثى بالسكر والضغط والكوليسترول والجلطات ويسدد شاريينها وآخر أيامها بالدنيا تصير
بالانعاش وفي غرفة العناية المركزه
واقووول لكل شاب سعودي يتمرد ويرفع برطم عن برطم ويقعد يعذرب فينا رح شف خشتك بالاول
بعدين تكلم
ايضاً احب اعلق عالصور اللي نشرها اعمى سعودي حاط صور فنانات ويقص عالعالم ويقول انها
مزيونه ودلوعه
خخخخخخخخخخخخخخخخخخخخ
صج انك لحجي واحول
والذوق نعمه
بس لولا اختلاف الاذواق لبارت السلع
والسلعه الرخيصه تلاقي رخيص زيّها يعجب فيها
بعدين احنا مثل ماذكرت آنفا جمالنا طبيعي مايحتاج نحط كيلو مكياج ونطير حواجبنا ونغدي اباليس
متزينه
ويوم ان هذا ذوقك معذور ومرفوع عنك القلم وماينشره عليك
لو رزيت صورة لوحده عدلة مو كابة مكياج نقول ممكن عالاقل جمال طبيعي مانقدر نحاجج
وفي الختام
اقول لكل شاب سعودي كل تراااااااااب يغديك تشبع وتفكّنا من حنتك
ياانتوا غثيثين بشكل عجيييييييييييب الله ياجرنا في مصيبتنا
اللي يبي يتزوج من برا طس باللي مايحفظك
واللي مو عاجبته زوجته ياعله السهاد وقل الرقاد ووجع في بطنه لاراح رجع عشان
يعرف ان الله حق
أما البنت السعوديه انصحها بالعزوف عن الزواج كلياً الى ان يفرجها الله
وناخذلنا ناس عدله
ms-pink @ms_pink_2
عضوة جديدة
يلزم عليك تسجيل الدخول أولًا لكتابة تعليق.
يــغــ الحلا ــــار
•
:hahaha::D
والله حراااااااام كلام مره قوي مايستاهل كل هذا حنا مع غني ولا فقير نهايتنا تراااااب ومافي غني غير الله ومافي احد احسن من احد شكلها البنت مقهوره من قلب
الصفحة الأخيرة