ياجماعة قولولي اخذه من العطار ولا من السوبر ماركت .

انا من الجمعيه واستعمله عادي ونفع معاي

اختي اللبنانيه ..
الله يحفظك ومبرووك لك والحمدلله ان النتيجه ناجحه وعقبال لنا يارب ..ونعم لازم الابتعاد والتخفيف من كل شيء واكثر شيء الدهون والسكريات .. ولكن لي سؤال بالبدايه شعرتي بشيء والا لا وهل شفتي النتيجه بعد كم يوم هل فقط بعد اسبوع ام ثالث يوم مثلا
وكمان سؤال ؟؟ اذا شربتي كاس بعد الغداء بساعتين هل تمتنعين عن الاكل مررره ام تاكلي عادي او تشربي شاي وقهوه
ارجو افادتي .. وشكرا لك ...

اختي سلمى ..
والله هذا اللي صار معي قال لي الكيلو ب80 ريال واخذت ربع كيلو ب20 ريال
يمكن الوقيه مايعادل ربع.... الله اعلم يااختي .. ماادري ..
حتى البابونج اخذت ربع ك ب10 ريال .... يعني 40 ريال الكيلو
والميرميه نفس الشيء ب20 ريال .... بس انا اخذت 5ريال ربع كيلو
وهي كثيره تكفيني اكثر من شهر ...

ماادري يمكن انا صح يمكن انتي صح ماادري ... بس العطار اللي اخذته منه ثقه وهو عطار ابا الخيل معروف بالرياض باسواق اوشيقر ..
وشكرا لك .. ويارب اكون افدتك ...تحياتي لك ..

اختي ام سارونه ..
والله انا اشوف الافضل من العطار ويكون ثقه ...
افضل من المغلف اللي بالسوبر ماتدرين ايش محتوياته ..
انا هذا راي ماادري والله ...

على العموم شكرا للجميع وياريت تكتبواكمان اللي جربته ونشوف ايش استفادت مثل اخواتنا الاخريات ....

تحياتي لكن جميعا :)

سلام عليك يا غيم والله يوفقك انا قرأت موضوعك مسافرة نحو النحافه فعلا انك صاحبة إراده الله يقويك
بالنسبة للخلطه انا لم اشعر بأي شيء من اوجاع او الام لا في البدابه ولا هلق بعدين هاي الأعشاب نحنا في بلدنا نستعملها عادي في البيت لا تخافي منها وانا اختي يلي اكبر مني كانت تعاني من اوجاع عند العاده الشهريه منذ كانت عزباء وكانت امي تشربها المراميه لأنها مساعده لإزالةالوجع في البطن والعجيب انو الأن عندها 5 اولاد اما كرش.... ما عندها ولا شي..!!!!!! وانا كنت اتعجب شو السبب حتى شفت خلطة ام سلطان السحرية
صراحه من ثالث يوم كان في نتيجه بس بعد اسبوع كانت النتيجه اوضح 5 سنم شيء رائع فعلا
هي صراحه تسد النفس يعني ما تجوعين بعد ما تشربيها اما بالنسبه للشاي والقهوه عادي وايضا الفواكه اتناولها عادي
ارجو لك التوفيق وما تنسينا من الدعاء

بنات انا اايد الاخت انها تقضي على الام الدوره انا من النوع اللي يتعب لكن مع هذي الاعشاب والله نزلت على الدوره دون ماحس .......
بس حبيت انا اشربها بعد الغداء على طول يعني اتغدى واشربها على طول وكذلك اتعشى واشربها على طول ....اما الصبح على الريق قبل لاكل اي شي.........صح الطريقه ولا زام انتظر شوي وبعدها اشرب.....ياريت تردون عليي