وداعاً لإلتهابات المهبل الفطريه والبكتيريه

السلام عليكم ورحمة الله وبركاتة
كيف حالكم ياحوائياتي
انا عضوه قديمه لكن مشاركاتي قليل
لي فتره افرفر بالمنتدى ادور شي يعالج التهابات المهبل لان سالفتي معها سالفه
جتني من سنتين ..واكثر من مره اعالجها تخف بس مجرد ما اترك العلاج او تجي الدوره ترجعلي مره ثانيه
تعبتني وربي كثير بطلت مراجعات وادويه وكريمات وقمت ابحث بالنت وبعد معاناة طحت على العلاج الطبيعي والسحري
ياليتني عرفته من زمان ولا حست مع الادويه


تدرون ايش هو ؟




الزبادي مع الثوم






لاتجي وحده تقولي يع وماحب
اكيد كلنا مانحب ريحته لكن جد له مفعول قوي على الالتهابات لانه يعتبر مضاد حيوي ويقتل الفطريات بمجرد التقائه معها
والزبادي يزيد من البكتيريا النافعه واللي بدورها تحارب البكتيريا الضاره
كانت طريقتي كل يوم بعد العشاء اقطع فص ونص ثوم قطع صغيره ثم ابلعهم بدون مضغ >> انتبهو لاتهرسونه لانه بيكون حار على المعده
بعدها امشيه بمويه واكل علبة زبادي المراعي


والحمدلله الحين لي 4 ايام من استخدمتها مو حاسه بأعراض الالتهاب وراحت الحكه الشديده وقلت الافرازات
ان شاءالله بستمر عليها اسبوع احتياط عشان اضمن ماترجعلي
وبس هذي تجربتي ..
تكفون اللي تستفيد تدعيلي ان ربي يفرج همي ويحققلي ما اتمنى 🌷