السلام عليكم ورحمة الله وبركاته...
اهلا ..اهلا رمضان ..
وياليت السنه كلها رمضان..
حياكم الله وبياكم..
تقبل الله منا ومنكم صالح الاعمال..واعاده علينا ازمانا عديدة ونحن واياكم... الى الله اقرب...
ندخل في الموضوع على طول ...عارفة انكم موفاضييين.. الله يعينكم ويوفقكم:angry2:
طريقة السمبوسة العادية..وبرضه ..مش ..أي أي ..ولا.. زي زي..
والله يابنات انها لذيييييييييييذة.وتواجه .....وشكلها يسيل اللعاب..وحتسمعي مدح الاحباب...
والشهادة ...دايما اللي يذوق سمبوستي ..يسالني عن الطريقة ..
وترا اي وحده تقدر تسويه ..يعني مايبغاله شطارة .. بس احنا كسلانين وتعودنا على الشرايح ..
وترى انا ماني كبيرة.. .....ماشاء الله ........ومن زمان انا اللي اعملها ..
يبغالها بس ..وهي السر...في السمبوس...
فرادة السمبوسة القديمة:(ماكينة السمبوسة )اللي مرسوم عليها زي الشعيرية .وتجي عادية وتجي على الكهرب.عرفتوها.. :eek:
نبدا..بسم الله..
مقاديرالعجينة.....لـــــــ تقريبا 40 سمبوسة
2كاس دقيق ابيض فاخر..
2 كاس دقيق دبي اسمر
2بيضة
نص بيالة شاي زيت عافية...عشان ماتصير قاسية ..
3ملاعق حليب بودرة نيدو...
رشة ملح,,وحسب الرغبة
مــــــــــــــاء ..اللي يعجنها..وتصير ماتلزق في اليد ..ولا اللي قاسية ..
انتي حطي بالتدريج واعجني بيدك..
طبعا اخلطي المواد الجافة في اناء ..ثم السوائل ...واخر شي الماء...
وصدقوني حتقدّري الموية من اول مرة ..واذا حسيتي انها تلصق في اليد ..زيدي دقيق ..لحد ما تحسيها انها تتكور ولينه وماتلصق وماهي قاسية ..(كيف تجي؟؟هي كذا انا ايش دخلني..خخخخخخ)
وخليها ترتاح ..من 10 دقايق ..الى نص ساعة ..اومدة ما تسوي اللحمة ..
واذا مستعجلة مولازم.. :cook:
نجي للمهم..
الخطوة الاولى ....
نكورها كور صغيرة اكبر من صفار البيض بشوي..ونغمسة في دقيق ابيض ..من الجنبين..يعني نرّقها شوي باليد ...ونغمسها بالدقيق ..فهمتوني .. :eek:
السر في الشكل الرائع..
الخطوة الثانية
نجي للأهم ......ثم نحطها في الماكينة على رقم 2 ..وبعدين 4..وممكن على رقم 5..
لازم على 3 مراحل او 2 على الاقل عشان تتنفخ في القلي وتضبط..
وترى الماكينات تختلف ارقامها ..يعني قصدي على كبير بعدين وسط وبعدين صغير..
وطبعا ..البف ..على النمرة اللي بعدها ..لان البف ارق ..وكيفي تعرفي؟؟؟ البف تشوفي يدك من تحته ..وتجي ارق من السمبوسة..
يعني على حسب الرّقه اللي تبغيها... :eek:
كيف تعرفي؟؟ ... يعني ماتشوفي يدك من تحتها..ولا هي المتينة..
وعلى فكرة ..نفس العجينة هذي احيانا اقلبها بف... :o .كيف...؟؟؟..
افردها اخف ..واحط مع اللحمة بيض مسلوق مقطع صغييييييير..طريقة البف العادية.. :22:
طبعا نحشيها باللحمة المفرومة اللي نكون مسوينها مع البصل والبهارات والماجي ..ولما تستوي ..واطفيها ..احط بقدونس مفروم...(الطريقة المعروفة)
نجي للخطوة الثالثة...للتشكيل
وبالمقرار (القرّارة) (العجلة.).مدري وش تسمونها..؟؟؟؟ نقص السمبوسة..
او بالالة البلاستيك الجاهزة اللي تجي ثلاث مقاسات (طبعا المقاس الثالث.الكبير.)
طبعا ..اذا بالقرارة... نقص الاطراف انصاص دوائر صغيرة.عرض اربعة اصابع..تقريبا ..
او ..قد السمبوسة المثلثة ..فهمتوني..؟؟
ولاترقي الاطراف كثير باصابعك..عشان تقص زين..ومايتفتح في القلي ..اوكي
طبعا ...نقصها ونحطها..في صحن كبير مرشوش بدقيق ..أوسفرة..مرشوشة بدقيق..
ولحد ما نخلص الكمية ..وباقي القصاصات ..نرجع نفردها ونعملها..ترى فيها خير كثييييير.. :22: وغطيها عشان ماتنشف...
نجي للقلي ..على نارهادية..ونقلب على طول..وراح نلاحظ انها تصير فيها فقاعات صغيرة..شكلها رهيب..وراح يتنفخ السمبوس ..كنه بلابل وارمه..ههههههه
ومانحمرها كثير .. تقريب اشقر وسط ..
ونحطها على صينية مفروشة بورق ماص ..
وانتبهي تحطيه كله على بعض ..ترا يهمد...ويخرب شكله .الا 2 او 3 فقط ..
وانتبهي لا تغطي القدر ..على طول ..خلي فتحته ..ربع ..أولاتغطيه افضل ..أو غطيه بمنشفة ... :o
وبعدين قدميه بالعافية ..
وترا الطريقة سهله مايبغالها كل الهرج اللي قلته ..بس احاول اوضح اكثر عشان تفهموني ..وصدقوني باذن الله ..راح تضبط معاكم من اول مرة..ورمضان كريم ..
وانا جاهزة لاي استفسار..وكلي حب .
ومايهمني الردود ..قد مايهمني انه يستوي معاكم..
وتتحدّوا الشرايح ..وتدعوالي ..وتسمعوا من رجالكم واهلكم ...تسلم الايادي...
ذكريااااات @thkryaaaaat
عضوة فعالة
ودعي سمبوسة الشرايح ..وحياك الله ..تعالي أعلّمك السمبوسة المنزلي..سهل بالمرررررررررره
26
10K
يلزم عليك تسجيل الدخول أولًا لكتابة تعليق.
تسلمي يا عسل
أنا اسويها نفس طريقتك بس افردها بالطريقة العادية
وكل يوم بيومه زوجي وعيالي مايحبوا المفرزن
وما جربت قبل كذا ادخل دقيق اسمر أكيد حيكون
صحي أكثر انشاء الله اجربها....... يعطيكي الف عافية
أنا اسويها نفس طريقتك بس افردها بالطريقة العادية
وكل يوم بيومه زوجي وعيالي مايحبوا المفرزن
وما جربت قبل كذا ادخل دقيق اسمر أكيد حيكون
صحي أكثر انشاء الله اجربها....... يعطيكي الف عافية
هلا عزيزتي عيون المها..
شرفتي...انا ذكرت طريقة التفريز عشان يصير الموضوع متكامل..وعشان الازمات ..لكل الموظفات والمشغولات ...وعن تجربة..
تسلمي يالغالية
شرفتي...انا ذكرت طريقة التفريز عشان يصير الموضوع متكامل..وعشان الازمات ..لكل الموظفات والمشغولات ...وعن تجربة..
تسلمي يالغالية
الصفحة الأخيرة
(في صينية ....طبقة قصدير وترشيها دقيق ..وتصفي الطبقة الاولى ...ثم طبقة قصدير ثانية وهكذا...الى 5 او 6 طبقات...وثم طبقة قصدير عليه كله ..ولما تبغي تقلي ..تطلعي طبقة طبقه...
ولا تخليها تذوب مررره ..بس تفك شوي ..او على طول اقليها ...)