السلام عليكم ورحمه الله تعالى وبركاته
اخواتي الغاليات .... انا من حبي لكم نزلت هذا الموضوع .... طبعا الكلام اللي هنا من تجربه الوالده الله يحفظها وسهله وغير مكلفه وصحيه .. وبعض النصايح من تجربتي المتواضعه ... :)
- اولا: كلنا عارفين ان الرز حاجه اساسيه لذلك بوقت اللي تجين تطبخين اي اكله فيها رز اولا استخدمي ارز بسمتي لانه اقل سعرات عن الرز المصري و لما تجين تضيفين زيت ابتعدي عن اضافه الزيت بدون قياس اقصد استخدمي ملعقه مثلا ابدي بـ 4 ملاعق زيت وقللي شوي شوي كذا لحد ما تبدين تستعملين ملعقه او اقل للطبخه كلها..
كوب ارز بسمتي (185 غرام) فيه 675سعره تقريبا بينما كوب الارز المصري ( 200 غرام) فيه بحدود الـ716 سعره .....
يعني اذا استبدلتي الارز المصري بارز بسمتي تكونين نقصتي بحدود ال50 سعره بدون تقليل كميه الاكل
-الدجاج لما تشتريه انزعي منه الجلد وحاولي قدر امكانك التخلص من الشحم وازالتها او اشتري الدجاج اللي يجي منظف وجاهز للاستعمال ... وبالنسبه لـ اللحم المفروم اشتري النوع اللي يكون خالي من الدهون والكولسترول طبعا لونه راح يكون غير عن اللي فيه شحوم وحتى الطعم مختلف ....
- لما تطبخين اللحم او الدجاج لا تضيفين زيت ابدااااا ترا وربي الوالده ماتضيف زيت و المرقه احسها دهينه :mad:
- استبدلي القلي بالشوي او السلق اسهل واريح وصحي بالتأكيد
- لو اشتهيتي اي اكله مقليه زي مثلا بطاطا مقليه انتي اقليها ولما تستوي حطيها بصحن فيه قطعه كلينكس واضغطي عليها حتى يطلع منها الزيت ( يعني نشفيها من الزيت بالكلينكس)
- الحلويات والشيبسات والشوكلاتات لا تدخلينها بيتك نهائيا لانها اذا موجوده راح تآكليها ... و لا تسوين حلا الا اذا فيه ناس يبون يزوروكي وسوي كميه محدوده حتى لما يروحون الضيوف يكون خلص الحلى وماتلقين شي تخبصين فيه << :hahaha:
- اذا حسيتي بجوع اشربي مويه وخلى لك صحن فواكه زي تفاح و كيوي وانناس و برتقال بالثلاجة جاهز ومقطه بحيث لو فتحتي الثلاجة وكنتي جوعانه تآكليه
- بالنسبه للاكل لاتخليه بصحن كبير والكل ياكل منه .. لا خلي كل واحد يأكل بصحن صغير وخلي السلطات شي اساسي قبل الاكل لانها تحتوي على الياف تساهم بالشعور بالشبع
- استبدلي زيت الطبخ بزيت الزيتون
- لما تروحين للسوق لاتروحين ومعدتك فاضيه .. يعني مثلا افطري و روحي تقضي للبيت او تغدي وروحي لانك لو رحتي وانتي جوعانه راح تشترين حاجات مال امها داعي
- استبدلي كل المنتجات كامله الدسم بقليله الدسم او منزوعه الدسم .. يعني كوب الحليب المنزوع الدسم فيه 90 سعره فقط اما كوب الحليب الكامل الدسم فيه بحدود 120 سعره .. يعني تكونين قللتي 40 سعره بدون اي مجهود ..
- اطبخي طبخه وحده على الغدا وبس ... اقصد ماله داعي تطبخين 4 او 5 اصناف مختلفه .. وتذكري قول الله سبحانه وتعالى.. بسم الله الرحمن الرحيم: كلو واشربوا ولا تسرفوا انه لا يحب المسرفين .. صدق الله العظيم ..
واي وحده عندها اضافه ياريت تتفضل وتضيفها :27:
كول بس تكره السكول @kol_bs_tkrh_alskol
عضوة فعالة
يلزم عليك تسجيل الدخول أولًا لكتابة تعليق.
**الشووق**
•
مشكووره
الصفحة الأخيرة