ودي أأدبه بس .. << مشكلة عضوة بالمنتدى

السلام عليكم ورحمة الله وبركاته
ساعدوني الله يجزاكم خير
مشكلتي اعاني من زوجي وعصبيته لسانه سليط يعصب لاتفه الاسباب ويعمل من الحبه قبه ويبدا فيني ويسب ويخليني ما اسوى ريال وانو مالي شخصية وانو تزوجني غلطه مع اني موظفة وعلي راسي الايجار ومصروف البيت ومصاريفي وبناتي راتبه قليل يادوب يسدد ديونه ويبقى مصروف له واول ما توظفت اشتريت له سيارة برضاي طبعا لكن بسبب سوء سلوكه تندمت اني اعطيته ولازلت اعطي لي ست سنوات ع هذا الحال وغير كذا بكل مشكلة يهددني بالطلاق ويذلني ويسب في اهلي ويدعي عليهم ودايم اوقفه عند حده اهلي مالك فيهم بس مافي فائدة سمم قلبي احس بالقهر والغبنه وكرهني فيه ولا عاد احس بالامان والثقة معه ابدا بسبب تكرار الطلاق ويحلف كذا بالطلاق وعلي بالطلاق حتى مع اصحابه طيب انا وش دخلني بس نتتهي المشكلة يوم يومين او اكثر ع حسب يراجع نفسه ويحس بأخطائه ويتودد لي ويعتذر واحيان يجيب لي هدية طبعا النار بقلبي منه وكل فترة يعيد نفس السيناريو بكل مشكلة تحسبت عليه ودعيت ربي يفكني شره ويبعد عني لكن احسه يقرب مني اكثر ويتودد اكثر في حال لا توجد مشاكل ...لكن بقلبي نار كلماته السيئة ترن بإذني مقدر انسى بسهووله ..والله كل شي ع كيفه بالبيت وعمري ما تطاولت عليه وكل شي اقوله طيب وحاضر لكن ما يثمر فيه للاسف .. وعلى فكرة ع اول سنه من زواجي هددني بالطلاق وحلف علي ذا قلت لاهلي بالمشكلة اعتبر طالق كتمت وكتمت حتى طفح الكيل ورحت لاهلي وقلت لهم وجلست عندهم شهر ونص وجاء معه شيخ ويترجى انه يرجعني وابوي وافق وكتب عليه تعهد امام الشيخ وولد خالته ما يهدد بالطلاق ولا يجيب سيرته لكن لا فائدة مازال يهدد ويوعد ويتكلم بالطلاق بكل مشكلة تعبت من سلوكه معاي .. صابرة عشان بناتي وكذلك لا ارتاح الا ببيتي عند اهلي ماارتاح ابوي متحيز لاخواني وعيالهم وماعنده مشكله يفرق بينهم بالكلام واشياء اخرى ،،، ودي أدبه واعطيه درس لا ينساه وابعد عنه للابد واهرب لاهلي لكن اتذكر تصرفات ابوي واخواني كلهم هناك وحريمهم وازعاج الاطفال اتراجع ،، ع فكرة اختي ساكنه عند اهلي مستأجر لها زوجها واشوف الكلام والهواش عليها وعلى عيالها هي متحمله لكن انا مقدر بوضعها ما اتحمل صراحة التهزيء والاهانه والذل هذا غيض من فيض اعطوني حل الله يجزاكم خييير