ودي انتقم من طليقي وزوجته الي خربت بيتي

بنات اشلونكم خواتي في الله
انا يمكن من اول كتبت لكم ان زوجي طلقني ظلم السنه الي طافت وانا حامل ظلمني انا وعيالي
والحقير تزوج اهو خطبها يوم رفعت عليه القضيه عقب طلاقي بشهر ونص بس ابوه رفض وتهاوشوا وعقب تصالحوا
والحين تزوجها من بدايه هالسنه مطلقه وعندها بنتين وطبعا مسكنها بشقه بس اهي الي تصرف عليه وماثثتها لان مايصفى له شي من معاشه
وابوه طارده قايل له ما تييب مرتك وابوه ما مشى بزواجه مو راضي عليه محاربه وغضبان عليه عشان عيالي ما يبيهم يتاثرون خصوصا انهم مايدرون بروح نفسيتهم تعبانه واهم مهددين ان تزوج بيحاربونه وانا لازم اقول لهم
من اولها خلته يتهاوش مع حماتي الصغيره كانت امه بالمستشفى ياييه تتحيلق للام وحماتي مو بالعتها وقالت لها باع ام عياله عقب 10 سنين باجر يشوتج اخوي مصلحجي اعرفه وقالت لها عني اني قمت فيه وبامه بس مابين بعينهم
وراح الحقير استقوى على حماتي المسكينه الي عمرها 19 سنه وطقها وفيه اثار كدمات في ويهها عشان خاطر زوجته راحت وشيشته الحقيره واتصلت حماتي تستنجد فيني وقلب الابو عليها والاخوان حسروا فيها طق وانحاشت من البيت راحت دور الرعايه بس ردوها ويوا بطقونها بس الابو وقفههم هالمره
والي ماخذها على كلام حماتي كلش مو حلوه بس طويله وجسمها حلو تقول حماتي نعال ويهها بس نسره ومو هينه وراها شر وامه حابتها تنكرت لي طبعا وهو طبعا يموت بالفلوس ماخذها تصرف عليه ومن عايله اي كلام تخيلوا
وعمي شاك ان اهيا الي خربت بينا وانا بعد لان كثرت هوشاتنا قبل لا يطلقني وهجرني وكرهني اكيد اهيا السبب اهو قايل لامه ان عقب الطلاق تحرش فيها وماعطته ويهه وعجبته لانها ثقيله طالع الجذب بس هقوتي اهيا الي فرت مخه والكل حاس بهالشي ظلمني ويوم طلقني سافر كذا مره واستانس وتوفق وتزوج وانا متحسره بالقضايا والمحاكم والمشاكل مع ان اصلي وادعي واستغفر واتصدق واقيم الليل ووايد ادعي بالسجود وامي كله تدعي لي وايد مقهوره على حالتي تعبت ما شفت حوبتي اهو الي متوفق لي متى انطر كافي تحملت الضيق وتحملت وايد عشان العيال يوم كنت عنده مع ان كانت حياتنا زينه لوما السكن وهو شوي عديم مسؤوليه بس مشاكلنا ماكانت قويه مايطق وحنون عالعيال واخرتها طلقني ظلم
الحين بس ابي انتقم مو قادره ابي اخرب عليهم احس بالقهر لاتقولون نطري انتقام ربج نطرت ونطرت بس قاعده اكل بعمري حاولت بشتى الطرق الهي نفسي مع عيالي واهلي وصديقاتي وبالقران وبالدعاء والاستغفار بس مو قادره ابي انتقم ابي انتقم ابي اخرب بيتهم باي طريقه ابي اشفي غليلي اخاف اموت وانا ما شفت حوبتي كل ماله ويتوفق وهو لا صلاه ولا ذكر قمت اشكك بعداله ربي والله تعبت ابي انتقم مع ان هذه مو طبيعتي انا طيبه وخدومه يمكن انفعاليه بس قلبي ابيض وياما ساعدته اهو واهله بس مابين بعينه بس ابي اخرب بيتهم ابي اوصل لها واشككها فيه او اني اشككه فيها مثل ماخربوا حياتي
بتقولون انسي ماراح انسى الا اذا تزوجت وانا ابي الزواج بس مو متوفقه بهالشي مايبون مطلقه مع عيالها وانا ابي زوج يسندني ويصرف عليي بس ماكو مو لاقيه
ياربي تعبت اموري تتصعب ومشاكلي تزيد حتى الامور الماديه تتصعب تعبت تخيلوا مسويه له الحين منع سفر وضبط واحضار اطاله بمتجمد مو قادره امسكه عليه حظ والحين وايد شاغله بالي فكره الانتقام مادري تعبت بقلبي نااااااااااار نااااار شابه تعبت من نظرات السخريه والشفقه والشماته من الناس
ابي انتقم