الله يحقق لك اللي ببالك ويرزقك اللي يحبك تحبينه
والله ياختي ماتدرين وش الخير فيه

حبيبتي ... والله عطيتيني امل... الله يسمع منج ... ويكون كلامج صحيح .. .ووجهه نظرج سليمه ... يااااااااااااارب
وان شاء الله اذا صار اي تطورات في الموضوع انتوا اول من راح يعرف بالموضووووع....
مشكووووره غناتي ... والله يرزقج باللي تبينه ..... ويسعدج ويهنيج ويحرسج بعينه اللتي لاتنام ....
اختك اموووره

حبيبتي لازم الامل يكون بحياتنا وتعلمت اشوف الامور بنظره ايجابيه .. وبعدين مافي انسان كامل شنو تطيحين من عينه انتي ماسويتي شي فاضح لا سمح الله ارسال المسج دليل اهتمام

واهو راح يحسه وتغيير الرقم دليل انج بنت مؤدبه وخلوقه وماتفرضين نفسج على احد وعندج كرامه وحساسه

والولد شنو يبي من زوجته الا تكون مثل صفاتج .. ولو ماعجبتيه هذا من ردى حظه وعدم ذوقه

وصدقيني لو حاطج بباله ماراح يشوف فيج الا مزاياج

وماعليج من احد انتي صح وامشي سيده

وحطي جدام عينج هالمثل اصون كرامتي من قبل حبي

لشافج جذي تعلق فيج اكثر واكثر

ولا تبتدين الحين بشي عطيه فرصه الافكار تاكل في عقله شويه تلاقينه الحين مو عارف ينام وهذي طبيعة الانسان

وبالعكس المفروض تفرحين لان الولد طلع ثقه ومافكر يخون اخوج اللي عطاه الثقه وانتي امانه لازم يحافظ عليج من نفسه قبل غيره

والله يوفقج يارب :) واتبشريني بالخبر .. انتي ماعليج الا الدعاء وخليج متفائله واللي في الخير الله بييبه لغاية ريولج

مافي شي صعب على الله ولو فكر يتزوج ماراح يلاقي احسن منج :) حتى اهله بقولون والنعم فيها والله

حبيبتي حواااء...
والله حبيبتي مشكوووووووووووره كلامج عسل وكلج ذووووق والله انج عززتي فيني ثقتي في نفسي بعد ما كنت محطمه وكنت اشوف روووحي اني غلطاااانه... ومن هالقبيل ...
فديتج والله .... الف الف شكر.... علي اهتمامج فيني...
الله لا يحرمني منج.....

بسراحة يا اخت اموره انتي الى الان تحمك العاطفه
لان معجبك كلام حواء الكون والباقي ما راق لك
يعني للحين مافكرتي صح
يعني للحين عاطفك تغرك

اختي فكري
حكمي عقلك
فكري صـــــــــــــــــــــــــــــــح...

وانا سبق وقلتلك رايي ماراح اعيده بس خلاص حبيبتي ما نخلي عواطفنا تحطنا في دواهي انا اقدر الاعب عواطفك واعطيك احلام ورديه واريح خاطرك اللحين بس ممكن تتقتنعين بكلامي وتروحين فيها

حرام كذا صح ولا لا
لازم نتستخدم عقولنا شوي ونقدر نحدد مستقبلنا ونعطي عاطفنا واهتمامنا للي يستاهل بالطريقه الصح اللي ماراح نعض اصابع الندم فيها














فكري بكلامي ياعزيزتي والله انا خايفه عليك ودائما كلامة الناصح قاسي.

حبيبتي والله اني نفذت اللي قلتووه لي بالحرف الواحد....غيرت بطاقه التلفون....ومسحت رقمه...وصرت اشغل روحي باشياء ثانيه....عشان ماافكر في اللي صار.....والحمد لله احس اني قويه ....وان شاء الله الازمه بتعدي....
بس ما راح اكذب عليج اذا قلت لج اني بالفعل مبهوووره باخلااااقه...ودعيت لاختي حواء لانها عطتني امل... يعني يمكن في يوم بيكون من نصيبي
انا اللي قررته طبعا بعد نصايحكم لي... اني اوقف التفكير... مجرد التفكير به.. وعدم تقصي اخباره... وعدم التفكير بالموضوع نهاءيا ... بس لو تقدم لي ... ان شاء الله راح اوافق... لانه انسان خلوق.... صدقيني اني ما شفته بس اعجبت باخلاقه...انسان يعرف ربه... ربي يجيب اللي فيه الخير.. والخيره فيما اختاره الله
شكرا غلاتي علي كل كلمه قلتيها لي,,,, وربي يحفظج ويوفقج لما فيه الخير... ويرزقج اللي تبينه ,,, اللهم امين