ترااه أول موضوع لي بالمنتدى ..أبــــــــــــي رايكم ونقدكم البناء وتشجيعكم ....
خلاص بقول السالفه لا تعصبوا اشكالكم تخوووف <<أوف من يسكتها
@تقول وحده@
السالفه وما فيها ياحبيباااتي كانت برمضان قبل فتره مهي بعيده وقت صلاة العشاء , أبوي الله يحفظه طلع بدري لصلاة التراويح وأمي وأختي راحوا مع أخوي يصلوا ويجيبوا أغراض للبيت < يعني مطولين ماراح يرجعوا بدري< طبعا ألحين أنا صرت الكبيرة في البيت كنت بثالث متوسط وأمي موصيتني على أخواتي الصغار وبدأوا الناس يصلون وقتها كنت جالسه في الصاله عالدرج اللي يطلع للدور الثاني واناظر التلفزيون واختي أصغر مني بسنتين في المطبخ وأخواتي ثنتين صغار منسدحات عند التلفزيون ونايمات فجأأأأأأه وبدون سابق انذار دق الجرس .......أنا أفكره أخوي بالابتدائي الله يهديه دايم يصلي العشاء ويرجع بدون مايصلي التراويح....قمت رفعت السماعة قلت مين؟ .. قال افتحي ..مادققت بالصوت لأن صوت المسجد مع التلفزيون عاليه فضغطت الزر وانفتح الباب وكنت متأكدة انه أخوي بس للأسف طلع ان أخوي رايح مع أمي........رجعت أناظر التلفزيون بكل براءه شوي أسمع أصوات وظرب قوي على باب مدخل الرجال اللي كان قزاز وربي شوي وينكسر من قوة الظرب..أنا قلبي طاااااااح وعرفت وقتها إنه مو أخوي لأنه في مدخل من ورى هو اللي ندخل منه وهذا بس للضيوف قمت زي المجنونة دخلت المطبخ عند أختي أبكي أقول دخلوا حرميه علينا ((أنا في العاده أجمد بمكاني بمثل هالمواقف بس سبحان الله هنا غير)) قمت سحبت أختي وأصيح على أخواتي الصغار النايمات من أعلى الدرج أقول قومــ ـ ـ ـ ــــوا بـ ـ ـ ـسرعه دخل حراميه وصرت أتخيل الحرميه داخلين يخطفوهم ويهربوا ....قمت أصيح على أختي اللي جنبي وأقول انزلي جيبيهم وهي تبكي ومتعلقه فيني ... صحيت أختي الصغيره تمهيدي وجلست تناظرنا فوق وحنا نصيح ونقولها تعالي بسرعه اطلعي ..فزت زي المجنونه وهي تبكي وطلعت عندنا والظرب عالباب لازال مستمر وأنا أصيح أبي أنزل آخذ آخر العنقود دلوعتنا اللي نايمه ومهي حاسه فينا كان عمرها 3 سنين بس ماقدرت وصرت أنزل نص الدرج ولما أسمع الظرب أرجع أجري وأطلع أنا وخواتي ونجلس نبكي وبعد محاولات نزلت وشلتها وانا أسمع أصواتهم وأبدأ اتخدر وأحس رجلي مب شايلتني والله يابنات لحد الآن مستغربه كيف قدرت أشيلها وأجري في الدرج وأطلع وأنا خايفه.....فجأأه هجد الظرب ومعد سمعنا أي صوت خفنا اكثر وحنا نجري من غرفه لغرفه ..الله الهمني أطلع فوق عند جارتنا لأن في باب من الصاله اللي فوق يطلع على الشقق وأفتح ونطلع جري وندق الباب كلنا مع بعض بقوة بس محد كان موجود في البيت هنا أنا خلاااص انهرت تماما جلست في الدرج وأبكي...مامر دقيقتين الا ونزلنا بيتنا ودق الجرس مره ثانيه رديت من فوق طلع صوت حرمة قالت لو سمحتي أنا جارتكم افتحي الباب ((جارتنا جايه في هالوقت وتدخل تظرب الباب )) قلت أنا لا مو ألحين تعالي بعدين وأنا أعرف انها كذابه بس هذا اللي طلع معي حلو ماقلتلها حياك اقلطي قفلت الجرس رحت جري وفتحت الشباك وناظرت طلعت حرمه ومعها رجالين شفت ظلهم بالجدار زاد خوفي بس كتمت عشان أخواتي الصغار..وجلست أدور للجوال والله يابنات كان قدامي بس ماشفته وقتها أخذت أخواتي ونزلنا لمكتبة الوالد في البدروم وقفلنا الباب وأخذت التلفون وأخواتي ملتمين حولي وكل وحده تصيح من جهه أدق على أبوي مايرد وعلى أمي ماترد وعلى أخواني محد يرد كلهم في الصلاه..دقيت على بيت عمتي ماترد لأن وقتها كانو مسافرين ..تقفلت الدنيا بوجهي وانهرت بالبكاء يوم سمعت أصواتهم مره ثانيه بالحوش
والمصيبه ان الباب الخلفي اللي دايم ندخل منه دايم مفتوح بس سبحان اللي صرفهم عنه..دقيت على أبوي وأمي فوق المليون مره محد يرد أختي الصغيره تقول خلاص لاتبكون اسكتوا وتقوم تنصحنا بنصايح من برائتها مهي واعيه بالموقف قمت صرخت عليها بأعلى صوتي وهزأتها لما بكت من قلبها لا تلوموني فرغت شحنتي فيها وش أسوي والله مو بيدي كله من الرعب اللي عايشته
..قررت أدق على وحده من صديقاتي وأقولها أهم شي أحد يجي عندنا لأننا خلاااااااااص بنمووووووت أخذت السماعه ودقيت ولآخر مره على أبويه وبعدها أدق على صديقتي إذا مارد...طيط...طيط...طيط..فجأة رد أبوي .... شفتوا لما خلاص تحسي انك انتهيتي ويطلع أحد فجأة ويساعدك ...أنا يوم سمعت أبوي فزيت وااااقفه وجلست أبكي بصوت عاااااالي كأني دخلت الجنه ..أبوي انصعق وقام يصيح علي ..وش فيييييك تكلمي ..صار شيء بأخواتك ..ردي علي ..خلاص اهدي وتكلمي وش فيييك..تكلمت بصعوبه وأنا أشاهق قلت بااااابا تعال بسرعه ألحين ..طوووط طوووط قفلت السماعة معد أدري وش حصل ((لكم ان تتخيلوا موقف أبوي وقتها))رجع يدق ويدق ويدق لمن هديت شوي ورديت قام يهديني ويسألني وش صاار يوم قلتله وخلصت جلست أصارخ..أبووووووووي ليش مارديت من أول كنا بنمووووت ليش وأمي ليش ماترد بسرعه تعالوا..جلس يهديني وكل شوي يقول خلاص شوفيني قربت من البيت يالله خلاص اسكتوا شوفيني .......وجلست أكلمه لحد ماوصل عندنا قال يالله اطلعي افتحي الباب ..قفلت وطلعت يوم وصلت عند الباب دق بشووووويش فزينا كلنا قلت انت مين قال بابا افتحي أنا أبوك قلت لا كذااب قال والله أنا أبوك يا.......افتحي خلاص وش فيك..ياعمري من الخوف ماعرفت صوت أبويه هههههه بس دخل ودخلنا بمناحه وصياح جديد ...وطلع ان اللي دخلوا علينا دخلوا على غيرنا كثير وقالت وحده من الجيران لأمي انهم هذولي يراقبون البيوت ويشوفوا اذا طلعوا الرجال للصلاه بدأوا مهمتهم الله يكفينا منهم ..ومن بعدها توووووبه عاد نجلس لوحدنا بس الحين خلاص كبرنا وصرنا نعرف نتصرف ..عشان كذا صرنا نتواصى عالأذكار ليييل نهاااار لأنها الحافظ بعد الله..الله يحفظنا ويكفينا شرهم جميعا ولا يفجعنا في أحــــــــــد
ردودكم تسعدني يالغوااااااااااالي
اختكم ـــــــــــــــــــــــــــــــــ ساكنة بالجوار
منقووووول لعيونكم
مشكووووووووره
ويسعدني اكوووون اول من رد