وانا باعملها لان معظم البنات كانوا عايزينها ولو ان ده مايمنعش اني اعمل ورشه للبلوزتين التانيين باذن الله علشان ماحدش يزعل
البلوزه اللي حاتعملها هي دي
وانا مشيت فيها علي الباترون والمقاس لبس بنتي وهي مقاس 36-38
وبتبدا عند الورده اللي في المنتصف وخطوات عمل الورده نشوفها مع بعض
وعلي فكره هي اخدت شلتين ونص من القطن المصري صباغي البيضا ووزن الشله 50 جرام
نبدا بسم الله
ااعملي 9 سلاسل
ووصليهم بمنزلقه لتكوين حلقه
ثم اعملي 18 غرزه حشو في الحلقه واقفلي بمنزلقه
السطر التالي - اعملي 3 سلاسل (ثم عمودين في غرزه الحشو التاليه- عمود في غرزه الحشو التاليه- )
كرري مابين القوسين لنهايه السطر واقفلي بمنزلقه
السطر التالي - سلسله ثم 36 غرزه حشو موزعه علي الاعمده واقفلي بمنزلقه
السطر التالي - منزلقه الي اول غرزه حشو ثم 3 سلاسل واقفليهم في غرزه الحشو التاليه بغرزه حشو-( منزلفه لغرزه الحشو التاليه- 3سلاسل واقفليهم في غرزه الحشو التي تليها)وكرري مابين القوسين حتي نهايه السطر واقفلي بمنزلقه وحايكون عندك 18 مجموعه لوب كل لوب مكون من 3 سلاسل
[