ورقة المقاضي

اهلين اعضاء المنتدى اناقريت هالموضوع ومت من الضحك بس احترت وين احطه مشاكل اجتماعيه او الواحه الترفيهيه المهم اني انقلب راسي وفي النهايه دخلت هنا وبحط موضوعي هنا المهم ااخليكم مع الموضوع معاناة زوج مع ورقة :arb:المقاضي ياعالم قسم راحت حياتي اوراق صغيره ..جيوبي مليانه كل ظهريه وبعد صلاة العشاء طيب يازوجتي العزيزه فيه شي اسمه دمج ..... رئاسة التعليم ادمجوها ....... ماتدمجين انتي ورقة مقاضي الظهر مع مقاضي الليل ونفتك من هالقلق اليومي ......المشكله اني اقرا طلبات مالها داعي بس مجبور اجيبها .......دراق|طماطم\بقسماط\برغل\ واخرتها مانلقا على السفره الا كبسه وان سوينا نفسنا كنديين حطينا فجل ههههههههه.....طيب هالبقسماط والصولجان وبقية الاسامي الصعبه لمين طبعا لاخواتها اذا جو الربوع وانا ياغافلين لكم الله طقني الجوع مع ابو محمد وابو عبدلله وان سوينا فيها فجور وكاااش ارسلنا ادحيم يجيب بروستد وتهاوشنا على الثوم هههههههههههه......والمدام مع خواتها يتنعمون من خيري ومن تعبي ومطامري في البقالة مع ورقة المقاضي مره سويت فيها ذكي وبعد ماقضيت لزوجتي يوم الاربعاء قلت بروح للشباب .....واطب على المدام بدري واحصل خواتها توهم حاطين الع شا .....يلعن ام الكارثه........اخيرا شفت ورقة المقاضي صدق لقيتهم حاطين سفره بدايتها في المقلط ونهايتها عند ساكو الا درجة انهم حاطين سيكل جنب السفره علشان اذا وحده بغت صحن من طرف السفره يمديها تجيبه ......والقا لوحه مكتوب عليها (السلطه 60كيلو) هههههههههههه قسم بالله مافيه شي ماهو موجود على السفره المشكله ان زوجتي تعاملني على اني ابلة تدبير وعندي خبره وانا والله مافرق بين الملوخيه والكزبره تقوم تكتب لي مره في ورقه كيلو كنافه كذابه ......تروعت وش ذاالكنافه الكذابه واروح البقاله مالقيتهااتصلت بصديق قال روح محل حلويات واروح وانسى اسمها واقول لراعي المحل عطني كنافه نصابه ههههه ناضرني باحتقار وعطاني اشكل بدل مايعطيني كنافه .....في الاخير رحت عنده وقلت ياخي معليش انا نسيت اسمها بس انها كنافه ماهيب مضبوطه يعني كافره وبتروح النار ضحك قال قصدك كنافه كذابه قلت اييييييييييييييه هذي ابي منها كيلو .....زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه وكله كوم ويوم خذت اختي في المدرسه طريقة عمل المكرونه بالبشميل سرى يومنا ماغيرناكلها الا درجة ابوي اضافها في دفتر العايله لانهاصارت جزء من العايله ووحده منا الله يحفظها الوالده ورقة المقاضي حقتها ماتتغير علشان كذا مانرميها انا حاطها في المفضله لانها نفس الطلبات كل يوم بصل \طماطم\رز\دجاج\خبز واذا بغت تسوي نفسها كيوت استبدلت البصل بالثوم واذا ملينا وبقت تجدد فيها حطت رز قبل البصل والخبز قبل الطماط والله اني اني عشت عمري كله وانا نفسي اكل شي جديد خاصة ذا اللي يقولوه اومليت الى درجة اني سكنت بفندق مره علشان لقيت القائمه اومليت مادريت انه بيض ..... المشكله ماعندهم رحمه درجة الحراره في عز الصيف الف وانت تطامر من محل الى محل ولو تجيب العثيم كله وتنسى شي بسيط قامت القيامه ولازم ترجع وانتا اصلا شرير ولاعمرنا شفنا منك خير وياعيني على استخدام التقنيه ....ورقة المقاضي صارت من العصر الحجري الحين تجيك مسج جوال والله اني ابغا اصيح اذا قريت رسايل جوالي ورسايل جوالات اخوياي لعزوبيه كل رسايلهم (عندما تشرق الشمس يوم جديد اذكرك ) (كفاني ان جنح الليل يقشاني ويقشاك)....وانا تعال شف رسايلي حليب سيريلاك او ارجع بدري نبي ماي وانت جاي جيب عود اسنان .....اعواد اسنان نص الليلة وما قطع قلبي الا اذا طلبو تسالي ....تجيب برنقلز قالو ا نبي جحا...... تجيب بنكهة الكاتشب قالو نبي بالخل والليمون .........تجيب صلصه قالو نبي ماجي بمناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 12\7متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ........جزاها ا الله خير تفهمت الموضوع بشكل حضاري ..........واتمنى انوااعجبكم الموضوع ووسع اصدوركم شوي لكم خاااااااااااااااالص تحياتي :33: