ورم سرطاني واخطاء طبيه

بسم الله الرحمن الرحيم
تبدا قصتي منذ حوالي سنة بعد ان ولدت بطفلي الاخير بشهرين اخذت ابرة منع الحمل وبعد 3 شهور اخذت حبوب منع الحمل لمدة3 شهور وبعدها لاحظت وجود كتلة في صدري الايسر خفت وذهبت الى دكتورة نساء فحولتني لاشعه تلفزيونيه فقالي الدكتور انه ورم حميد2 سم . وهذه الغلطة الاولى ( المفروض ما يبان الا بالخزعه والتحليل) بس ما بيفهم
وبعدين رجعت للدكتوره فطمنتني وقالت وقفي رضاعه وكان بدها تعطيني ابرة منع الحمل للعلاج بس رفضت وقالت في الاجازه روحي جدة وسوي ماموقرام يعني بعد 5 شهور واعطتني حبوب وكريم وهذه الغلطه الثانيه ليش ما قالت لازم الحين تسوين ماموقرام او خزعة للتاكد. المهم ان اهملت الموضوع لين جا رمضان وحسيت الكتلة كبرت فذهبت بعد العيد الالماني فسويت اشعه ورحت للجراح فقال الورم حوالي 6 سم ولازم عمليه ينشال وهذي الغلطه الثالثه المفروض ياخذون خزعه وتتحلل عشان مايتعبون المريض بعمليتين سويت العملية الاولى وطلعت العينه سرطان فقالو لزوجي لازم عملية ثانيه للتنظيف افتكرت انه استئصال جزئي لكن بعد العملية الثانية كان بين العمليتين اسبوع اكتشفت انو تم استئصال كلي فبكيت وتعبت:icon33:وحللو العينه الثانية فطلعت خالية تماما من السرطان حتى الغدد الليمفاوية فندمت على اني وافقت على العملية الثانية
لكن حسبي الله عليهم همهم الكسب المادي فقط كل المستشفيات الاهلية كذا وبعدين رحت اكمل في مستشفى حكومي لين اتحول للتخصصي سويت اول جرعه قبل 17 يوم وباقي 3 ايام على الثانية والحين شعري بدا يتساقط وامكن بعد يومين يخلص الله يعوضني خير بدل صدري وشعري:44: وانصح اي وحده تشوف كتله لاتهمل نفسها ولا تروح الا لمستشفى كبير ومشهود له وتنتبه وتسأل عن كل شئ اوكي الله يسهل امورنا جميعا


اللهم احفظ زوجي واطفالي من كل مرض ومن كل شر وعين حاسد وعافني لهم امين :26: