وزن طفلتي زايد

ماشاء الله تبارك الله الله يحميها ويحفظها ويبلغك فيها يارب


اذا انتي وابوها نحاف لاتخافي باذن الله تنحف..وحرام لاتجوعيها في هذا السن مايتحملوا

بسم الله عليها الله يحميها ماشا الله تبارك الله

الله يحفظها اهم شي خليها تلعب كثير وتنط وتجري وماعليها الا العافيه دام اكلها صحي اذا خطت ثلاث سنوات وصلت مرحله الروضه حاولي تكشفي عليها وتكفين حصنيها الناس ماترحم

وعليكم السلام ورحمة الله وبركاته .

اذا كان اكلها طبيعي وصحي انصحك تستمري لكن لا تتخميها ولاتجوعيها .. خليك معتدله يعني تاكل معكم بوجباتكم .. مو تعطيها وجبه لحالها ثم تعطيها معكم الا اذا كان اكلها لوحدها بكميه قليلة كتصبيرة فقط .

التجويع بيكون له رد فعل عكسيه عليها وعلى جسمها , هي الآن في فترة نمو وجسمها محتاج طاقه بما انها تلعب وتركض وتكبر بسم الله عليها ونشيطه .

انتي اللي عليك تمنعيها من الحلويات والشبسات والسكريات الا مره باليوم او يومين براحتك وتحت اشرافك وبكمية بسيطة .. لاتشترو كرتون من الحلويات الا اذا انتي مخبيتها زين وماتشوفك وانتي تجيبي لها حتى ماتعرف مكانه وتجلس تفكر وتتعلق بها .

وانتبهي عليها اذا راحت لبيت اهلك او اهل زوجك خصوصا لو زياراتكم كثير يدلعوها ويلبو رغباتها وتاكل الحلويات عندهم وتترك الاكل الصحي .

بتكبر بنتك وبتنحف لوحدها ان شاء الله .. مو كل طفل له نفس البنيه ونفس الاحتياج للطاقه .. لو بنتك اطول واكبر من طفل آخر بعمرها طبيعي بتحتاج طاقه اكثر .

يمكن عندكم وراثه البنيه الكبيرة للجسم من طرف الخالات والعمات مو شرط تكون طالعه عليك او على ابوها فقط .

الله يحفظها ويخليها لك .

بسم الله ماشاءالله تبارك الله انا اعرف انك بتعانين لو بس من عيون الناس الصدق مايخلونك في حالك ويسالون وش تعطينها ووش حليبهاا ومن هالاسئله اللي مالها داعي😤😤
افطميها من الحليب لان هو اللي ينفخ الطفل طالما تاكل خلاص وخلي اكلها صحي وابعدي عن المقليات والخرابيط وربي ينحفهاا بصحه وسلامه يارب