وسائل التذكير بين الماضي و الحاضر والمستقبل

السلااااااااام عليكم
بدخل في الموضوع على طووووول (ماعندها وقت الاخت)


في يوم من الايام ذهبت ام احمد الى منزل اهلها ومنذ ان فتحت الباب الا تنطلق عليها اختها وتقول لها جبتي البلوزه الي قلتك تجيبنها ؟؟
وتضع ام احمد يدها على خدها وتقوووووول يوووووووه نسييييييييت
وتطب فيها اختها (ما يمديكم على اللغه خخخخخخخ) وتقول لها كان حطيتيها في الشنطه منذ ان قلت لك
وتقول ام محمد (مدري ام احمد نسيت وش انا مسميتها ) وش قالوا لك كمبيوتر انا يالله بس ذكرت اجيب نفسي (الاخت بغت تنسى نفسها وترسل عيالها لحالهم)
وتبدأ المهاوشه وتقول اختها يعني متى بتجيبنها يالله الاسبوع الجاي
قالت ام احمد ان شاء الله اذا مانسيت
قالت اختها خلاص حطي ساعتك في يدك اليسار عشان تذكرين
وتحط ام احمد ساعتها في يدها اليسار عشان تذكر البلوزه (طبعا هي بتجيبها الخميس الثاني والساعه في اليسار الى الخميس الثاني)
ويجي يوم السبت وتروح ام احمد لمدرستها وقبل ما تطلع قالت لها بنتها الصغيره جيبي لي معك بطاطس من المدرسه قالت ام احمد ان شاء الله وخافت لاتنسى البطاطس وراحت ترجع الساعه في اليمين (الله يعين هالساعه رحمتها ) ويوم راحت للمدرسه نست البطاطس لان الساعه في اليمين وهي عادي متعوده انها تصير في اليمين ورجعت للبيت
وكانت في استقبالها بنتها وعلى طووووول قالت البنت ابي بطاطس
وتضع ام احمد يدها مره اخرى على خدها وتقوووووول يوووووووه نسييييييييييت
وتنفجر البنت بالبكاء وتبلش بها الام
ومر الاسبوع وجا يوم الخميس وتروح لاهلها ونفس القصه تنسى البلوزه حقت اختها لان الساعه في اليمين من بعد ما راحت للمدرسه يوم السبت (حشا صارت مأساة هذي ) ونفس المشكله تطب فيها اختها
وهكذا رحت ام احمد في مشكل بسبب النسيان فما هو الحل ؟؟

ومثل ما قال المثل الاختراع ولد الحاجه

الناس في الماضي كانوا عارفين انهم في حاجه لشي يذكرهم بامورهم
فاخترعوا وسائل لتذكيرهم
كانوا الرجاجيل يربطون شماغهم والحرمه تربط شيلتها
او انك تطقين اعلان ذكروني اسوي كذا

او طريقه ام احمد وهي انك تحطين الساعه في اليمين اذا كانت في اليسار او العكس
وبعض الاحيان تجي مشكله تحطين الساعه في اليسار وتنسين ليه حاطتها والله البلشه ويالله عاد اقعدي لك ساعه عشان تذكرين ليه حاطتها في اليسار !!!!!!!
وفيه ناس يقالهم متمدنين اذا بغو يذكرون شي يغيرون مكان اثاث بيتهم


وبعدين بدت الناس تتطور شوي وصاروا يعرفون يكتبون ويكتبون الاشياء الي يبون يسونها وبعضهم اطور شوي _ حلوه اطور هذي_ وعندهم شغالاتهم ويالله عاد تقولها ذكرني اعطي ولدي علاجه واذا نست الشغاله قعدت تهاوشها- تقل موكله بولدها وش دخلها هالضعيفه هي بتبد على البيت ولا على المواعيد ولا على الشغل الله يعينهم بس-

وبعدين عاد طلعت الجوالات وصاروا الناس يستعملونها في تسجيل مواعيدهم

في المستقبل
اتوقع انهم يجيبون لهم رجل آلي يذكرهم بسم الله الرحمن الرحيم


الحين عاد ابيكم تقولون لي وش وسائل التذكير المتبعه عندكم في الماضي والحاضر ووش تتوقعون في المستقبل ؟؟