::وسعــــ مع شقحه ـــــوا صدوركم ـ::

السلام عليكم ورحمة الله وبركاتوه

المراد يالله حيهم وبقهم ..؟..

وشونكم لا شان لونكم

اللي تقول لونا مثل لونكم بقوم امحطها باكبر ماعندي

المهم يالربع ودنا نفتح هالماضوع للسوالف وسعة الصدر يعني اللي يضيق خلقها تجي هني وتفش خلأها

نبي سوالف وعلوم طيبه وهرج ناس اجواد يعني سوالف ولا قصص انا ببداها لكم بكم سالفه واذا عجبنا الوضع بنكمل لكم السوالف


بنت الحلال بتصير الشرهان على غفله ...

خخخخخخخ

المهم ببداها بسوالف مع جدتي ؟.؟.

هاك اليوم قررت جدتنا المصونه اذا نزلوا لها معاش اشؤون تطلب لنا عشاء من مطعم وكان بالبيت مغير انا وشمه ونوره وورعانها وعذاري وخلود وخزنه وسعودي وعبيده

والله لو تشوفون شكالنا شلون متجمعين وندعي ولا الأرانيين اللي يطوفون بمكه

المهم ماطوها وجاء ابوي وجايب لجدتي معاش الشؤون الله ولزق لها بلعومها اطلبي لنا اطلبي

وتقعد تتشيحط قدامنا عاد لا تشوفون جدتي وفصلتها مسكه الفلوس تحرنا فيها وتسوي حركه حره << فقيرات ماعندهم معاش .. ومره تقط الفلوس نركض نتجمع بناخذها تنسدح فوقهاا


المهم بنت الحلال بطلت فصلتها وقالت يالله جيبن التليفون .. قمت فزيت لها .. ياعونك .. مالي بالطويله ..؟..

وقعد ساعه اطلب جدتي اني انا اطلب واكلم الرجال هي قفلت قالت لا ثم لا بناتنا ما يكلمن رياجيل المهم ..

وتمسك السماعه وتطلب لنا مطعم ..

جدتي : هلووو
هو: نعم
جدتي: عطنا وشهو شقحه
انا : امليها : همبرقر جدى
جدتي: همنقر
كلنا: خخخخخخخخخخخخخخخخخخخ
هو: هههه طيب
جدتي: شقحه جعلك لقص الضلع وشو بعد
انا: وشبس
جدتس: تميس
انا: لالالالا
هو: ههههههههههههههه
جدتي: يمال الغضر تضحكين عند الرجال ليه وش تبين اخلصي
انا: شبس بطاط
جدتي: قولي بطاطس
هو: اي
جدتي: انهجي علينا وش بعد
انا: جدا وبيسبسي العايله
جدتي: ابك حتى العبسي صار عايله عقب ما دليغات العايله
انا: اي اي جده اخلصي
جدتي : واللي قالته الماخوذ
هو: طيب العنوان
جدتي: ابك ماتعرف عنوانا
هو: لا والله
جدتي: شف وين قصرينا ابو متعب
هو: منو ابو متعب
جدتي: قصيرنا وش بعد بيتنا لزم بلزم
هو: مانعرفه نبي العنوان
جدتي: انا بعطيك العنوان
هو: ياخاله عطيني احد غيرك يعطيني العنوان
جدتي: اللعين ابو ذا الوجهه تبي تكلم بناتنا اقطع واخس انت شكلك ماتبي تبيع لنا مانبي من وراك منه اقطع اجل تبي احد ثاني بي تكلم حريمنا .. يانعبوا من حط لكم مطعم لابوكم لابو اللي يطلب من عندكم


طك سكرت السماعه

حنا طبعا متبطحات ضحك .. وربي كل ماتذكر شكلها افطس ضحك

المراد اخر شي تعشينا خبز وجبن وشاي منعنعش ..؟..

يالله حبايبي نبي سوالف وهروج .. سواء سوالف مع جدتك ’ موقف محرج ,’ موقف مضحك ’ مصيبه مضحكه ’ مقلب سويتيه بأهلك ’ مواقف بالمدرسه ’ بلوتوثات او صور مضحكه

كله نبي نرصه بالهموضوع نبي سعه صدر يالله حبايبي

وترقبوني بسالفه صرقة النعول