وسواس ذبحني وشوي أصير مجنونه

بنات انا بيني وبين الجنون شعره
تعبت تعبت خلاص ابي حل ابي علاج اي شي المهم ارتاح واعيش طبيعية
تخيلو معي عندي رهاب اتوقع من الحمام
يعني كل ماادخله اقول أكيد في كاميرا مراقبه
ادري شي يضحك بس مدري ليش انا كذا آوسوس 😩 تخيلو ماعد صرت استحم يوميا عشان هالشي وإذا جئت استحم لازم أَطْفِئ النور وأخلي شويه ملابس عليا 🙄😕 والله أتكلم جد وحتى صرت مااروح الحمام كثير يعني أحبس نفسي تخيلو ☹️ حسبي الله على الشيطان وانا على هذه الحال سنتين
وتشجعت وقررت اكتب الموضوع مع أني ادري انه يفشل بس والله أني محتاجه لرد صاحي يرجعلي عقلي شويه
هذا الشي مااقدر أقوله لاهلي ومستحيل من سابع المستحيلات أقوله لآخذ حتى لو لصديقاتي
وشئ ثاني انا اتوقع عندي رهاب بسميه اسم من عندي ( رهاب الستر) ايوه هذا الاسم يليق عليه لاني اول شي عندي عقده من جسمي
مو عشان مايعجبني
لا
اقصد ماابي البس ضيق حتى لو شوي مااقدر اخاف توضح معالمه وأحس بإحراج ومااقدر أتحمل على طول اروح ألبس شي واسع وثقيل لدرجه يقولون سمينه بس انا عظم على عظم
ودايم حريصه حرص جنوني ووسواس ذبحني أني أكون متستره ادري عاد من زيني 😂😭💔 بس كذا استحي واخاف حتى من نفسي استحي 😩
حتى مرا فكرت قلت اذا مت ماابي يغسلوني مااتخيل يشوفوني
وافكار كثيره عجيبه وحتى أشيل هم الزواج 😂😭 مستحيل يشوف شي
الله يعيني ومستحيل اروح مستشفى والله مستحيل مابيصدقوني اهلي وحتى اذا صدقو بيقولون دلع
انا من صغري عندي العقدة ذي بس اخر سنتين زادت بشكل يخوف
ماعد صرت أتهنى ابدا ابدا حتى في نومي اخاف يُبين مني شي مع أني ياكثر الملابس الي البسها حتى بعز الصيف
بنات انا بنظركم عادي طبيعية ولا كيف ؟؟؟؟؟؟
وسلامتكم 🌷🌷🌷🌷🌷