وسيعة الصدر تدخل تشوف كيف اخطاء زوجي

بسم الله الرحمن الرحيم

يااخواتي الغاليات انا راح الطرح مشكلتي مع زوجي وخبرته انني راح اقول لكم كل شي عن تصرفاته وانتم ماراح تقصرون في ردودكم اول حاجه زوجي بسم الله منصب ومركزه عالي عندي اربع عيال والخامسه بنت اخوه عايشه معانا ابوها متوفي لا نملك بيت في ايجار علينا اقساط وديون خارجيه المهم زوجي مرح وحنون والحمد لله مع اولادي ولكن المشكله انه خفيف جدا ويتكلم كثير مما افقده هيبته عند كثير من الناس وخاصة مع اخوانه وا خواته للدرجة انه يكلم بنت اخته وولدها اعمارهم 3 سنوات يجلس يسولف ويسولف وكانهم كبار مما افقده الاحترام عند خواته يتكلمون عليه ويردون عليه يابنات والله ماعمرهم وحده شالت السماعه على عياله اذا جلس مع خواته يهذري بالكلام كثير وهما ساكتين يادوب كلمه يطلعونها قال لا خته خلاص ملابس عيالك صيف شتاء عندي والله يااخوات نادر مااشتري حق عيالي عشان ضروفنا الماديه بعد الكلمه هذه اخذ كوره وجلس يلعب مع بنت اخته ضربها في راسها قامت عليه تتكلم وزعلت وسمعته كلام ماله داعي بس هو رد عليها وجلسو يتخاصمون يمكن ساعه زوجي ترتيبه بين اخوانه 3 بس هو متحمل كامل المسؤوليه اخوه الكبير مات الله يرحمه والي بعده حتى هو مركزه عالي بس ثقيل على الاخير تدرون يابنات زوجي يعامل عياله وزوجته احسن معامله وزوجها مايطيقني انا وعيالي ندخل بيته للدرجة انها تكلمني وهو مايدري والله زوجي طيب بس طيبه بزياده وبقول لكم على شي هو ان زوجي مافي شي عنده وسط هو يايحبهم مره يايكرهم مره ماعرفت له ابدا والله يابنات لا تاخذون عني فكره اني اكره اهل زوجي لالالا الحمدلله هو يعرف قدرهم عندي بس والله ودي يثقل شوي ماشاءالله عيالي مره رزه نادر مايتكلمون مع احد مو شوفت نفس لا والله بس ماابغيهم يصيرون مثل ابوهم كانه بالع مسجل قبل اسبوع قلت بناخذ خروف للعيد قال لالالالالالا المهم قبل امس قلت يالله زوجة اخوك تقول خساره كان ودي نجتمع قال خلاص باخذ ونعزمهم وهم اصلا كل سنه عندي العام سويت لهم العشاء من العيد حقنا واخذ عياله وراح جاء اخذ نصف الخروف وسحب علينا وانا تعبت وسويت العشاء والحين يبغي يروح ياخذ العيد عشانهم بس اخواته يعيدون عليه ويكلمونه وانا ماكاني زوجته يابنات لو تدرون ويش قدمت لهذه العايله من الخدمه والله ماتصدقون للدرجه انها وصلت حتى للكرامتي من خدمه وطبخ وكرف وصبر وتربيه ولكن بدون جدوى يعرض على خواته يصلح اسنانهم ويوصلهم المستشفى ويكلم المستوصف ودكتور عشان اسنان اخته والله اني اشوف اسناني وضحكت ضحك ماهوب طبيعي صدق رسول الله عندما قال خيركم خيركم لاهله حتى اذا خواته عندنا مايراعي مشاعر اولادي ماسك بيد بزر صغير عمره سنتين راح به جاي وعيالي وراه يمشون كانهم عيال الجيران سكت وجاملت الى سبحان الله ربي نصرني عليهم وتزاعلو وعشان مين عشان عيالها الي مسوي لنا بهم ضجه في البيت حلو الواحد يكون طيب واخلاق ويجيب هدايا ويحب الاطفال بس للنا س تستاهل مو ناس مايشوفونك شي اكيد راح يزعل من كلامي اذا ما وجهته انا ماراح احد يفكر فيه اي وفي شي بعد اخوه اذا وصل عياله عندنا مايرجع ياخذهم يقول للزوجي انت جيبهم وزوجها حاط عنده قرار اني ماركب معه في سيارته شوفو الفرق وانا مستحيل الركب معاه لو مايبقى في الدنيا غيره والله يازوجي العزيز نقصت في حق نفسك كثير وياليت نلاقي مين يرد المعروف او نسمع كلمه حلوه او احترام في نفاسة اخته انا قمت بها واخرتها تقول الله لا يشكر فضلها والله تعبت تعبت منهم ولي تعبني اكثر زوجي لا تقولون غيره مني اخر شي افكر اغار من اهله بس هو غلطان في حقنا وفي حق نفسه كل وحده تقول له هل هو صحيح الي قاعده يسويه فينا قبل فتره اخته سافر زوجها الحج ورحنا عندها وكل شوي يقول بخلي عيالي عندك ينامون اسبوع وانا راح اجي هنا معاكم وهي ساكته تضحك مالها نفس ونحرجت قلت انا لالالا نجي نزورها وبس وماخفي اعظم هذه ملاحظات شهر بس معليش طولت راح يقرا ردودكم