السلام عليكم اخواتي
انا قبل كم يوم نزلت موضوع عن زواج زوجي ..واللي تبي تقرأ الموضوع تدخل ملفي الشخصي ...
أخواااتي..
أول شي قبل ما اكتب موضوعي ..رجاااء كل وحده تدخل موضوعي تبي تسوي مشاكل وبلبله زي موضوعي الاول ..موضوعي يتعذرها..اللي عندها كلمه زينه تقولها واللي ماعندها تترك موضعي ماهي مجبوره تقرا وترد...
والله اللي تسوي اي شي من هذا لأدعي عليها في سجودي اخر الليل ان الله يبتليها ويشغلها في نفسها..
انا كاتبه موضوع عشان استفيد من آراء الأخوات الحكيمات هنا اللي ممكن رأي وحده منهم يكون سبب في حل مشكلتي ..مو عشان تسوون مشاكل واحزاب ..وانا اللي فيني كافيني
________________________
اخواتي ..والله ضايقه فيني الدنيا,,,من يوم زوجي صارحني انه بيتزوج واناخلاص
خلاص كارهته مااحبه يكلمني والا يجى حتى جمبي..
ماعدت اقدر اعيش حياتي الطبيعيه زي اول كل الوقت بكاء ودموع وحزن عظييييييييم
انا اكتب لكم هالحين وماشوف الكيبودر من كثر ماابكي عيوني تجرحت وحالتي النفسيه تزيد سوووء ..
مااني قادره اصدق انه فعلا زوجي بيتزوج ويعيش مع وحده غيري حياه ثانيه..آآآه ياربي مااحد يعلم الألم اللي داخلي الا أنت..
واللي يزيد يموتني قهر اذا اخذ وحده اجمل مني وصغيره والله احس اني مااعاد اتحمل وانا بس اتخيل الوضع شلون لا صار حقيقه...صدق يابنات امس رحت لزواج قلت باتسلى شوي ..اللي صار ان الناس بعالم وانا بعالم ثاني..كل ماشفت وحده حلوه قلت في نفسي لو فلان يتزوج وحده زي هذي وش يصير فيني ياربي ..؟؟؟ والا اني ارد دموعي غصب لا تطلع وتفضحني..
كل وقتي صرت افكر وش يصيرلي لو تزوج والهم اكلني اكل.. شعري تساقط وزني نزل اهملت نفسي لآخر درجه...حتى زوجي صرت مقصره معه في كل شي ماعاد اهتم فيه زي اول ولا اكل معاه ولاشي..اختفت البسمه من حياتي كل شيء صار كئيب..
انا اللي كنت بشوشه وطول الوقت امزح واضحك صار وجهي عابس 24س
وانا مااشتغل في البيت مافيه شي يشغلني فكرت ادخل تحفيظ بس مشكلتي مااقدر احفظ ذاكرتي ضعيفه جدا..
طول وقتي قاعده في هالبيت مقابله البزران ومشاكلهم والا قدام الاب توب ..حتى لو طلعت زيارات ومناسبات ماانبسط اقعد سرحانه وبس اجامل..
وطول الوقت وانا اغالب دموعي لا تنزل ..همي كبيير يارب فرج همي انت اكبرمن كل شي..
بتقولون اقري قران وصلي واستغفري الحمدلله انالوماربي راحمني بالصلاه والقرآن كان ماادري وش صار لي!!!
بس في القلب غصه ...
الشي الثاني تعاملي مع زوجي ...ماني عارفه وشلون اتعامل معاه..
هو الى الآن ماخطب ..ولا يدري من يخطب بس قاعد يدور هو وخرابين البيوت اصحابه..ولا تقولين يمكن يغير رايه
لا مستحيل امس يقولي..انه والله لاتزوج لو مااعيش معاها غير يوم واحد..هذا حقي وانتي مو من حقك تمنعيني..
بس والله من جد محتارره كيف اعامله ؟؟؟ بعد اللي صار بيني وبينه..
على فكره الشروط اللي قلتها له ماعاد ناقشته فيها بس اخر مرره كنت مصره على كلامي..وخلاص عليها لاني اصلاكل مااتكلم معاه لازم نتهاوش ويطلع زعلان..
كل يوم تخيلوا كل يوم هواش ومشاكل والا كل واحد ما يكلم الثاني..واذا رجعنا شوي هاديين ماتتعدى 2او3س بعدين نقلب الكلام لهوشه هو يستفزني وانا ماعدت اتحمل زي اول صار اي شي ينرفزني ويوتر اعصابي...وانا بعد مااقصر معاه
وهو بعد بدل مايراعي مشاعري ونفسيتي التعبانه يزيد الضغط على وكل يوم يقولي تراك كل ليله
تلعنك الملائكه عشان انام وانا زعلان عليك ..
قولوا لي يااخواتي وش اسوي معاه؟؟؟!! وشلون تكون معاملتي ارجع زي قبل اهتم فيه وادلعه واسوي كل اللي يبي ..؟؟؟..مع اني اشوفها صعبه علي مررره..
والا اكون رسميه في تعاملي معاه وأدي واجباته بدون مااعطيه وجه ..والا اسحب عليه مررره والا شلون ؟؟ والله كاني توي متزوجه مالي خبره في الحياه الزوجيه ..لا تلوموني ترى كثر الضغوط تعمي البصيره..
والشي الثالث..هذا شارت به وحده علي وانا ماني مقتنعه فيه مع ان كلامها صحيح بس مااقوى اسويه...تقول ..مادام زوجك خلاص متزوج متزوج اختاري له انتي العروس
وحده تعرفينها وتعرفين اخلاقها واهم من هذا كله ماتكون جميله ..خذي له وحده عاديه
جدا اهم شي مافيها جاذبيه..وتكون طيبه وحبيبه وبنت ناس محترمين يخافون الله لانها بعدين بتصير ام اخوان عياللك ويمكن هالشي يشيل الغيره من قلبك وقلبها وتصيرون زي الاخوات بعدين مااحد يدري...وهذا الشي في صالحك حتى قدام الناس بيقولون هي اختارتهاله وراضيه مو غصبا عنها..وقالت فكري في اللي قلت لك بشكل جدي واستخيري والله يكتب لك مافيه الخيير...
هااااه وش رايكم في كلامهاا؟؟؟
اشيرووا على يااخواتي احس اني في دوااامه كبيرره ماني قادره اركز في شي..
اخت سويت انا ماقصدي لازم تردون رد يعجبني والا بادعي عليكم .. اجل ليه انا كاتبه الموضوع موعشان استفيد
من ارائكم..انا قصدي بعض العضوات الله يهديهم يقلبون الموضوع حرب وهوشه والا تجي وحده تستهزء وتتمسخر على صاحبة الموضوع ماتدري يمكن ربي يحطها في مكانها يوم من الأيام وتذوق حرقتها..هذا قصدي عشان تفهمون بس
وشكرا لأخواتي اللي ردوا ودعوالي الله يجزاكم خير
------------------------
كن معي ياألله :( & @kn_maay_yaallh_amp
عضوة جديدة
يلزم عليك تسجيل الدخول أولًا لكتابة تعليق.
اكره ماعندي المثالية.... فكرت بوضعك وحطيت نفسي مكانك... واتخيل لو مكانك ابعد فترة نقاهه افكر فيها بوضعي الجديد بعيد عن الضغوطات و نقة العيال (اذا كانوا كبار فوق الـ 7 سنين)...
ولازمي الاستغفار لانه الشيء الوحيد الي غير نفسيتي من ضغوط الدراسة والزواج بنفس الوقت... والله يصبرك ويهون عليك...
وتذكري ان طريقة تعاملك مع الموضوع مايساعد انه يشيل فكرة زواج زوجك من راسه... بالعكس كل مازادت الفجوة وكثرت المشاكل زاد اصراره وزاد نفوره منك... ابتعدي اسبوع اسبوعين اشتغلي على نفسيتك... يمكن هالشيء يساعدك...
وسوي رياضة جري مثلا اذا عندك حوش برا يخفف من الضغوط الي عليك... فوق ماهي تحسن النفسية, بتشد عضلات جسمك وتخفف من الوزن الزايد...
ولا تخطبين له, لان اصلا قليل الي يقبلون بمعدد بسبب المشاكل... خليه يحوس يحوس وعساه مايلقى
ولازمي الاستغفار لانه الشيء الوحيد الي غير نفسيتي من ضغوط الدراسة والزواج بنفس الوقت... والله يصبرك ويهون عليك...
وتذكري ان طريقة تعاملك مع الموضوع مايساعد انه يشيل فكرة زواج زوجك من راسه... بالعكس كل مازادت الفجوة وكثرت المشاكل زاد اصراره وزاد نفوره منك... ابتعدي اسبوع اسبوعين اشتغلي على نفسيتك... يمكن هالشيء يساعدك...
وسوي رياضة جري مثلا اذا عندك حوش برا يخفف من الضغوط الي عليك... فوق ماهي تحسن النفسية, بتشد عضلات جسمك وتخفف من الوزن الزايد...
ولا تخطبين له, لان اصلا قليل الي يقبلون بمعدد بسبب المشاكل... خليه يحوس يحوس وعساه مايلقى
نسيت اقولك اختي ارجعي الثقه بنفسك ماينفع تهمليه لازم تجددي عطوراتك ولبسك غيري حياتك وروتينك دلعي نفسك ععشان الموضوع مايعشش في مخه لعل وعسى مع تغيير ك يتراجع عن قراره دعواتك لي
frote
•
الله يفرررج همك والله حااسه فيك
وانا من رأي الاخت انتي اخطبيله مافيها شي كثير حريم يخطبون لازواجهم
وانا من رأي الاخت انتي اخطبيله مافيها شي كثير حريم يخطبون لازواجهم
الصفحة الأخيرة
واستخيري قبل كل شي الله يهونها عليك وعلى بنات حوا